الحديد يسبب الامساك..ماذا فعلتي لتتخلصي من المشكله؟؟

[مشــــــــاعر]

ياحلواات ياكروشااات..
أنا معي امساك مزمن حتى بدون حمل ومعي بواسير بسببه..
فما بالكم ماذا يكون الوضع بالحمل عند استخدام حبوب الحديد وكيف يكون له دور كبير في عملية الامساك..
فياليت اللي عندها حل تخبرنا,,حتى لو تعرف شي يعمل على تخفيف هذي المشكله..

[ام اسكندر]

انا عكسك حبوب الحديد مسببة لي اسهال
الظاهر الاعراض الجانبية تختلف من واحدة لواحدة

[احساس بلا اساس]

الله يشفيك اختي وييسر لك ولادتك يارب
بنسبه للحديد عصير البرتقال مره ممتاز معاها لانه يساعده على الامتصاص بسرعه
فا ماراح تعاني من ذي المشكله باذن لله

اتمنى لك الشفاء والصحه والعافيه

اختك
احســـأس

[ابتسم وبداخلي مليون طعنه]

شوفي يالغلا علشان ترتاحين من البواسير ومن الامساك بشكل عام سواء تستخدمين حديد اولا عليك :
اولا : الاكثار من شرب سوائل والماء
ثانيا : اكل اكلات ملينه من الخضار عندك الكوسه والباميا والخس والجرجير الخيار فيه نسبة ماء كبيره كمان التقليل من المعجنات والمقليات بنسبه للفواكه تكثرين من البرتقال والبطيخ والتفاح وعنب وجوافه فاكهة ( جوز الهند) وشمام
ثالثا : عليك اكل الفواكه قبل الاكل على الاقل بساعه علشان تستفيدين من العناصر الموجوده في الفاكه وما يصير عندك عسر هضم وينتج عنه امساك
وما تشوفين شر يالغلا

[▂▃ سوسو القمر ▃▂]

فعلا مااافيه احسن من البرتقااال والمووويه وسلطااات والتفاااح والفوووواكه بشكل عااام
اشربي مويه قد ماتقدرين وبرررررررتقال حطي حيلك فيه ,,, وماتشووفين شر ياااعسل

[سموة الشوق]

نفس مشكلتي

بس داومي بشرب واكل الاكلات اللي قالوا لك البنات عليها

وبصراحه يفيد معي لبن اكتيفيا وكمان المراعي مطلعين لبن

للهضم مرررررررررررررة زين

اداوم عليه والحمد لله يروح هالامساك

الله يبعد عنا وعنك شر الامراض

[احساسي]

وآنـآ كمان اعااااااني منوو كثير

[ام القماري]

الماء بكثره اول ماتصحي من النوم وقبل الاكل بساعات

البرتقال يساعد على امتصاص الحديد

[خـلـود]

حياتي فعلا تسبب امساك حبوب الحديد لما كنت اخذها بقلك الحل بس امانه ادعيلي ان الله يرزقني بولد صالح عاجلا غير اجلا الحل بسيط ام زوجي قالتلي عليه
حليب صافيو يوميا علبه علبتين
عصير برتقال المراعي اشربي دايما حتى الجنين تجي صحته حلوه
تضربي عصفورين بحجر تحياتي

[بنت الشام]

انا متلك كان عندي امسااااااااااااااااااااك فظيع
كتري شرب ماااااااااء وسوائل قد مابتقدري
وانا دكتورتي اعطتني دوا الحمد لله ارتحت عليه
وهلئ بالسادس صار عادي شوي لما اكل شي حلو عالريق الصبح بيمشي الحال
وسلامااااااااااااااات ياقلبي

[نوونـآ]

انا كذ1 اعاني منه بس حاطه حيلي ببرتقال

[احبك ماما]

عندك عصير الخوخ من شركه راني ..اموت فيه وخصوصا لصار نص جاااامد ...
رهيييييييييييييييييب وحده بوحده ...وعندك بسكوت نخاله زين حق لمساك وخبز نخاله ...

[~~لحن الحياة~~]

حبيبتي احسن سي للامساك انك تاكلي على الريق تفاحة حلوة
وتشربي عصير برتقال فريش المهم يكون فريش حبيبتي
وان شاء الله خير غاليتي

[أم الغالين]

أنا نفسك حبيبتي لكن الدكتورة قالت لي ماأخذ الحبوب يوميا لا أخذها يوم وأسيبها يوم عشان الجسم كمان يرتاح ويقدر يمتص الحديد مع الا كثار من أكل الخضروات والفواكه بالشفاء حبيبتي

[سارونة]

انا الدكتورة صرفت لي علاج للامساك آخذ بعد الوجبات خمس نقط منه ووضعي أحسن من قبل
واسمه :
بيكو ..
وبرضو مكتوب على النشرة حقت العلاج انو من دواعي الاستعمال علاج الامساك عند الحوامل
وانت اسألي دكتورتك عنه والله معاك

[smoool baby]

مرحبا اختي انا نفس حالتك

لكن كنت بموووت من الالم ولا استحملت ورحت للصيدلي واعطاني شراب اسمة ريالاك

تستخدمينه ثلاث مرات في اليوم بمقدار 20 ملي بعد الوجبات الى ان تضبط الامور ثم تبدأين تشربينة مرة وحدة باليوم بمقدار 10 ملي

لكن بصراحه انا ما بدأ مفعولة معي الا باليوم الثاني ,,,الحمد لله

ولا تنسين تاكلين العنب

العنب

العنب

العنب

مرررررررررة خطيرة
وامتنعي عن الالبان والاجبان
وسلامتك

[مشــــــــاعر]

عزيزتـــي//أم أسكنـــدر
غريبه أنتي أول وحده تصادفني تقول أن الحديد مسبب لها أسهال..
بصراحه عندي يكون اسهال ولا أمساك..

[مشــــــــاعر]

حبيبتـــي//احساس بلا أساس
شورك وهداية الله بجرب عصير البرتقال معه وباذن الله تفيد..
جزاك الله خير على الدعاء..
وجعله في موازين حسناتك ياارب..
أخوتك تشرفني يالغاليه..

[حلا بنت القصيم]

بنسبه لي اقوولك اكثرررررررررررري شرب المويه
وابعدي عن الوجبات الدسمه انا كنت اعاني منه بدايه زواجي

وعلاج البواسير خوذي مسحه من زيت الخوا جوا وحطيه على المنطقه وان شالله ماتشووفي شر

وهذا العلاج وحده بوحده عن تجربه الملايين
تقبلي مروري خيتوو.

[مشــــــــاعر]

غاليتــــي//أبتســم وبداخلــي مليـــون طعنـــه
بكون صريحه معك أنا بعيده كليا عن الماء وقليلة السوائل هذي حقيقه..
ووالمعجنات والمقليات مره بالشهر..
الشي الثقيل اللي آكله هو الارز والمعكرونه..
لكن غدائي يوميا لايخلو من ايدام الخضار او الباميا او المسقعه او ملوخيه او سليق..
ولابد من وجود السلطه والشمام اوالجح..
ووقت المغرب آكل فواكه..
الشي اللي الآحظه يجيب نتيجه هي الملوخيه ولكني صعبه آكلها بشكل يومي..
شاكره على ردك القيم والمفيد..

[مشــــــــاعر]

غاليتـــي//قلــب نوافـــي
البرتقال بحط حيلي فيه قد ماأقدر ولايهمك لكن المويه ياويلي..
والله يادوب أدفع فيه الحبوب مجرد رشفه ماأعرف ليه من حياتي تمر الاشهر ماأشرب قديما كنت على المشروبات الغازيه حاليا عايشه على العصيرات..
والعسل أنتي منبعه يالغلا..

[مشــــــــاعر]

عزيزتـــي//طيـــف
هذي مشكله الاغلب الله يكون بالعون..
والله انا قليله جدا بشرب اللبن..واللي طلعته المراعي شفت عرضه لكني نسيت أسمه..
لكن نجرب وش ورانا..خخخخ
لكن أنتبهي اللي أعرفه انه مايصلح تاكلين حبوب الحديد مع مشتقات الحليب..

[مشــــــــاعر]

عزيزتـــي//أحساســي
الله يشفيك ياارب..
تابعي الموضوع وباذن الله تستفيدين من حلول البنات..

[مشــــــــاعر]

غاليتـــي//أم القمــاري
باذن الله بمشي على عصير البرتقال..
لكن المويه يالله المستعان ماأعرف ليه ماأتقبل الا بضع رشفات..
حتى أن زوجي يقول خليه دوم بجنبك عشان تتعودين لكن دون فائده..

[مشــــــــاعر]

حبيبتـــي//خلــــود
حتى من غير حل راح أدعيلك من قلب صادق..
الله يرزقك عاجل غير آجل بالولد الصالح ويكون قرة عين لك ولوالده..
جزاك الله خير على الرد..

[مشــــــــاعر]

غاليتـــي//بـــنت الشـــام
بحاول بالعصيرات ان شاء الله..
وخالتي في حملها من البدايه صرفت لها دكتورتها علاج ملين وكانت تستخدمه طوال مدة الحمل لكنني لم اسألها عن أسمه لاني ودي بشي طبيعي بعيد عن الادويه..

[مشــــــــاعر]

غاليتـــي//نوونـــا
الله يعيني ويعينك وتحسين جايب نتيجه معه..

[مشــــــــاعر]

حبيبتـــي//أحبـــك مامــا
تقصدين الحبيبات؟؟
انا احس فعلا ان أكل الخوخ نتيجه ماهي بطاله..
ونجرب النخاله..
وبالنهايه بنصير براميل من كثر الاشياء اللي يشيلها هالبطن..خخخخ

[مشــــــــاعر]

حبيبتـــي//تــوأم كوكـــي
بعد ولادتي بالقيصري كنت خايفه موت من الامساك قالوا كلي برتقاله عالريق..
ولافيه نتيجه الحقيقه..
لكن اللحين الاغلب يقولون عصير البرتقال الفريش وش ورانا فريش فريش وأمرنا لله..

[مشــــــــاعر]

غاليتــي//أم الغالـــين
والله فكره ماهيب شينه يوم بعد يوم..
ومثل ماقالوا البنات عليك بعصير البرتقال الفريش..

[مشــــــــاعر]

حبيبتـــي//سارونـــه
اللي خلاني اسأل البنات هو رغبتي بالابتعاد عن الادويه لان اغلب الاطباء ماينصحون الحامل بالادويه..
واذا مافاد عصير البرتقال الفريش مافيه الا العلاجات الطبيه وش نسوي؟

[مشــــــــاعر]

عزيزتـــي//smoool baby
انا مشكلتي أخاف من الادويه بوضع الحمل وبدون الحمل دوم أستخدم الملينات..
العنب جربته مافادني حتى العسل عالريق مافاد ولا الزبيب..
وبالنسبه للالبان فانا مااشربها الا قليل وحتى الاجبان لكن اللي اعرفه هي ضروريه بالحمل عشان تعويض الكالسيوم..

[مشــــــــاعر]

حبيبتـــي//حــلا بــنت القصيـــم
أنا والمويه عدوان ماأعرف كيف أتقبله..
وبصراحه أول مره أسم عن زيت الخوا جوا..
كنت قريت أنه يغلى زيت الزيتون ونضيف الخوا جوا وبعدها يوضع في علبه ويقولون انه مفيد لخياطة مابعد الولاده الطبيعيه..وانا عملتها ولكنني ولدت قيصري الحمد الله على كل حال..^_^

[أرجوان]

انا اعطتني الدكتوره شراب مليين اسمه ازيلاكس 5 مل ومره كويس

[مشــــــــاعر]

عزيزتـــي//أرجـــوان
أعرف هذا المليون..
لكن ماكنت أعرف أنه مناسب مع الحمل..

[سارونة]

حبيبتـــي//سارونـــه
اللي خلاني اسأل البنات هو رغبتي بالابتعاد عن الادويه لان اغلب الاطباء ماينصحون الحامل بالادويه..
واذا مافاد عصير البرتقال الفريش مافيه الا العلاجات الطبيه وش نسوي؟
حبيبتي يعني أنا ما أحب بيبيي مثلا !!!!hwaml7
أقول لك مكتوب على البرشور حق العلاج انه للحوامل يعني ما حطوا فيه شيء يضرها !!
وبعدين ترى طعمه كأنه طبيعي ما فيه مرورة وكذا ..
أحس مره عادي تستخدميه بعد استشارة الدكتورة لانو لو كل شيء يضر ما أكلنا فوليك ولا حديد ولا كالسيوم ولا مثبتات يالله توكلي لعى الله وريحي نفسك ..

[مشــــــــاعر]

حبيبتــــي//سارونـــه
الله يخس أبليسك ماقلت ماتحبين البيبي ياعبيطه..
بس دوم لما أروح لأي طبيبه وأقول امساك تقول خس أو برتقال ويعددون أشياء..
الآحظهم يبتعدون عن الادويه فهمتيني؟؟

[أم ولاء]

أنـآ العكس جابتـ لي إسهـآلـ ..
:$
بس عليك بالبرتقـآل والمووويه والتفـآآآح ..
ودي"

[مشــــــــاعر]

أم ولاء
يعلم الله مافاد معي لا البرتقال ولا التفاح..
حاليا أستخدم ملين أسمه(agiolax)والحمدلله مشي وضعي..
لكن لو أعدي وجبه ماأخذه بعده تعالي شوفيني اليوم الثاني..

[جورية القمر]

حبيبتي الله يون عليكي وعلى جميع الحوامل..
لقيت موضوع بالمنتدى عن الإمساك عند الحامل وحبيت أفيدك فيه...
وهذا رابط الموضوع http://forum.hwaml.com/t8792.html
ودعواتكم بالتوفيق والتسهيل حبيباتي :)