الدورة بعد الاجهاض

[بسمة أمل 111]

[center][color="blue"][size="5"]صباح الورد صبايا
ما بعرف اذا متابعين اخباري بس انا قبل شهرين تقريبا اتأخرت عليي الدورة وعملت فحص دم وكان سلبي وعملت أكتر من 5 فحوصات منزلية كلها طلعت سالبة ...بعدها نزل عليي دم قليل فكرتو دورة فأخدت حبوب منع حمل عشر حبات بس ووقفتها بعد 4 اريام صابني نزيف قوي مع الم قوي رحت للطبيبة عملت فحص هرموني وطلعت حامل وعم بجهض والحمد لله
هلأ سؤالي يا بنات بعد الاجهاض امتا ابتجي الدورة ؟
انا اجهضت في 24-3-2015
واستمر الدم 12 يوم
أنا ما رح اعمل تحليل حمل منزلي ولا حتى دم لانو طبيعتي ما ابيظهر عندي الحمل في التحليل الا بعد شهرين من الحمل بس ما بعرف شو السبب
وصرت مجهضة مرتين مرة 3 شهور وهاي المرة شهرين عشان نفس السبب بعمل تحليل وابيطلع سالب باخد ادوية عادي وبعمل مجهود قوي باعتبار اني مش حامل وبعد فترة بجهض
واختي كمان متلي بتضل تعمل تحليل الحمل المنزلي والدم وابيطلع سلبي وما ابيظهر معها الحمل الا لما اتخلص الشهر التاني

[بسمة أمل 111]

انا اسفة اني كتبت الموضوع هون ما كنت منتبهة انو في قسم خاص للاجهاض والولادة المبكرة يا ريت تنقلولي الموضوع للقسم المناسب وشكرا

[مرايمم]

الله يعوض عليكي حبيبتي ما عندي خبر ان شاء الله البنات يفيدوكي هون او بقسم الاجهاض وان شاء الله ما بترجعي تزوريه لقسم الاجهاض وتضلي بقسم الحوامل ��

[ام اميرتين]

اهلين اختي
اي سامعة انا عن نسوان مايبين عندهم الحمل الا بعد اكتر من شهر سبحان الله
الله يعوضك خير عزيزتي بس تفاديا لاي مشاكل مستقبلا لا تاخدي ادوية بعد ماتحللي دام عارفة انو هيك يصير معك بالحمل ومايبين تابعي حالتك عند الدكتورة
بخصوص الدورة بعد الاجهاض ف تختلف من وحدة لتانية في حالات بعد الأجهاض كم شهر تتلخبط الدورة
في يلي تجيها بعد اربعين يوم وفي يلي تجيها بموعدها المعتاد وفي يلي بعد شهرين
اهم شي تظلي متابعة عند المختصة ويارب ماتشوفي اجهاض ابدا من هون ورايح

[hanoun]

صحيح حبيبتي في كثييييييييير نساء مايبين عندهم الحمل الا بعد الشهرين او 3 و دام انت عرفتي السبب لاجهاضك معناتو مااصبح في مشكلة بس المرة الجاية لااااااااااااا تاخدين ادوية و حاولي انك دوم ترتاااحي والله يعوضك باحلى تووووووم

[بسمة أمل 111]

شكرا حبيباتي الله يسعدكم يا رب بس ما قلتولي هلأ تعتبر الدورة متأخرة عندي ولا لأ؟
لانو انا اجهضت في 24-3-2015 واليوم التاريخ 26 - 4- 2015
ولا بعد الاجهاض ب 40 يوم تعتبر متأخرة؟
عشان اعرف و اعمل حسابي
لانو عندي التهاب قوي في المسالك البولية وما بعرف اخد علاج بالادوية ولا اكتفي بالشعير والاعشاب اللي ما بتضر الحامل

[υм вtℓαα]

اذا منتظمه دورتك فاعملي حسابك يمكن يكون فيه حمل
خوذي احتياطك ولاتتناولين اي دواء

وبالنسبه للالتهاب اغتسلي بماء وملح
الله يرزقك ماتتمنينه

[حياتي توأمي]

الله يعوضك حبيبتي ياااااااارب

ويرزقك عااجلاً غيرآآآىجل يارب

[الماسة26]

اللع يعوضك حبيبتي بما إنو عرفتي إنو حملك ما يظر لا تاخذي أي ادويه لحد 3 أو 4 شهور تحللي وربي يبشرك بالحمل السليم المعافي

[انثى تكره الظلم]

الله يتمملك هالفرحه على خيرر ياااااااارب


تحيااتى

[لموستي]

حبيبتي في حالات بصير معن هيك

الله يعوضك بتوام صالحين سالمين يارب

بس انتي المرة الجاية وئت تشوفي دورتك مانزلت لا تجهدي حالك ولو شهرين عادي خدي راحتك طول الفترة كرمال مايرجع يصير معك نفس الشي

والله يرزقك من واسع فضله ياغالية

[أسيرة زوجي]

سبحااان الله

حبيبتي المرة القادمة لا تخاطري بحالك

إذا تأخرت الدورة لا تاخذي أي دواء

الدورة من المفروض تجي عادي

يعني تحسبي من اليوم الي طهرت فيه و تحسبي طول دورتك عادي

الله يرزقك ما تتمنين