يابنات جدة الله يفرج همكم ساعدوني ودلوني

[اشراقة المجد]

كيفكم حبيباتي

يابنات انا طفشت من عيادات النساء والولادة كل ماتصل ابغى احجز ما الاقي موعد واذا اصريت الاقي بعد شهر ونص او شهرين
ايش دا بالله طيب انا محتاجة اروح دكتورة اتابع معاها الحمل لاني عندي سكر الحمل ومرتفع شويه وخايفه ماحقدر انتظر شهر
سوالي يابنات اذا تعرفولي دكتورة باي عيادة او مستوصف او مركز تكون كويسه واهم شي ماعليها زحمة تدلوني عليها عشان اتابع معاها الله يسعدكم دنيا واخرة

[ام اميرتين]

الله يسهل امورك حبيبتي ويعطيكي الصحة والعافية
ان شاء الله البنات مايقصروا ويفيدوكي

[دلوعة بالحيل]

والله كل المستشفيات زحمه
بس وش نسوي غير الانتظار
انا اراجع في غسان فرعون عند دكتوره ثاج خان مرا كويسه بس مرا زحمه عندها
الله يسهل لك لو تعبتي روحي ع الطواري و يفحصوك
موفقه يا الغلا

[أسيرة زوجي]

حبيبتي الله يتمملك بخير و عافية يا رب

ان شاء الله بنات المنطقة يفيدوك

[هدوء أنثي]

غريييييييييبة وش هالزححمممة

يعني كل المستشفيات زحمة كذ
عندك فقيه او المتحدون او الدولي هذى الي اعرفها والله لاني من مكة بس استغربت لما قلتي زحمة ومواعيد بالشهر ؟؟؟

[أم تيا]

حبيبتي الاطباء عندهم دكاتره يجو اخر الليل من بعد ١٢ تلقي عندهم مواعيد وعندك عيادة اسمها هاني رقبان في حي النهضه دكتوره نساء اسمها سنية عماره وعندهم دكتوره هبه وعندهم دكتور استشاري تروحي وقت ماتحبي وتدخلي انا مجربه سنه في حملي ومراجعاتي بعد الولاده عندها جدا ممتازه وربي يشفيكي ويسهل عليكي ويتمملك على خير

[أم ريومه]

عسى بنات جده يفيدووووووووك


الله يدبر كل اموركم ياااارب

[لوددي]

انا عني اراجع بمستشفى الجامعه الخاص عند دكتورهه اسمها منال فوزري صراحه مره شاطره وتسمع لك مو مثل بعض الدكتورات تنافخ لك منافخه
واحلا مافيها انو ماتسوي شيء الا له اهميه بعضهم كل شوي تحاليل واشعه بس عشان ياخذو عليك فلوس
اذا حابه تروحي لها هذا رقمهم

+966-12-6806666

[حياتي توأمي]

رررررفع لعيونك

ان شاء الله بنات جدة يفيدونك

موفقه

[الماسة26]

إن شاء الله بنات منطقتك يفيدوكي وربي يبشرك بالحمل السليم المعافي

[عروسة البحر]

ربنا يشفيكى يارب ويتمملك حملك على خير ان شاء الله بصى لو انتى فى جدة فى مستوصف اسمة القدس فى المكرونة دة ممتاز جدا وفى دكتورة اسمها هانم دى ممتااااااااااااازة موعدها من 5 ل10 مساء ومن غير حجز بس انتى روحى الساعة 4 عشان تخشى فى الاول وربنا معاكى يارب وابقى طمنينى عليكى

[لموستي]

حبيبتي انا مو من جدة الحمدلله انو البنات ساعدوكي

الله يعينك يارب

[انثى تكره الظلم]

والله ياا حبيبتى انا من مصررر ما بقدر افيدك

لكن بقدر اساعدك بالدعاااء

اللهم يكرمك بالحمل السليم المعافى عاجلا غير اجلا يارب العالمين

امييييين

[اشراقة المجد]

الله يسعدكم جميعا يااارب

[شوشة84]

عندك مستووصف الشفا في حي الشرفيه اعتقد دكتورة اسمها ميمونه جيده

وكمان مستوصف المستقبل دكتوره عراقيه عند المطار القديم