بكريه وعندي التهابات طمنوني

[khraman]

مساء الخير ... أخباركم جميعا .. لوسمحتم ابي اسالكن للاطمئنان .. انا حامل ببدايه السابع تقريبا وبكريه
وسبقا تنومت بالشهر السادس لانهم حصلو عندي التهاب بول وصديد درجته 100 واعطوني مضاد وكمان اعطوني حبوب لما طلعت ... والحمدلله تمام .. لكن من فتره لفتره احس بوجع بجنبي وكمان اسفل بطني .. وطبعا اشرب ماااي كثير واكل كمان زبادي لانهم يقولو حلو للالتهابات .. وكمان اوضي بمويه وملح خشن ... سؤالي ؟

هل وضوئي بالملح والماي الدافي يضرني او يفيدني وانا حامل ؟
وكمان انا اخاف من الولاده المبكره ..هل احد جاه الالتهابات والحمدلله تتم ربي حمله ورزقه بطفل سليم ؟

اتمنى ان تطمنوني ... رزقكم الله ماتتمنون واعطاكم الصحه والعافيه 😊

[υм вtℓαα]

صباح النور
بالنسبه للماء والملح لامافيه ضرر بالعكس كويس للالتهاب
اما بالنسبه للولاده المبكره انتبهي خيتي من الالتهاب وواظبي ع شرب الماء لانه ممكن يودي الى ارتفاع ضغط الحامل وزلال
وغير كذاا يمكن يتااذى الطفل
خليك متابعه اول باول
انا شوفي بولادتي الثانيه جاني التهاب الشهر التاسع بس ماطول لاني عالجته بس سبحان الله بيوم الولاده رجع ليي
وغير كذاا صرت مااكل من رحت لاهلي وحراره ذبحتني بجسمي يوم سولي الدكتور فحوصات قال مافيه شي بس يوم ولدت ولدي جلس 3ايام بالعنايه وثم توفى بسبب قل الاكسجين عندي

الله يتمملك ع خيرررريارب

[ناعسة العين]

صباح الخير ...
ماقصرت ام بتلاء والله يعوضها خير ...
حاولي قد ماتقدرين تكثرين مويه ..
وممكن الالتهاب عدوى من زوجك ..
والملح والماء مايضرك باذن الله وزبادي وثوم كويسه ..
واستمرار الالتهاب مو زين للجنين ..

الله يرزقك بولادة تامه باذن الله وجنين تام وبصحه وعافية يارب ..

والله يسهل علي وعليك وعلى كل حامل يارب

[NoNa roze]

الله يتمم ليكى على خير وتولدى بالف سلامة
ام بتلاء ماقصرت

[khraman]

مشكورين الله يعطيكم العافيه

[بحــ العيون ــــــــر]

البنات مااااااااااااااقصرو معك يا الغلا الله يسهل عليكي يارب

[حنونة لزوجي]

حبيبتي انا الحين ببداية الشهر الثامن ومن نهاية او منتصف السابع صار عندي التهاب بالمهبل وعالجته وراح لان عطتني الدكتورة بيكوربونات الصوديوم وعصارتان وتحميلة واكثرت من اكل الزبادي وبعد اسبوع سويت سونر طلع عندي 7 حصوات بالكلى 3 باليمنى و4 باليسرى فاوقفت اكل الالبان نهائيا ماعدا حليب بلوتو ماما الي عطتنياه الدكتورة وبعدها رجعلي الالتهاب وللحين بعده والدتورة خبرتني اسوي زرع بول وانتو بكرامة وانا كمان كنت خايفة من الولادة اامبكرة وللحين بس انتضر نصف الثامن عشان اضرب ابرة الرئه وارتاح من خوفي فأنتبهي اختيلازم يروح التهابج قبل الولادة عشان البيبي لان قناة الولادة لازم تخلى من الالتهاب وادعيلي ان شاء الله يروح قبل ولادتي يارب يالله

[أسيرة زوجي]

الالتهاب لازم تعالجيه جيدا

لأنه مو منيح لك و للجنين

راجعي الدكتور لحتى تتأكدي من عدم وجود التهابات

[mama to be]

اهلا اختي
شوفي التهابات المسالك مرات ممكن ترجع لانوا البكتيريا ما بتكون استجابت
للمضاد الحيوي اللي اخذتيه, بترجع تتكاثر وتعمل الم في المثانه واذا زاد
برجع الى الحالب والكليه..الافضل ترجعي تراجعي الطبيب وتعملي زراعه ثانيه.
بالنسبه للحمل ما اتوقع تأثر عولاده مبكره, ما عندي معلومات كافيه عن الموضوع.
لكن الالتهاب لازمه علاج شرب المي بساعد يمنع تكرر الالتهاب لكن ما رح يعالجه لانه
البكتيريا لساتها في المثانه والله اعلم
سلامتك والله يشفيكي ويعافيكي

[ayato]

الله يشفيك اختي

[nour karim]

لازم تكملي المتابعة مع طبيبتك لان الالتهابات لازملها متابعة جيدة ومضادات خاصة مع الحامل لان مناعتها تكون ضعيفة ولازم يتعالج زوجك معك حتى لا ينقل لك المكروب بعد شفاءك الله يتمملك على خير

[jojo 123456]

عليك بالمتااابعة الطبية بالنسبة للملح والماي لاضرر

الله يمملك ع خير يااارب