الحمل في الاسبوع السادس

[حبيبة حمودي2]

السلام عليكم حبيباتي ارجوكم طمنوني كيس الحمل في الاسبوع السادس فاضي والهرمون مرتفع مررره خايفه تتوقعون كيس فاضي مع العلم اني حملت غير هالحمله بكيس فاضي الحمدلله

[الحلم المنتظر]

مدام الهرمون مرتفع انتظري لين الاسبوع الثامن وروحي شوفي مره ثانيه ربي يتمم لك خير

[عبير الصيف]

يمكن حملك صار متأخر انتظري للأسبوع الثامن وإنشاء الله تشوفين جنينك
ارتفاع هرمون الحمل هذي علامة جد مطمئنة
الله يثبت حملك حبيبتي

[&&جلنار&&]

انا رحت اخذ موعد مراجعه في الحكومي قالو مانبدا متابعه الا لمن تخلصي الثالث
لان عادة يبين كيس ومايبين الجنين
مع ان حملي الاول بسرعه بين بس كان في خاص في كل الشهور تابعت حملي
الزبده لسه انتي في البدايه حسب كلام الدكتوره الي قالتلي انه مايبين الحين
تفائلي قل خير لن يصيبنا الا ماكتبه الله لنا ..امر المؤمن كله خير ان شاء الله
الله يتمملك ع خير

[حبيبة حمودي2]

الله يسعدكم ويطمن قلوبكم ماقصرتوا عسى كل وحده ردت علي يرزقها ربي ماتتمنى الله يكتب لي الخير وافوضوا امري الى الله

[اللهم ارزقني بنتا]

الله يفرحك و يسعدةقلبك

[سمر الليل]

في ناس مايبين معهم الجنين الا في الشهر الثالث
صدقتي كذا قالو لها كيس فاضي نزلية ماقبلت يوم كملت الشهر الثالث راحت وشافو الجنين
اذا كيس فاضي راح ينزل لوحدة الا تخافين

[ريڤان]

اختي زي ما قالوا البنات
الجنين لسى صغيررررر جدا قد حبه الرز
فما يُبين الان بدري
انتظري للأسبوع الثامن بعدين روحي شوفي كتكوتك يكون بان ان شاء الله

[حبيبة حمودي2]

الله يسعدكم ويطمن قلوبكم ولايصيبكم مكروه تسلمون لي ماقصرتوا