المساعد الشخصي الرقمي

مشاهدة النسخة كاملة : انا حامل وينزل معي دم ساعدوني

يكفيني انا اني انا
10-29-2010, 01:09 PM
السلام عليكم

انا تاخرت علي الدورة 7 ايام وحللت وطلعت حامل بعده ب 3 ايام
صار ينزل معي دم مو كثير رحت للدكتورة سوت لي سونار
شفت بس الكيس من غير الجنين عطتني موعد بعد اسبوعين وعطتني مثبت
بس للحين ينزل معي دم ماوقف ؟؟؟اذا احد صار معه كذا يقولي ايش بيصير بعدين
والمشكله اني اول ماحللت جتني اعراض الحمل غثيان وفجاة مع نزول الدم ماحس بشي الله يسعدكم اللي عندها خلفيه ترد ايش نهايه ايش سالفة الدم

من كل قبي شكرا
روح دحومي
10-29-2010, 01:55 PM
يا قلبي الله يتمم لك على خير

اهم شي خذي المثبت وارتااااااحي مرررررة و ابعدي عن الجماااع

و انسحدي وارفعي رجووولك

ربي يتمم لك حمللك يااارب
يكفيني انا اني انا
10-29-2010, 02:23 PM
اسعدني ردك مشكوره
غيمة بيضـاء
10-29-2010, 03:43 PM
والله يالغالية انا مثلك سويت سونار بالاسبوع الخامس

وقالت لي شافت الكيس والجنين وبعدها جلست الى الاسبوع العاشر وما جاني وحم ورحت
وعملت سونار قالت لى ما اشوف غير الكيس والجنين ضمر ومات

وما صدقتها ورحت دكتورة ثانية وعملت لي تحليا حمل كمي كل 48 ساعة
وكان الهرمون جدا نازل وعملت تنظيف..

وفى حملي الثاني نزل علي دم بني ورحت المستشفي وقالت انا اشوف الكيس انتى ارتاحي وتعالي بالاسبوع الثامن او التاسع

واعطتني مثبات وراحة تامه

ورحت بالاسبوع التاسع وشافت الجنين والحمدلله .. بس

ما كمل الحمل توفي الجنين ببطني بالخامس

هذى تجربتي وحبيت اكتبها واسفة اني طولت عليك

لكن بعض علامات نزول الدم تكون طبيعية لان هرمونات الحمل باقي ضعيفة

توكلي على الله والله يرزقك يارب..
يكفيني انا اني انا
10-29-2010, 03:46 PM
مشكورة غيمه بيضا بالعكس اطاله على رسي وبستفيد منها منورة
عشق الصدى
10-29-2010, 10:24 PM
الله يكتبلج اللي فيه خيير ويثبت جنين يارب

طمنينا عقب لو الدم وقف.؟
اووك؟
تراني بتريا ردج.؟..
.
يكفيني انا اني انا
10-30-2010, 05:26 PM
فديتك ياعشق الصدى اسعدني توجدك ابشري