عند انفتاح عنق الرحم ممكن يتسكر مره اخرى ؟

[حامل الله ياجرنا]

السلام عليكم يااخواتي الغاليات
طبع ذكرت لكم من قبل ان من كثر المشاكل والتوتر بالبيت احسست بالم بالرحم وكان الطلق وانفتح عندي الرحم 2 سم
السؤال هنا :هل بعد الراحه والنوم بالفراش يغلق عنق الرحم ؟ ام يظل مفتوح الا وقت الولاده ؟؟
ارجوا ممن لديها خبره بهالمجال ان تجاوبني

[روح دحومي]

حبيبتي الله يهوون عليك

ليش ما تراجعي الدكتوورة و تخليهاا تكتب لك حبوب يوتوبار هذي الحبوب ترخي

عضلات الرحم و تاخر الولادة المبكرة

ربي يقوومك بالسلامة

[دمعه غلا]

حبيبتي راجعي الدكتور احسن يمكن تحتاجين ربط عنق الرحم الي الولاده ينفتح
الله يتمملج على خير انشالله

[حامل الله ياجرنا]

الدكتور يدري انه منفتح 2 سم بس لاني تميت عندهم يومين تحت الملاحظه واختفى الطلق قال مافيش خوف والحمدلله انك بخير واستمري ارتاحي بالبيت الى يوم موعدي بيوم 24 ذي الحجه وعندي موعد بالمركز الصحي كلهم يشوفون حالتي اذا تحتاج ربط ولا لا بس هم قالوا الزمي الراحه بس هذا علاجي

[ام لمار]

الله يقومك بالسلامه بس انتي في التاسع ؟؟ او اذا دخلتي التاسع وولدتي قبل ما تخلصيه ترا انتي وجنينك بحول الله في الامان عادي مو كل الناس يكملو الشهر التاسع

[حامل الله ياجرنا]

لاياقلبي ام لمار توني دشيت الثامن وخوفني الدكتور قال لاينولد هالوقت مو من صالحه يارب يتمم حملي على خير قالي اذا دخلتي لو يوم واحد بالتاسع بنولدج الله يتمم الحمل بخير تعبت واجد بهالحمل

[شذن]

اهم شي الراحة بهل الفترة واحذري انك تشيلي شي ثقيل والله يتمملك على خير ويرضيك ولاتخافي من شي بس ادعي ربك

[دلوعة بالحيل]

ارتاحي يا قلبي
و ربي يتمم حملك

[حامل الله ياجرنا]

امين هذا انا احاول قد ماقدر ارتاح لاتنسين ام العيال عمرها ماترتاح كله قومه وقعده الله يتتمم الحمل على خير ويسهل علي وعليكم حملكم وولاداتكم

[سارونة]

انا بالرابع وانفتح معاي الرحم ونزل معاي دم
الدكتورة اعطتني مثبت وقالت لي الزمي الراحة الحين لي تقريبا 17 يوم وعلى حالي ..
واللي افهمه من كلام الدكتوره ان الرحم يتصكر لما ما بيتهيأ للولاده ولافيه عوامل مساعده على انفتاحه ..

الله يتمم لنا على خير

[حامل الله ياجرنا]

اللهم امين ياسارونه بس تو الناس بالرابع انتي ارتاحي ياقلبي ولاتتععبين حالج والله يتمم علينا هالحمل وييسر ولادتنا