حرارة بالجسم وصداع مع حمى وغثيان وتحليل المنزلي سلبي

[Mj_Oman]

حرارة بالجسم وصداع مع حمى وغثيان وتحليل المنزلي سلبي
حرارة بالجسم وصداع مع حمى وغثيان وتحليل المنزلي سلبي



مرحبا بنات شخباركن
الدورة متأخرة معي 9 ايام مامنتظمة سبق وخبرتكم حملت واجهضت
عملت فحص ف اليوم 5 بعد التأخير وطلع سلبي
من يومين فيني سخونه ف جسمي وامس كان فيني صداع واليوم فيني حمى وغثيان وصدري شي خفيف يعورني اخاف احلل ف البيت واطلع مو حامل
تعتقدو أعراض الحمل فيني😢

[Noosha]

اذا ما سبق وتأخرت 9 ايام حللي دم هرموني وتوكلي ع الله
الله يرزقج ويرزقنا بالحمل السليم والطفل المعافى امين يا رب العالمين :-)

[رحيق القلوب]

نصيحه مني انسي سالفة الحمل دامك حللتي بعد تاخرها بايام لو فيه حمل كان بان روحي اكشفي اتطمني مايكون عندك شي وانسيها بتنزل واذا مررررررره عندك امل بالحمل سوي هرموني بترتاحين

[قوتشي]

يااااااارب حمل ..
قوي قلبك يلا حللي وتعالي بشرينا

[هدوء انثى]

تفائلي ولو ماصار اكيد خيرة ورب العالمين كريم
حللي وبشرينا

[وفاء الورد]

اعملي تحليل دم جتي تطمني
ربي يرزقك با اختي

[منتظره لحلم الأمومه]

مع أن انتي تقولي الدوره مو منتظمه عندك

ولكن هالأعراض أن شاءالله تكون بشارة حمل ياما ناس مابين معاهم ع طول

رجعي عيدي التحليل او سوي تحليل رقمي أضمن

الله يعوضك وكل محرومه بالحمل السليم التام يارب