جراحة تجميلية للمهبل لما بعد الولادة

[المشتاقة]

بسم الله الرحمن الرحيم

السلام عليكم ورحمة الله وبركاته فاخباركم كروشاتhwaml7 فحبيت أطرح عليكم موضوع جديد عن عملية تضيق المهبل لما بعد الولادة فهذا أول حمل لي وأنا بكرية فحبيت أسال بعد كم من شهر أسوي هذي العملية التجميلية بعد ما أولد انشاالله فانا أحب اثقف علشان اريح زوجي و ما يحس بضيق اني اتغيرت بعد الولادة فاحب اثقف بها المواضيع و اللي مسويتنها تنصحني اسويها بعد كم من شهر حبوباتي والسموحةhwaml16
hwaml12

[غلاالقصيم]

اللي اعرفه ياااقلبي انوو عملية التجميل ماتسوينهااا من اول ولادة بالعااادة يسووونهااا بعد الولادة الرابعة او الخاامسة لانووو اول ولادة مااتخرب بس انتي اطلبي خيااطة من دااخل بالتوفيق يااقلبي

[المشتاقة]

مشكورة حبيبتي غلا القصيم ما اتقصرين....

[ليدي المدينه]

شو قصدك بخياطه من الداخل يا غلا القصيم

[روزليتا]

التجميليه بعد الولاده حبيبيتي ويسويها لك مستشفى خاص يعني بعد ماتولدي وانتي بغرفة الولاده

[eli87]

انا سامعة خياطة تجميلية حق الي يايبين 3 او 4 وانتي حتى اذا بغيتي راح يسون لج نفس خياطة

عادية ويقولون لج هذي خياطة تجميلية مايصير يضيقونه من حد الطبيعي انا الي سمعت من البنات الي جربو خياطة تجميلية يقولون

نفس الخياطة يسون لهم !مافي فرق يصكرون ويخيطون يرجع نفس ماكان قبل الولادة وبس مو اكثر من جذي وتجميلية حق الي جم مره ولدو يضيقون لهم hwaml40

[آية الهدى]

يمكن انتني فاهمة الخياطة التجميلية بصورة خاطئة يعني ترجع الوحدة بكر الخياطة التجميلية هي مثل ما قالو لك عنها البنات و اول واحد مايحتاج تسوينها

[chokolatah]

طيب الله يعافيكم البكر تطلب وشو بالضبط ؟
تطلب تكون الخياطة من داخل وبرا يعني احسن ؟

[المشتاقة]

مشكوووووربن ما قصرتوااااا بس شنوا اقول للدكتورة وقت الولادة اتسويلي خياطة داخلية و خارجية ؟؟

[ام بطن]

ماانصحك بالخياطة الداخلية لانها تتعبك حيل --
وتظلي مدة تعانين منها-

[دلع]

حبيبتي انا سويت خياطه تجميليه بعد ثاني ولاده لي
اول شي ماتطلبينها من الدكتوره وقت الولاده تقولين لها وقت المراجعه اصلا وقت الولاده من العذاب تنسين امك وابوك وماراح يهمك شي غير انك تقومين بالسلامه
ثاني شي هي داخليه وخارجيه ومثل ماقالت ام بطن الداخليه مرررره متعبه بس ماتقدرين تسوين التجميليه بدونها
ثالث شي هي ماتكون بعد الولاده بشهور هي على طول بعد ماتولدي اللي بعد الولاده بشهور يسمونها عملية تجميليه وربي يكتب لك اللي فيه الخير
واي استفسار انا جاهزه

[أم الورد]

انا رح تكون هذي ولادتي الثالثة هل ينفع اطلب من الدكتورة تسجل لي عشان تسوي الخياطة او ما يحتاج لان الدكتورة ما تحضر وقت الولادة؟؟؟
في ولادتي الاولى عملو لي خياطة لان حصل شق بس في ولادتي الثانية ما خطوني كانت سهلة بس احس هالمرة اني محتاجة للخياطة؟؟؟؟

[Almasah]

أول مره أسمع عن خياطه تجميليه
بكريه ومدري

[ريناد99]

شكرا لكى يالغلا

[اميرةفى امانيها]

جراحة داخلية وتضيييق مومتل الخياطة من برا واللة يعينك

[سماء الاحساء]

السلام قبل الكلام انا عن نفسي سويتها وكانت ولادتي الرابعه والسبب اني لاحظت خياطتني نفتحت ورحت لمستشفى خاص وقالت لي مفتوحة بسبب رادئة الخيوط وسالتني اي مستشفى وقلت الها وسوتها لي عقب ماطلعت من الاربعين بيوم ومتتتتتتت من الالم خياطة على خياطة ونجبرت اسويها داخليه وخارجية وماحسسسسسسسسس بمتعه في الجماع ابد ممن سويتها وانا انصحك ماتسويها بكرية ماتحتاجي اصلا عذرا ع الاطاله اتمنى افدتك

[ساهرة]

يعني ابي افهم الخياطه الي يسوونها الدكاتره بشكل عام بعد الولاده
مو تضييق ؟؟؟؟

[المشتاقة]

مشكورات حبايبي،،، بس اتعرفون اعرف في ناس يسونها اذا حصل معهم توسع مع الوقت حتى ما يكونون والدين اصلا اما انا احس الخياطة كانت اوياي مب اوكي و احس بروائح تطلع لي وايد مب زي اول و احس بخوف نفسي فحبيت ارجع زي اول لاني ما احب الالتهابات بسبب المهبل يكون طالع برع و الزوج ما بيرتاح مني اكيد مع اني بكرية كذا احس بصراحة راحة فابي ارد زي اول وانشالله اذا نويت احمل بعدها 5 سنوات انشاللله اذا فكرت احمل,,,, وشكرا حبوباتتتت....