نزول دم مع قطع صغيره واستخدام برونتو جيست مع اللبوس

[فوضت أمرى لربى]

نزول دم مع قطع صغيره واستخدام برونتو جيست مع اللبوس
نزول دم مع قطع صغيره واستخدام برونتو جيست مع اللبوس




السلام عليكم ورحمة الله وبركاته

بالله عليكم اللى مر بحالتى يفيدنى لانى بجد هاموت من القلق والزعل

انا عملت حقن مجهرى يوم 6 اغسطس وتم ارجاع الاجنه يوم 9
وملتزمه الراحه زى ما الدكتور طلب منى
الدكتور كان كاتبلى على حقن prontogest المثبته واللبوس بتاعه
الخقن لمدة 5 ايام واللبوس لليوم 17 وكمان اقراص cycligest
والحمد لله ملتزمه اخدت الحقن وخلصتها ومستمره عاللبوس الصبح وبليل والاقراص بعد الغدا

مشكلتى بقى ان اليوم 9 نزل دم بس كان نقط بنى بسيطه وسباقهم بقعتين دم وردى اللون
ومانزلش تانى حاجه فى ساعتها اطمانيت وحمدت ربنا
بس انهارده اليوم 11 ونازل دم كتير فيه حتت دم صغيره زى اللى بتنزل فى الدوره و مغص فى بطنى زى الدوره بالظبط ولون الدم غامق زى الدوره
اتصلت بالدكتور ماقلقش لكن قاللى اخد الحقن مره تانيه ولو لاقيت الدم بيزيد وماتقطعش اكلمه
وطلب منى ملازمة السرير ماقومش منه الا للحمام

اللى جرب اكيد عارف الواحده بتتعب اد ايه وانا كنت عامله قبله تلقيح صناعى مرتين فى الاول فشل لعدم خبرتى والتانيه الحيوان المنوى مات قبل وصوله للبويضه

بالله عليكم اللى يعرف حاجه يفيدنى انا مضايقه ومخنوقه وبصلى وانا نايمه على ظهرى ان ربنا مايضيعش تعبى وبدعيله ربى انى استودعتك اجنتى وانت خير الحافظين

محتاجه لكلمه واحده تطمنى

[ربي رحيم]

والله ما احب اكسر خاطرك انا اعرف وحدة صار معاها هيك بالظبط او ما كان حمل في الاخير او اتمنى من كل قلبي انو تكوني عكسها تماما او ربي يرزقك الحمل السليم المعافئ في القريب العاجل انشاء الله

[رحيل بعالم النسيان]

ايش اقولك اختي استهدي با الله وربي حاسه فيك حبيبتي
لكن حسب ةصفك للاعراض انه للاسف مو حمل ...اتكنى كلامي يخيب اختي اعرف الموضوع يحزن ويعور القلب لمثلي ومثلك ومثل كل وحده مرت لحالنا لكن هذا امر الله فيه خيره ان شاء الله التزمي بتعليمات طبيبك واكثري استغفار
واسال الله العلي القدير ان يمن علينا بىحمته ويحقق احلامنا يارب ....يارحيم لا تجعلني عقيم

[ام جوري&&]

ان شاءالله بتلقي الافااااده ...

[فوضت أمرى لربى]

مع انى كنت محتاجه لكلمه واحده تطمنى
لكن للاسف احبطونى وخليتوا قلقى زاد
وبالرغم من كده حبيت اطمنكم
الحمدلله انا عملت التحليل الهرمونى امبارح
والحمدلله طلعت حامل
وللحالات اللى ممكن يحصلها زيى
الدكتور قاللى ان الدم اللى نزل راجع لحاجه من اتنين
اما ان الدم راجع لنزول الاجنه اللى مكملش تغصبها فى الرحم
او لحاجه اسمها تعشيش
ودى بيكون دخول الجنين فى المشيمه والدم اللى بينزل بيكون من جدار المشيمه
الحمدلله انا اطمنت وربنا يرزق كل بنت وست بالذريه الصالحه
وربنا مايحرمش حد ابدا ويرزقهم فرحتى

[سما زين]

الف الف مبروك الله يتمملك على خير , ارادة الله فوق كل شي