المساعد الشخصي الرقمي

مشاهدة النسخة كاملة : ساعدوني موعد ولادتي قرب

كلي ولهـ لعيونكـ
10-19-2010, 10:37 AM
صباح الخير

كيفكم صبايا ؟؟؟

إن شاء الله بأحسن حال يارب

بغيتكم تساعدوني انا موعد ولادتي 17 / 11 يعني الأثنين الجاي إذا الله أراد

المشكله اني للحين مو حاسه بأعراض الولادة بس فيني الم بظهري من الجوانب

والم زي الم الدورة على خفيف وبطني لسى مانزل احسه مرتفع وكل من شافني قالي توك

انا بصراحه تعبت نفسيآ وانا انتظر ماني قادرة انام من ضيقة الصدر

وابدآآآآآآآآآآ ماودي اتعدى موعد ولادتي حدي هالأسبوع وعندي موعد مع الدكتورة

الخميس الجاي وش رايكم اخليها تكشف علي لأنها كل مره تقولي خليني أكشف بس

أنا أرفض تتوقعون إذا كشفت بطول ماولدت يعني ممكن أحصل الالم على الفاضي

وابيكم تقولون لي عن الأشياء اللي تساعد الرحم انه ينفتح وتسهل الولاده بعد الله

بس امانه اشياء موثوق فيها وبدعيلكم


تكفون ساعدوني ابغى احد يهون علي بعد الله على فكره انا بكر
Mقمة البرااااائهM
10-19-2010, 11:07 AM
حبيبتي الله يسهل عليج.....صعدي ونزلي الدرج 15 مره.....وكثري من شرب المرميه.....

الله يسهل عليييييج يااااقلبي..........
احفظ لي زوجي وعيالي
10-19-2010, 11:36 AM
انا اخر يوم لي في التاسع الاثنين الجاي
فيني االأام بس مومستمرة عطتني موعد الاثنين ونشوف شنهو بتسوي
وماراح يطلع الا في وقته تبخرتي مشيتي مافي فايدة
كلي ولهـ لعيونكـ
10-19-2010, 07:07 PM
مرحبا صبايا ماقصرتو بصراحه

بس والله الدرج ذبحني اطلع وانزل خمسين مره بحكم ان بيتي دورين يعني مو عمد

ومع ذلك مافيه فايده اليوم قالت لي وحده المساج يساعد على الولاده ويخلي البطن ينزل

وش رايكم بكلامها ؟؟؟

وهل صحيح ان شرب القرفه يفتح الرحم ؟؟؟

والتبخر بكمون برضو يفتح الرحم ؟؟؟
زهرة البنفسج
10-19-2010, 07:27 PM
الله ييسر لك وتولدين بالسلامه يارب انتي وطفلك تكونوا بخير
حبيبتي كلي رطب كثيييير ..وامشي ولاتاخذي محفزات طلق وربي يسهلها عليك وتبشرينا بولادتك بالسلامه قريب
كلي ولهـ لعيونكـ
10-19-2010, 08:17 PM
مشكورة حبيبتي بس الدكتوره محرصتني من السكريات تقول حاولي تبتعدين عنها

مع انه الحمدلله مافيني سكر بس مره وحده ارتفع وقالت لازم تاخذين احتياطك
daisy rose
10-19-2010, 08:27 PM
اختي .. اتكلي على الله ..
أنا موعد ولادتي بعد بكرا يعني الخميس وليومك ولا حسيت بشيء ..
يضيق صدري أحيانا الكل ينتظرني وأولهم زوجي بأسئلتهم ..
بكرا عندي موعد مع الطبيبة .. ولا ناوية أشتكي ولا شيء
حتى مانويت آخذ أي محفزات .. متكله على رب العالمين ومتى ماكتب الله
بأولد ..
كلي ولهـ لعيونكـ
10-23-2010, 06:33 PM
هلا فيكم من جد تعبت وانا أنتظر

خلاص مابقى شي بعد بكرا موعدي ولابينت اي علامات ياخوفي اطول أكثر

ويضطرون يعطوني طلق صناعي والله اعرف نفسي ماراح اتحمله

بس الحمدلله بطني نزل

ياربي هونها علي وعلى كل مسلمه انت ارحم الراحمين
آعشق آنفاسه
10-23-2010, 08:09 PM
الله يهون عليكي
ويسهل ولادتك والجميع يارب
كلي ولهـ لعيونكـ
10-25-2010, 09:08 AM
يسلمو خيتو

بنات وش الحل ؟؟؟

اليوم آخر يوم بالتاسع وهو موعد ولادتي ولابعد حسيت بشي

وإذا ماجتني الولاده بيكون عندي موعد الخميس الجاي وأشعه

بس انا خايفه من الطلق الصناعي موووووووووووووووووت

وش اسوي تعبت من التفكير احيان اقول مالي إلا اني اخلي الدكتورة تكشف علي

وتحرض الرحم يمكن يبدا معي طلق وتجيني الولاده قبل موعد الطلق الصناعي

تكفون بنات شورو علي

ابي تجاربكم مع الطلق كيف الالم ؟؟ وكم ياخذ وقت ؟؟؟