الي راح تنفس في بيتها تدخل(دردشه النفوسات)

[عزيزة النفس]

انا حالي حالكم اول مره اتنفس ببيتي لظروف خارجه عن ارادتي
انا باخر الثامن
ماعندي شغاله
ولا جهزت ولا شي
وزوجي ينتظر المكرمه علشان يتكرم علي
طبعا بولد قيصري
عندي طفلين اشقياء 3و4 سنوات
الله يصلحهم
اعيش ررررررررررررررعب من التفكير بالعمليه
علشان كذا ما افكر باي شي ولا ادري وش اسوي
لكن رح ابحث للي محتاجه اي مساعده واساعدها بالمواضيع
زي ما طلبت اختي:
شموخي تعداك
رح اجهزلك افكار الليله ان شاء الله
وانزلها بالصور ان امكن
الله يهون علي وعليكم وعلى كل حامل

[عاشقة الجنه]

السلام عليكم ورحمة الله
يا غاليات ارجعو تصفحو الموضوع من اوله والله العظيم فيه افكار رائعه واشياء مفيده جداااااااااااااا لكل وحده بتنفس ببيتها انا اخترت الوضوع من واقع تجربه استفيدي منه وراح تجعي لي
لو لقيت وقت بحاول انسخ الصفحات المهمه انتو بع اجتهدو اله يقومكم بالسلامه

[عاشقة الجنه]

الله يفرج كربكم ويسهل ولادتكم يارب

[mr00m]

ماشاء الله الموضوع رووووعة بمعني الكلمة قريته حرف حرف

واستفدت منه كثير بصراحة

الله يعطيك العافية كلكم ويوفقكم

ويسهل علي وعليكم الحمل والولادة

[لولي عمري]

ياليت والله وحده تقول لنا ايش الحاجات الي نحتاجها

خصوصا نحنا البكريات ماعندنا اي خلفيه

[ياحبيبي يالله]

انا نفست في بيتي وعندي الوالده ولاعندي شغاله قسم بالله اني اقوم اشتغل واحس رحمي بيطيح لكن مع الاستغفار والدعاء ربي يهون علي انا بطبعي مااحب اتكل على احد ومااحب اشوف حوسه قدامي واجلس اتفرج
واذا جاني ضيوف لازقه بالفراش على بالي ماسويت شيء لكن نفسيتي الله لايوريكم معصبه ونفسي على راس خشمي والله يكتب لي الاجر ويمتعني بصحتي

[snickers66]

الله يسهل لكم يارب ...

[اليقين بالله]

الحمدلله على السلامة لجميع الي ولدوا

عاشقة الجنة او اي وحدة ثتنية
بالنسبة للاكل هو مشكلة الي بتتنفس في بيتها

ابغى اسالكم ينفع فرزنة
المصابيب (المراصيع) لو تتفرزن من قبل ب3 شهور ماتتغير ؟ طبعا من قبل ب3شهور تحسبا لاي ظرف طاريء وقبل ماتثقل الحامل اكثر

برضو الحنيني برضو المحلا ؟؟
برضو مرقة اللحم ؟؟ لانها اهم شي
وهل تنفع اللحمة المفرومة اطبخها وخليها قبل بشهور؟؟ او الافضل اللحم الفرش

طيب الي بتلف سمبوسة والاشياء هذي عادي من قبل بشهور ؟؟

[وردة22]

يعطيكم العافية اختى عاشقة الجنة بصراحة انا اتفدت من موضوعك مرة
واسال اللة ان يجعلة فى موازين اعمالك

وحبيت اطلب من كل وحد استاجرت شغالة وقت النفاس
تحط رقم الشغالة للاستفادة للى بيولدون الاشهر القادمة
وكل وحدة ولدت فى حكومى وبعدها خيطت فى اهلى
تقول تجربتها

[عشقي حكايه]

حيا الله الجميع انا بعد بولد في بيتي ولاول مره طبعا بسبب المدارس مقدر اروح عند امي
عندي 3 بنوتات وهاذا حملي الرابع
طبعا بجيب شغاله اللي بالساعات يعني اقل شي مرتين في الاسبوع وطبعا زوجي يحب الكرف وماراح يقصر
من ناحية التجهيزات لسع باقي ماسويت شي مع اني في نهاية الثامن
بس مدري متى ابدء عندي افكار ومرتبتها بس مع المدارس الواحد مايفضى يروح يشتري شي
واذا جهزت راح اقولكم وش سويت
ودي للجميع

[تراتيل]

السلآم عليكم

كيكفكم انشاء الله طيبين بصراحه جذبني عنوان الموضوع

لاني بنفسفي بيتي ان شاء الله وهذا ثاني طفل لي

وبما انها اول مره فانا محتاسه لكن مافيه احسن من القلم والورقه وتكتبين وش تحتاجين وتخلصين امورك بشوي شوي وبركاده وتشرين اللازم

اول شيء بقولكم وش بديت فيه

اشتريت للنونو ملابس دافيه خاصه ان ولادتي شهر 2 يعني على كلامهم المربعانيه) قلب الشتاء )
اشتريت مفرش تقديم سكري

اشترين لي مفرش نفرين استفيد منه الحينوبعد النفاس احسن من اشترينفر واركنه بدون فايده

حاولت اخلي لونه مناسبمع الغرفه اللي جلس فيها يعني زيتي مع بيج
اشتريت سرير خيزران للصغير وملبس فرو بيج
انا اشتريت لي جلابيه فخمه للاستقبال واشتريت قمصان عاديه بس فيها زراير من قدام لزومالرضاعه

هذا بالنسبه لي وله

----------------

التقديم :
رتبت المجلس غيرت مفارش الطاولات خليتها فخمه
سلتين حلاو
وسلة بيتفور وسلة مكسرات مغلفه مره شكلها يجنن تغليفها نفس تغليف السكر اشتريتها من بانوراما المراه بالرياض
اممممممممممممممم وش بعد باقي لياك النفاس ومحتاره فيه

---------------

البيت وتنظيفه عندنا هنا شغاله تجي باليوميه

ناويه كل يومين او ثلاثه اجيبها تنفظ البيت وتتوكل

اغراض الصيديله بعد اشتريتها

بيتادين - ميبو - فوط صحيه - سدادات للصدر

هذا احسه اهم شيء

هذا اللي جهزته ومدري كيذا خلاص ولا ناقصني شيء

[عشقي حكايه]

وينكم بنات عاشقة الجنه الله يجزاك خير قريت الموضوع من اول صفحه لحد ماوصلت هنا

والحمد الله على سلامتك والف مبروك المولود ويتربى في عزك ان شاء الله
والحمد الله على سلامة الباقين والف مبروك للي ولدو وعقبال الكروشات كلهم يارب
انا في نهاية الثامن باقي كم يوم وادخل التاسع
وان شاء الله بكره اروح اجهز كل اغراضي انا من الدمام واللي تبي ارقام شغالات انا عندي
ودي

[قلب ناضج]

مرحبا يا حلوات .. حتى اانا بانفس في بيتي لظروف خاااصه .. وتجهيزاتي راح تكون بسيطة ومرتبه ما راح ابالغ فيهااا .. من *ناحية صحتي راح اشتري من العطار اللي يلزمني وارتبه في المطبخ ع حسب الاولويه عشان تفهم علي الشغاله .. ومن ناحية المكان والتاثيث .. راح اشتري مفرش عادي مو شرط حق نفاس وتجي معه 100 مدري 50 قطعه مالها داعي ومسوية زحمه وراحت موضتهاا .. باشتري مفرش يكون الوانه غامقه ورايقه ويكون حلووو .. واشتري للبيبي مفرش للاستقبال ..
* حتى حمامي الله يكرمكم باكون مرتبة صح وحاطه احتياجاتي الخاصه فيه بشكل مرتب
* اما عن التقديمات ماراح ابالغ لان الناس جايه تتطمن مو تطق حنك وتاكل راح اشتري صحن شوكولا فخم من ماركه معروفه ويكون بنفس الوان البيبي .. واخلي التجهيزات الثانيه والحركات في العقيقه .. هذا طبعا رأي وتفكيري .. والله يوفق الجمييييييييييع

[قلب ناضج]

صح تذكرت اللي راح تشتري سرير للبيبي مثل حالتي .. يفضل تشتري له السرير اللي يكون فيه ادراج واماكن للتخزين انا شفت كذا واحد حلوين يكون ضربت عصفورين بحجر .. مكان للبيبي واحتياجاته تكون قريبه مني حتى ملابسه بعد ..

[وردة22]

للرفع الموضوع روعة لا يوقف
متى اجيب الشغالة قبل الولادة بشهر او اسابيع تكفى
اللى جربت اى شغالة تكتب رقمها نستفيد منها

[أم رزاان]

وأنا ايضاً بنفس في بيتي
وطبعاً مافي عندي احد قريب لا أم ولا اخوات
بس الحمد لله عندي بناتي الله يحفظهم مو محتاجة احد
ولسى ماجهزت شيء
إن شاء الله من الشهر الجاي ببدأ اجهز

ومشكوووورة ياقلبي علموضوع
واكيد كلنا بنستفيد منة

[قلب ناضج]

وردة 22 ..انا اتوقع تجيبي الشغالة قبل اولادتك ب 10 ايام ع اساس تعلميها ع البيت والمطلوب منهااا .. اما بشهر كثيرر اتوووقع ومصارف زايدة ...

[وردة22]

اللة يسهل امين متى نخلص ونطلع من النفاس

[عشقي حكايه]

اهلا وسهلا بالجميع

حياكم اخباركم بنات ان شاء الله تمام

الله يعين على البرد وابشركم دخلت التاسع لي اسبوع الله يسهل علي

ودي

[نبع الحنان المفقود]

يعطيك العآفيه أختي ع الطرح
لآهنتي


وأنآ بعد بنفس ف بيتي وأمي بتجي تنآم عندي أسبوع أو 10 أيآم إلين أقوم بِ السلآمه وأعرف شلون أشيل البيبي ههههههههههههههه
أخآف منهم لمآ يكونو صغآر ومَ عرف أشيلهم خخخخخخخخخخ
كل اللي شآيله همه شي وآحد
البزآآآآآآرين عيآل أخوآت وأخوآن زوجي
شيآطين وربي
الله يعيني عليهم
بشتري خيزرآن ههههههههههه

[قلب ناضج]

نبع الحنان المفقود .. لا تخافي ولا تشيلي هم .. بعدين البزارين وش يجيبهم .. بيوتهم جنتهم .. انا اشوف كذا لان جد مالهم موقع في مثل هالزيارات .. انتي وضعك خااص ولو فؤضنا جوو الله يخلي امهاتهم كل وحده هي اللي تجيب خيزران ..

[نبع الحنان المفقود]

يَ حبيلك يَ قلب نآضج
إنآ نقول كذآ
بس مَ تعرفين بزآرين أهل زوجي كيف طآلعين
تتخيلي إنه حرمت أخو زوجي سآكنه فوقي وعيآلهآآ إمآ عندي تحت أو عند حمآتي هي تطردهم وتقولهم روحو
وإذآ جآتني زيآره الله لآيوريك مَ تمسلك عيآلهآآآ أبدددددد ولآتخآصمهم ولآتضربهم إنآ اللي نقوم ورآهم وتكلمينهآ تطنش
آآآآآآخ بس
الله يعين بسس

[وردة22]

اللة يسهل على كل الحوامل
اللى تعرف او جربت شغالة بالشهر
رجاء تحط الرقم
لانى محتاجتها

[عاشقة الجنه]

الله يسهل عليكم كلكم ربي كريم لاتنسون الدعاء يالغاليات

[نور العيوووووون]

مررررحبا كروشات انا ان شاء الله بتنفس ببيتي هالمره اريح وخاصه عندي اثنين يدرسون بس انا توني اول الشهر الرابع بس منكم نستفيد انا بحملي السابق جربت نظام فيافي وووووووووع وفاشل ياليتني ماطبقته بنفاسي قبل كنت اخذ رشاد مع تمر بالسمنه مجهز قبل واخذ غالبا بالغداء مرقة لحم ولحم بتلكمون والفلفل الاسود وافطر مراصيع ويكون عندي مر مخمور بمويه علشان الشمم والغسول ارطه مجهز باالحمام والحمدلله اطلع من النفاس وش حليلي صح ونسيت كنت اخذ حلبه. يس استغربت ناس تقول تجيب مويات*

[مريم عيسى]

لا اله الا الله

[ديرتنا]

الله يسهل علينا كلنا انا الحين بالرابع وناويه باذن الله اتنفس في بيتي غصب عني امي حرمه كبيره وتعبانه وخواتي ساكنات بعيد ولا احد ينفع احد
بس ياليت الي جربو يتنفسون في بيوتهم يقولون لنا تجاربهم وكيف قضو نفاسهم من ناحية اكلكم و تنظيف البيت لان ما فيه امل اجيب خدامه وعندي بنووته صغيره بس الحمدلله ما يجيني ظيوف لان انا مت اروح لاحد

[برنسيسه2013]

الله يجزاك خير على هيك موضوع

انا اسجل كل اللي ابيه بدفتـر عشان اشتريه ان شاءالله << بدري خخخخخ

احس اني كسوله وباااارده وكل شهر اقول اللي بعده

الاغراض من العطار ؛
سجلت الاساسيات ومااحب اكثر
اجمع الخلطات الاساسيه
مثل المردود هذا اساسي
و له مكونات لازم اجهزها ان شاء الله

اعجبتني خلطة الخمس فناجيل وخلطة العتيبيات بس ماودي يصير تناقض لبعض
اذا مايضر ابي اجمع كل خلطه لحاله واضبط مكوناتها ان شاء الله واحطها بعلب زجاجيه وراح كتب اساميهن عليها

مثال الاساسيات ًمن العطار
( الحلبه - الماش- الفلفل الاسود - الرشاد - اليانسون والكمون والشمر اللي هي الحلوه - سكر نبات - حبه سوداء)

هيك احسه مناسب ...


اما اغراض البيبي واغراضي اجهزها على نهاية هالشهر ع خير ياااااارب
وان شاء الله شهري على بوادر صيف يعني الامور ماشيه حلوووه بأذن واحد احد


والله يتمم لي ولكم ع خير

[بعثرة مشاعر]

موضووع رائع جدا وادوور على مثله من زمان

انا ولادتي الثانيه وان شاءالله ببيتي وتجي امي الله يعافيها لوعشر ايام

لاني بولًادتي السابقه تعبت وقت احازه واخواتي متحمعين وعيال اخواني وازاعااااااج وحاله تعبت ولالي نفس اكرر التجربه لانها بنفس الوقت

عموما جمعت كم فكره واستفدت كثير يعطيعك الف الف عافيه عاشقة الجنه

[مهوسة بالزين]

نور العيون انا نفسك جربت نظام فيافي فاشل بمعنى الكلمة وطلعت من نفاسي مو ذاك الزود مع ان امى ياحياتى تهاوشنى استخدمى خلطاتنا المعتمدة بس ماسمعت الكلام وجئت على راسي هالكلام ولادتى قبل 5سنوات
الحين انا حامل بالسادس وبولد في بيتى امى خواتى كل اسبوع بتقعد وحدة عندى ابي اسولف مع بشر لان بنفاسي يجي اكتئاب وضيقة ابي ناس من حولي الله يسهلها
قبل ولادتى بشهر بجهز ادويتى واجهز قرصان للمرقوق وافرزنها واخلص اغراض رمضان من فرزنه بما انى ولادتى تصادف رمضان

[ريمي العالي]

مشاءالله تبرك الرحمن موضوع حلو ومتكامل
استفدت منه كثير
لانه الصراحه مفكره احمل ونفاسي في بيتي اريح لانه كنت اتنفس عند امي وكل نفاس نفسيتي تتعب اكثر
احس الوحده ببيتها احس جنب زوجها واولادها

[ريمي العالي]

الف مبروك حق الوالدات
الله يقوم الكر
شات بسلامه ويسهل عليهم