العصبية زادت وعدم الحمل خرب حياتي ومشاكل مع جوزي

[NaNa..]

مرحبا صبايا والله حاب افضفض الكو أقسم بالله كثير مخنوقة اتحملوني
لسا هسا قبل أذان الفجر اتمشكلت انا وجوزي والله قرفت حياتي بكفي صارلي 3 آشهر بعيدة عنو كنت عند اهلى حردانة عشان المشاكل الي صارت ولسا ما صارلي سنة ونص متزوجة
رجعت لجوزي قبل 3 أسابيع بعد بكرا بكمل الشهر طبعا اهلي اتخلو عني واتبرو عني عشان رجعت لجوزي وتفاصيل كتيرة والله يا رب اني بين نارين وقلبي بوجعني اتخيلو شهر دون ما اشوف واحكي مع اهلي وأمي وابوي ورمضان ما اقعد معهم
صايرة كتير عصبية من كلمة وحدة اعمل مشكلة
نفسي يا الله احبل ويسير عندي بيبي التهي فيه وانسى الدنيا وأهلي يرجعو الي
موعد دورتي ب 9 الشهر ادعولي أمانة ما تيجي
أقسم بربي انا ما بغلط بحد وختمت القرآن اكتر من مرة وبصلي وملتزمة وبسبح
بستنى فرج الله
ادعولي
وسامحوني ..

[سمية ام عمار]

يسر الله لك اخيتي و اصلح ذات بينكما ..حاولي دائما يا اختي اذا صار مشكلة مع زوجك اقعدي في البيت بلاش الاهل يعرفو لانو الاهل بيكبرو الموضوع المهم اصبري و صابري و ربي يفرج عنك و يرزقك و يرزقني الذرية الصالحة

[NaNa..]

الله يسعدك سمية
المشكلة مو من الأهل انا هسا ما الي حد حتى خواتي بحكي معهم من ورا امي وابوي لانو ممنوع
المشكلة في الحمل عمل مشاكل نفسية النا

[Am Fatmai]

حبيبتي نانا الله يفرج عليكي وتحملي وتنسو كل المشاكل حاولي حبيتي تتصالحي مع اهلك وامك وابوكي مو حلو يجي العيد وانتو زعلانين من بعض نحن في ايام فضيله كيف بيرفع العمل واذا انتو زعلانين حاولي تسوي عزيمه وخليها تكون عزيمه صلح مابينكم وحاولي تكوني هاديه المشاكل والعصبيه ماتفيد العصبيه تسوي مشاكل كثيره حبيبتي ارضي ربك وزوجك واهلك وان شاءالله تحملين وتتغير كل حياتك باذن الله ابعدي عن المشاكل وكل ماصارت مشكله اذكري الله ورح تشوفي كيف حنتحل
يارب يرزقك الحمل وفرحته وتفرحي اهلك يارب

[NaNa..]

ييييي شو حاولت احكي معهم كل ما أرن الهم بسكرو الخط بالآخر امي وابوي عملو بلوك على رقمي من جوالاتهم
كنت هسا احكي مع خواتي يلاقو الي حل بحكولي انهم فتحو الموضوع مع اهلي وعصبو
المشكلة مو مني نفسي يرضو عني
والحمل بزبطش والنفسية هيك ��

[مرايمم]

حبيبتي ليش تحردي عند اهلك ان شاء الله مع الوقت اهلك حيرجعو علاقتهم معك وانتي اوعك اوعك اوعك تتركي بيت زوجك وتحردي مره تانيه
ومشاكلك خليها ببيتك وبس
ولما اهلك يسألوكي احكيلهم انو وضعك تمام ومرتاحه ومبسوطه ولا تحكي لزوجك انو اهلك رافضينك وما بدهم يكلموكي
دائما خلي سيرتهم وسيرتو متل العسل
وبالنسبه للحمل فخليها على الله ما عليه عسير ولا تقنطو من رحمة الله
وبالنسبه للنفسيات كلنا نفسياتنا عاطله
وربي يفرجها عالجميع
وان شاء الله ما بتشوفيها الا بعد ٩ شهور وانتي نفاس
وربي يهدي الاوضاع بينكم

[حياتي توأمي]

طيب ليش أهلك زعلانين كل هالزعل !!!

معقووولة زوجك فيه عيوووب كثييرة أهلك مش قابلينها ؟؟

ممكن نعرف سبب هالرفض وهالزعل منهم لك ! يعني رجعتي لزوجك من وراهم بدون مايعرفوا ولاا كيف ؟؟

[NaNa..]

انشالله تهدى الأمور يا رب
انو أهلى زعلانين مني عشان رجعت لأنهم شايفين انو راحتي مو معو وحماتي مو طبيعية خايفين عليا بس انا رجعت بالجاهة الي اجت مو من وراهم

[NaNa..]

اجت الدورة قبل شوي الحمد لله الله يطعمني ويعوضني انا والجميع

[jihane]

مرحبا صبايا والله حاب افضفض الكو أقسم بالله كثير مخنوقة اتحملوني
لسا هسا قبل أذان الفجر اتمشكلت انا وجوزي والله قرفت حياتي بكفي صارلي 3 آشهر بعيدة عنو كنت عند اهلى حردانة عشان المشاكل الي صارت ولسا ما صارلي سنة ونص متزوجة
رجعت لجوزي قبل 3 أسابيع بعد بكرا بكمل الشهر طبعا اهلي اتخلو عني واتبرو عني عشان رجعت لجوزي وتفاصيل كتيرة والله يا رب اني بين نارين وقلبي بوجعني اتخيلو شهر دون ما اشوف واحكي مع اهلي وأمي وابوي ورمضان ما اقعد معهم
صايرة كتير عصبية من كلمة وحدة اعمل مشكلة
نفسي يا الله احبل ويسير عندي بيبي التهي فيه وانسى الدنيا وأهلي يرجعو الي
موعد دورتي ب 9 الشهر ادعولي أمانة ما تيجي
أقسم بربي انا ما بغلط بحد وختمت القرآن اكتر من مرة وبصلي وملتزمة وبسبح
بستنى فرج الله
ادعولي
وسامحوني ..
فرج الله كربك و كرب جميع المؤمنين و نصيحة اختاه قدري زوجك و اعطيه كل وقتك و دلليه حتى تكونو هانيين و تبعد عنكما المشاكل باذن الله .انا و الله متمنية لو كان زوجي معي و صام معي رمضان و اللله انا اسوأ ايام حياتي هاذ الاشهر الاخيرة انا احس بوحدة كبيرة و زوجي غايب بسبب العمل و الله غير كرهت حياتي و تمنيت لو كان زوجي معغي معر علي البيت و الله لكنت دللته و حطيته فوق راسي و الله غير راكي في نعمة فاحمدي ربي عليها و قومي بزوجك على احسن حال و الاطفال و النجاب لازملهم وضع عائلي مستقر لتربيتهم باحسن الظروف و حتى النرفزة بتعملك لخبطة بالبويضات و تاخر الانجاب لذا اختي اصلحي مشاكلك اولا ثم فكري في الابناء و التربية .و انا الان وقفت حبوب منع الحمل منذ عام و لحد الان لم احمل بسبب عصبيتي و قلقي الدائمين لاني وحيدة مع ابنتي لكن ناقصني زوجي مع اني صغيرة في السن و اغير من زميلاتي كلهم مع ازواجهم و انا لا حظ لي المهم اختي احمدي ربي على ما انت فيه فلكل منا هموم اكبر من الثاني.

[NaNa..]

فرج الله كربك و كرب جميع المؤمنين و نصيحة اختاه قدري زوجك و اعطيه كل وقتك و دلليه حتى تكونو هانيين و تبعد عنكما المشاكل باذن الله .انا و الله متمنية لو كان زوجي معي و صام معي رمضان و اللله انا اسوأ ايام حياتي هاذ الاشهر الاخيرة انا احس بوحدة كبيرة و زوجي غايب بسبب العمل و الله غير كرهت حياتي و تمنيت لو كان زوجي معغي معر علي البيت و الله لكنت دللته و حطيته فوق راسي و الله غير راكي في نعمة فاحمدي ربي عليها و قومي بزوجك على احسن حال و الاطفال و النجاب لازملهم وضع عائلي مستقر لتربيتهم باحسن الظروف و حتى النرفزة بتعملك لخبطة بالبويضات و تاخر الانجاب لذا اختي اصلحي مشاكلك اولا ثم فكري في الابناء و التربية .و انا الان وقفت حبوب منع الحمل منذ عام و لحد الان لم احمل بسبب عصبيتي و قلقي الدائمين لاني وحيدة مع ابنتي لكن ناقصني زوجي مع اني صغيرة في السن و اغير من زميلاتي كلهم مع ازواجهم و انا لا حظ لي المهم اختي احمدي ربي على ما انت فيه فلكل منا هموم اكبر من الثاني.

الحمد لله مو مرة الف مرة
الله يجمع مع زوجك يا رب وما يفرقكم انا والله بحاول بس الدنيا ملخبطة
ومش زابطة
في اشي غلط بسير بحياتي

[غلا روحي26]

الله يفرج همك وهم اخواننا المسلمين عليك بدعاء تفريج الكرب والاستغفار لو ألف مره
و ان شاء الله تفرج همومك نرفزتك بسبب هرمونات الدوره تلعب بالنفسيه
و مامتك و ابوك لازم يرضوا وترضيهم لو يذبحوك و يسكروا الباب بوجهك لاني اشوف
رضا والديني في البدايه واقدمه ع نفسي و رغباتي بكره الزوج يقلب عليك مالك الا اهلك
هم يوقفون معك ولا الرجال ما ينشد فيه الظهر يغدر بالحرمه و يرميها عند اهلها
و تندم بعدين سوري ع كلامي بس هذا الصراحه

[حياتي توأمي]

الله يكون بعونك ويحنن قلوب أهلك عليكي ان شاء الله

اصبري حبيبتي إلااااا يجي اليوم ويلين قلبهم عليكي

الظفر مايطلع من اللحم

الله يهديهم لك ويهديكي لهم

[NaNa..]

الله يفرج همك وهم اخواننا المسلمين عليك بدعاء تفريج الكرب والاستغفار لو ألف مره
و ان شاء الله تفرج همومك نرفزتك بسبب هرمونات الدوره تلعب بالنفسيه
و مامتك و ابوك لازم يرضوا وترضيهم لو يذبحوك و يسكروا الباب بوجهك لاني اشوف
رضا والديني في البدايه واقدمه ع نفسي و رغباتي بكره الزوج يقلب عليك مالك الا اهلك
هم يوقفون معك ولا الرجال ما ينشد فيه الظهر يغدر بالحرمه و يرميها عند اهلها
و تندم بعدين سوري ع كلامي بس هذا الصراحه

اكيد الرجال ما بتأمن الهم لو شو ما عملتي وقدمتي الهم هاي حقيقة وانا فعلا حاسة حالي مقطوعة من شجرة 😢

[Ziziouch]

الله يرزقك و يرزق كل مشتاقة و أن شاء الله تهني انت و زوجك

[NaNa..]

الله يسمع منكو يا رب

[meme.91]

الله يفرج كربك يا رب
انا كمان الي فترة متزوجة وحملت ونزلت وهالشي متعب نفسيتي كتير واحيانا بتطاوش مع جوزي
الله يهونها ويرزقنا الذرية الصالحة يا رب

[أم حمودي وعبودي]

ينقل للقسم المناسب

[ام نرجوسه]

ربي يزيح همك ويرزقك بما تتمني عليك باﻷستغفار اختي

[NaNa..]

استغفر الله العظيم
الحمد لله على كل حال

[أم حمودي وعبودي]

أنا تأخرت بالحمل وبعدين حملت وسقطت 4 مرات ومرينا بلحظات صعبة ومع ذلك كل ما تمر الأيام يحبني أكثر والمشاكل كلها تنحل وما تعتبر نهاية المطاف
بالنسبة لك لا تزالين عروس ويمكن المشاكل هي سبب تأخر حملك يعني لو مثلاً صارت أيام التبويض وأنتي زعلانة من زوجك أو حردانة عند أهلك مستحيل تحملي وراح تضيعي الفرصة على نفسك ، انتبهي لهذه النقطة