ساعدوني ظايق صدري

[مشتاقة للأمومة]

السلام عليكم ورحمة الله وبركاته ......

ساعدوني اليوم كان عندي موعد بالمستشفى يوم سويت السونار تفاجيت من كلام الدكتور
قال لي انتي مطوفة التاسع وداخلة العاشر لكي 3 ايام وكتب لي تنويم للولادة


مع العلم على حسبت الدكتورة الي راجعت عندها بداية الحمل قالت لى كل تاريخ 16من الشهر ادخل شهر جديد

وبعدين رحت دكتورة ثانية قالت كل 27 من شهر تدخلين شهر جديد

مع العلم اخر دورة لي كانت 2-2-1431ه



ارجوكم افيدوني ماذا افعل

اصدق مين

(اطلب من الخوات الي تعرف تحسب صح تحسبلي كم لي)

[**سماسم**]

التاريخ المتوقع للولاده بإذن الله 17 \ذو القعده \ 1431هـ الموافق 25 أكتوبر 2010م
ونتي الأن بأخر أسبوع من الشهر التاسع ..
يالغاليه أنتظري كم يوم وربي يفرجها ويقومج بالسلامة
,,

[طال العنا]

اذا الجنين يتحرك فلا تروحين

والله ان يسوموك سوء العذاب زي ماصار معي قالوا موعد الولاده فات وحطوا طلق صناعي ثلاث ايام شفت الموت بيها

وكل دكتوره وكل ممرضه تجي وتسوي فحص عشان يشوفي كم فتح الرحم

ولما فتح الرحم 3حطوني على سرير الولاده


اعوووذ بالله من الي صار لي ماينسى عساك ماتشوفين شر الي جاني

[ام الحور]

نفس حالتك صمت العنا
اصبري لاتستعجلي استني وكثري من الدعاء والمشي وربك فرجه قريب

[ايلاف]

لاتروحين الا وقت خلاص قربتي تولدين الولادة
انا رحت وسووو لي عملية قيصرية حطو طلق فيني صناعي اللين نقص اكسجين الجنين وسوو لي عملية قيصرية

[مشتاقة للأمومة]

مشكورين على الردود أنا بكرية
اني خايفة موت من
طلق الصناعي ما اذوق طعم النوم
والنفسية زفت

[مشتاقة للأمومة]

أخوات حبيت اسئل
تنصحوني اشرب قرفة او كف مريم او زيت خروع
يعني محفزات الولادة

[رذاذ عطر]

شوفي حبيبتي ولادتك تكون يوم 16 يعني اليوم اخريوم في التاسع يمكن تولدين اليوم

او بكره ماتدري ربي ايش ناويلك واللي اسمعه من الحريم ياخذون الخروع والقرفه

والله يسهلك وتولدين بالسلامه عقبالي باقي لي ثلاث اسابيع دعواتك لي

[daisy rose]

أختي اتكلي على رب العالمين واذا أراد الله بيكتبلك اليوم الفلاني بتولدين ..
أنا عدى موعد ولادتي وللحين ماولدت وماسويت ولا شيء لامحفزات ولاغيره ..
الله يهونها وييسرها علي وعليكم يارب .

[ميلا فؤادى]

المفروض ب 12/10 يكوون ااخر شهرك ...

هيك انا بعرف ...

الله يقومك بسلامة ياا رب ...

ادعوولنااا ....

[أرجوان]

انا بكريه وما اعرف احسب بس لاتخاين امي تقول مستحيل اكيد خربطتي بالحساب وانشاء الله يفيدونك الاخوات بس تطمني بس تاكدي من القرفه قبل لاتشربيها يقولون هيه تحرك الطلق بس ماتفتح الرحم او لاتشربيه الا اذا فتح الرحم واسال الله رب العرش العظيم ان الله يفرج همك عاجل غير اجل

[abra]

حبيبتي نصيحة تمشي وبسرعه وفرقي خطوتك مثل مشي العسكر تشمي اقل شي ساعه واكلي تمر ثم تمر ثم تمر مااكو احسن منه بلاا خروع ولاقرفه وبلااهم

[abra]

ماابي اخوفك بس انا توي قريت قصه وحده توهاا والد وحطت قصتهاا للعبره
انهاا مااجهاا طلق ولاشي وخشت العاشر وبعدين روحت المشفى وقالت لها الدكتوره انها خلااص عدت التاسع صار لها ست ايام في العاشر وانها لازمهاا تنويم ضروري المهم انها طنشت كلام الدكتوره ورجعت البيت وخلال يومين جاهاا نزيف مثل الانفجار اعوذ بالله الله يستر علينا يارب وعلى بيبياتنا ويوم راحت المشفي لقوو المشيمه انفصلت لان سبحان الله مدة الحمل تسع اشهور وبعدين المشيمه تنفصل ولاايجي غذاء واكسجين للبيبي وهادي مشكله كبيره المهم انهاا ولدوهاا قيصري وكانت حالة الام والبنت صعبه مره وبعد يومين توفت البنت لاحول الله فنصيحه حبيبتي روحي المستشفى دكتورتك اخبر بحالتك لاتهملي نفسك

[ام حمادة المصرية]

الله يهون عليكى يارب
ويقومنا بالسلامة جميعا يارب

[جولييت]

حبيبتي نصيحه لاتروحين والله يلعبون فيك لعب

انا نزل مني ماي ومافتح الرحم والعبو فيني لعب قسم بالله واخرتها عمليه قيصريه

لاتروحين خلي الدكتور على جنب واستني يجيك الطلق واشربي محفزات الولاده وامشي كثييير الله يسهل عليك ويقومك بالسلامه
لاتنسيني من دعواتك

[كلي ولهـ لعيونكـ]

حبيبتي انا مثلك بالضبط آخر دورة لي كانت 2/2 /1431 هـ

واليوم هو موعد ولادتي على كلام الدكتورة وحساب الحمل بالنت يعني كلهم نفس الكلام

والدكتوره قالت إذا ماجتك الولاده يوم الأثنين يعني تاريخ 17 /11 /1431 هـ

تعالي الخميس على نفس المواعيد القديمه بنسوي لك آشعه ونشوف إذا كل شي تمام

بنعطيك مهله للأثنين اللي بعده يعني اسبوع بالضبط وبعدها طلق صناعي

وشوفة عينك اليوم موعد الولاده ولابعد حسيت بشي أبد وكل خوفي من الطلق الصناعي لو ماولدت

الله يهونها علينا يارب انا وياك بالهوى سوى