دورتي متاخرة و مافي حمل

[fruit girl]

السلام عليكم بنات شخباركم ان شاء الله زينين ؟
مثل ما اهوه واضح من العنوان دورتي متاخرة و جم مرة احلل يطلع سلبي مادري شنو سبب التأخير !!
طبعا انا انتظر الحمل بشغف بس دورتي دائماً و لله الحمد منتظمة بس هذي الشهر الحين متاخرة خذالها حول 10 ايام و حللت بول و طلع سلبي و قبله عقب ما كملت اسبوع من تاخرها حللت دم هم طلع سلبي مادري هل النفسية تأثر على انتظام الدورة لان هالشهر نفسيتي عدم كان عندي حالة وفاة قلت يمكن اثر علي بس ساعات اقول حتى لو بياثر يومين ثلاثه مو هالكثر ! ساعات اقول باشرب شي انزل الدورة عقب اخاف ان يمكن حامل و اندم بعدين لاني طرحت مرتين ومابي اكرر هالشي بتوتري قلت باروح احلل دم مرة ثانية بس قلت بانطر بعد يمكن تنزل علي مع ان ما عندي اعراض الدورة و لاشيء
دعواتكم بنات ان حمل الله يثبته لي و ان دورة تنزل و ما تتاخر هالكثر يخوفني تاخيرها ان تطلع لي مشكله و الا شيء مع العلم اني ماستعمل حبوب و لا اعشاب و لا شيء

[آلاء]

الله يطمن قلبك
اذا اول مرة تتأخر عليكي ودورتك اصلا منتظمة
انتظري يومين وروحي الدكتورو وتطمني وان شاء الله تكوني حامل ويكرمك ربي بالذرية الصالحة
عمةما في نسوان هرمونهم الحمل يتأخر حتى يبان

[قطوة]

حبيبتي انا كانت دورتي منتظمه جداااااا وفي يون تأخرت شهر كامل وعلى بالي حامل وحللت هرمونات طلع هرمون الحليب
مرتفع

[nour karim]

الحالة النفسية تتلاعب بالهرمونات لعب ممكن تكون السبب لا تشربي شئ قبل ان تتاكدي انك لست بالحمل الله يرزقك من فضله امين

[انثى تكره الظلم]

الله يريح بالك

حبيبتى انتظرى شوى ولو ما نزلت تاكدى من وجود حمل

وياريت لو تتابعين مع الطبيب لحتى يضبطلك الدوره

مووفقه

[الحلم المنتظر]

حبيبتي ماابغى ازعلك ان صار تحليل الدم سلبي يعني مافيه حمل تحليل الدم مايخطئ ودقيق عكس تحليل البول
وانتي قلتي تنتظرين الحمل لانً نفسيتك تعبانه وتفكرين يصير لك كذا تأخير وتجيك اعراض حمل بس مافيه بس لاتتعبين نفسيتك وربي بيرزقك وربي مايحرمك ولاتزعلييين ان ماصار هالشهر ان شاء الله اللي قبله عليك بالاستغفار وكثرة الدعاء بسجودك وربي يحقق لك مرادك قريبا
راجعي الطبيبه خل تكشف عليك ويارب خير

[fruit girl]

مشكوورين بنات على ردودكم و ان شاء الله باحجز موعد عند الدكتورة حق اتاكد من كل شي و كل شي خيرة من الله
انا اول مرة تتاخر علي هالكثر باجوف ان مانزلت من احين لنهاية هالاسبوع الاحد اسوي فحوصات حق اطمن و الله لا يطولها علينا بإذن الله الواحد الاحد

[لوليتا22]

النفسيه بتاثر عالدوره اكييد انتظري كم يوم لو حللتي ما طلع شي روحي للدكتوره شوفي ايش السبب

[مرايمم]

ما عندي علم الله يرزقك ويجعلها اخر الاحزان ويغفر لفقيدكم
ربي لا تذرنا فردا وانت خير الوارثين

[υм вtℓαα]

انتظري كم يم اذا مانزلت حللي اذا مافيه حمل
سوي تحليل للهرمونات
الله يرزقك يارب ماتتمنينه

[am taloo]

وانا بعد دورتي تاخرت ممكن تكوني حامل بس حمل متاخر مايبين بسرعه
جربي تحللين مره ثانيه

[fruit girl]

مشكورين حبايبي على ردودكم و يارب ان كانت دورة تنزل تاخيرها يتعب النفسية و ان كان حمل يارب ثبته لي
بانتظر و بعيد التحليل عقب باجر بالدم و اللي الله كاتبه بيصير و الحمدلله على كل حال و باكتب لكم شيصير وياي و النتيجة شنو عقب و الله يسهل و ايسر الامور