شعيرات دم قليييلة جدا ووقفت هل طبيعي ؟ [الأرشيف]

مشاهدة النسخة كاملة : شعيرات دم قليييلة جدا ووقفت هل طبيعي ؟

أنوار الولاية

07-13-2015, 11:54 PM

السلام عليكم ...

اخواتي ان في الشهر الثالث , شهرين وعشرة ايام تقريباً ..

المهم البارحه طلعت السوق ما تأخرت لكني تعبت واليوم المغرب لقين شعيرات قليلة جدا يعني بس مره وحده واختفت ورجعت الافرازات بيضاء ..

نص رمضان نفس الشي بس مرة وقلييل يعني بوصف ليكم كيف ,, شفتو حرف ال I هههه يمكن نفس طولها اربع شعرات فقط واختفت ..

سمعت ان الشعيرات القليلة جدا بسبب توسع الرحم ..

لا تقولي اروح المستشفى لاني بروح بعد العيد ,, اليوم اخذت مثبت اول يوم لي اخذه ومستمره على الفولك والاسبرين ...

طبعا عندي اطفال سابقاً لكن ما اذكر اصغر طفل 6 سنوات , اذكر صار لي نزيف في الثالث بسبب نزول المشيمة لكن الحمد لله استمر الحمل ...

طمنوني hwaml5

أم حمودي وعبودي

07-14-2015, 12:40 AM

حبيبتي كيف تقدري تصبري لبعد العيد
انتي مسؤولة عن حياة إنسان داخل بطنك
والمفروض ما تسكتي على أي عرض غير طبيعي
لو أنا فوراً أطير للمستشفى

وظني بك ياربي جميل

07-14-2015, 02:27 AM

والله لو انا ماايهنالي بال لين ا وح واطمن .. روحي بس سونار اطمني
واطلبيها تعطيك ابر بروجيسترون لانك مسقطه قبل والله خير حافظ
استودعيه الله

أنوار الولاية

07-14-2015, 02:52 AM

الي اجهضته من قبل كان 6 اسابيع وتوقف نموه هو السبب

انا اخاف اروح لأني ما ابي فحص من تحت لانه قد يسبب اجهاض

اخر مره قلت للدكتوره ما ابي فحص تحت قالت لازم من تحت لان الجنين ما يبين وطبعا اجهضت الجنين

هالمره الحمد لله دخلت الثالث بسلام عكس اجهاضي السابق دايما يوجد دم ووحم بس كم يوم وانقطع

حاليا مافي شي فقط نقطه صغييييره جدا من المغرب اتوقع من يوم اطلع امس والليله

الله يتمم لي ع خير

عبير الصيف

07-14-2015, 02:57 AM

ولو حبيبتي لازززززم تروحين تكشفين تعرفين وضعك بالظبط
انا ساويت سونار داخلي من بداية حملي وألف الحمد الله مافي شي
انتي روحي اطمني على حالك وعلى جنينك

أنوار الولاية

07-14-2015, 03:18 AM

😩

بيني وبينكم انا خايفه اروح المستشفى

لكن الحمد لله الي مطمني اني بحس بحركة البيبي ما شاء الله حركة خفييفه جدا لكن مميزه ..

لك الحمد والشكر يارب

وبشوف يمكن اروح المستشفى ✋🏻😕

bino

07-14-2015, 04:19 AM

حبيبتي من اللي اقنعك السونار المهبلي انه يسبب اجهاض !!!؟
السونار المهبلي مصنوع بدقه فآئقه بحيث انه مايضر كيس الجنين ولا يوصل له وحجمه ماهو كبير لدرجه انه ممكن يجهض !
معقوله يعني راح يخترعون حاجه تضر وانا اغلب سونارتي كلها ب المهبلي ولا صار لي شي الحمدالله ب العكس بطلع كل شي واضح وتتطمني اكثر ع البيبي
والاجهاض شي مقدرنه رب العالمين وله سبب لاتبنين اسباب وهميه من كيفك حبيبتي
ولزوم تتطمني ع البيبي باسرع وقت لان الدم سواء كان بني او شعيرات حمرا كلها ماتطمن
واسألي مجربه واللي يسبق لهم النزيف والاجهاض مفروض تتابع تقريبا كل اسبوعين ونص عشان تتطمنين ع حاله الجنين ووضعيه المشيمه
والله يحفظ اجنتنا يارب

فاقده الغالي

07-14-2015, 07:05 AM

انا من رايي انك لاتجهدين نفسك وارتاحي هالفتره الجاي وبعد العيد روحي تطمني لان تقولين جاتك بالشهر الثاني هالشعيرات والحين تحسيت بدقاته خلاص ان شاء الله مافيه الا العافيه بس عليك بالراحه

حياتي توأمي

07-14-2015, 08:49 AM

الله يثبت حملك ان شاء الله ويتمملك ع خير يااارب

ام روزي ويوسف

07-14-2015, 04:36 PM

ان شاء الله خير هي حاله طبيعيه ومافي داعي للقلق سلامتك

وظني بك ياربي جميل

07-14-2015, 05:02 PM

طمنيناا عنك حبيبتي الله يفرح قلبك

أنوار الولاية

07-14-2015, 05:56 PM

اهليين

مشكورين على السؤال ...

يمكن الليله اروح للدكتورة ...

المشكله زوجي العشر الأواخر كله معزوم ومجالس قرآن والصبح ما اقدر اطلع اطفالي بروحهم في البيت ماحد معاهم ..

الظاهر الدم مال تعب لأني يومين ورا بعض طلعت السوق وفوق هذا ارجع وانظف في البيت مع اني مطنشه انظف على خفيف لكن لابد من الحركة ..

الدم قليل جدااااا لكن لأن سبق لي اجهضت في عمر 6 اسابيع فخايفه ..

انا اذكر حملاتي بأطفالي ينزل مني دم لكن ما حسيت بخوف لأني ما صار لي اجهاض قبلهم ..

على فكرة الأجهاضين الي صارو لي اثنينهم كنت راجعه من السفر وانتوا تعرفوا تعب السفر ومشي المطارات فمن ارجع يتوقف نمو الجنين ..

حتى في نص رمضان تخيلو توفت جدتي وما قدرت اروح الفاتحة لأني ما ابي اكرر الغلطتين الي غلطتهم ..

ان شاء الله اطمنكم قريب .. دعواتكم لي لأني خايفه ...

أنوار الولاية

07-14-2015, 06:01 PM

مشكورين جميعاً والله يرزقكم الي تتمنونه بحق هذا الشهر الفضيل ..

مشكورة ام روزي كنت ابي احد اطمني ..

تخيلي بولدي الصغير الحين عمرة 6 سنوات الله يحفظه ... نزل مني دم كمية كبيييييرة ونفس هالوقت نهاية شهر رمضان وفي الثالث لكن سبحان الله كنت مطنشه ولا اهتميت ابداً الحين اذا اذكر احس عمري غبيه اني ما اهتميت هههه المهم فقط ارتحت واستمر الحمل عادي ..

وظني بك ياربي جميل

07-15-2015, 01:24 AM

أنوار الولاية

07-15-2015, 02:25 AM

الله اذ كتب يعيش يعيش لو انك في سباق هجن هههههه

توكلي على الله واستودعيييه

انا 4بل خمس سنوات انجبت مره وحده بس
وكذا كان ينزل دم وطنت مسافره ومااريح نفسي وكانت الدكتوره تقول احتمال مايكمل
وعااش الحمدالله والشكر ربي تممه على خيرررر وهذه نعمه وفضل من الله الخين احس اكثرر بقيمة هالشي

انا للحين مو قادره احمل حمل سليم وطفلي وحيد واخاف يجيله توحد
الله يعوضني وكل مشتاقه ان شالله رمضان يكون فرج علينا جميعااا يارب

الله يرزقك بالحمل السليم يارب ...

مثل ما قلتي اذا الله كاتب ليه يعي بعيش مثل اخر طفل لي دم كثييييير في نهاية الثالث ...

انا اتصلت بالمستشفى ما عندهم دكاترة فقلت خلها على الله . الدم فقط لما أمسح ما ينزل ..

وظني بك ياربي جميل

07-15-2015, 03:11 AM

ولاتنسين تراقبين الحركه وارتاحي عالظهر لو تقدري روحي لاهلك او اختك مؤقتاا لين يستقر وضعك .. وتوكلي على الله وخذي الدافستون كل 8 ساعات وهو مسبب فقط والتثبيت من عند الله

أنوار الولاية

07-15-2015, 10:47 PM

امي واختي واهلي في البحرين hwaml13

وظني بك ياربي جميل

07-16-2015, 03:26 AM

ان شالله وقف الدم وكيف الحركه طمنينا

أنوار الولاية

07-17-2015, 10:26 PM

السلام عليكم

كل عام وانتو بخير وعافية

مشكورين على السؤال ... الدم وقف بس اليوم الظهر رجع وخفت كثييير فعلى طول قلت لزوجي بنطلع المستشفى وقعدنا ندور يوم عيد اغلب المستشفيات مافيهم دكاتره ..

لين ما لقينه دكتورة .. ودخلت وانا احاول أهيأ نفسي للصدمات ..

الشي الي عاطني أمل ان البيبي احس بحركته وبنبضه ...

والحمد لله لك يااارب ... الدكتورة قالت لي الجنين سليم والدم بعيييد عن الجنين فقط مجمع في مكان بالرحم

ما تصوروا شكثر فرحتى الله يتمم يارب على خير ... hwaml23

بالنسبة للدم كان في البداية فقط افرازات بنية وما تنزل فقط اذا امسح وبالداخل .. اليوم بس نزل شوي عدل ولونه احمر , وطبعا بدون ألم ظهر ولا بطن وبدون مجهور بذلته لأني كنت نايمه .. وامس طول اليوم مريحه .. وعطتني مثبت وتحاميل ...

الحمد لله لك يارب ... بصلي صلاة الشكر ان شاء الله بس انتظر اصحصح وأنشط شوي ...

والله يطمن كل الحوامل ويرزق كل محروم ...

أنوار الولاية

07-17-2015, 10:34 PM

طبعاً أنا مواصلة على آيات حفظ الجنين وقراءة سورة البقرة كل ثلاث ايام مرة ..

بالإضافة لقيت ان سورة الطارق جدا مفيدة للتثبيت ... نقراها كامله وعندما نصل الى " انه على رجعه لقادر " نردد هذه الآية ثلاث مرات ثم نكمل السورة ...

وايضاً نقرأها على ماء ونشربة .. انصحكم بيها ...

وظني بك ياربي جميل

07-18-2015, 02:13 AM

ياااااارب لك الحمد ولك الشكر حتى ترضى يااارب كنت شايله همك لاني اكره الدم بالحمل جاتني عقده هههههه
طيب وش سبب التجمع الدموي ماقالتلك
الله يفرح فلبك ويتمملك على خير

أنوار الولاية

07-18-2015, 02:51 AM

ياااااارب لك الحمد ولك الشكر حتى ترضى يااارب كنت شايله همك لاني اكره الدم بالحمل جاتني عقده هههههه
طيب وش سبب التجمع الدموي ماقالتلك
الله يفرح فلبك ويتمملك على خير

مشكورة حبيبتي الله لايهم قلبك ❤️

ما قالت من شو بس قالت عادي وممنوع النوم واستمر على الادوية

صدق الدم بخوف في الحمل انا بعد تعقدت لأني اجهضت مرتين بسبب عدم نمو الجنين الله لا يعود السوء ويستمر الحمل يارب ..

ليون :)

07-19-2015, 09:07 PM

باذن الله ربي يحفظك والجنين
لاتجهدين نفسك وارتاحي وارفعي رجولك