اول مرة اعمل طفل انابيب

[بسمات 6]

السلام عليكم ورحمة الله وبركاته ..
كيفكم اخواتي .. ان شاء الله الكل تمام ..

اعرفكم بنفسي متزوجة من 15 سنه .. زوجي عنده ضعف في العدد والحركة ..
طول هذي السنوات مافكرنا نعمل شي .. بروووود

المهم هذي السنة توكلنا على الله .. سوينا التحاليل اموري تمام ماعدا انبوب واحد مقفل ..
بدأت من هذا الشهر اخذت ابر منشطة لمدة 11 يوم
وقبل امس في الليل اخذت الابره التفجيرية .. واليوم الصباح عملة سحب البويضات ولله الحمد ..

دعواتكم حبيباتي .. وابغى نصايحكم من الاكل وغيره وعند الارجاع

واسأل الله العلي العظيم ان يرزقنا جميعا ذرية صالحة تقر بها اعيننا

[اتنفس هواك]

الله يوفقك ويرزقج بالذرية الصالحه

[NOoLlY]

مساءالخير
انصحج اختي في جلوس لا تجلسين علي الارض مرا
كثري الماي اكلج صحي وشغلج خفيف وقت اكل و تكرمين للحمام بس
و الله يوفقج حبيبتي و عطيج العافيه ...
و الله يرزقج بالذرية يارب

[bassouma]

أهلا بيك معانا المنتدى نور بوجودك
ربي يكتبلك الحمل في هذا الشهر
و يرزقك كل ما تتمنيه

[nour karim]

الله يوفقك حبيبتي وانشاء الله تبشرينا بالحمل قريبا واتمنى من البنات اللي عملو اطفال انابيب ينصحوك اعتني بنفسك واهلا وسهلا بك بيننا اختي

[بسمات 6]

منور بوجودكم ...
تسلمون يارب ويسعدكم ربي

[صغيرونه حنونه]

بالتوفيق حبيبتي
وياليت اعرف كم بويضه سحبوا منك

[بسمات 6]

اهلين اختي صغيروونه
تصدقين ماسألت hwaml72

انا بس صحيت من البنج اسمع الممرضه مداااام قووم بويضات كويس
شوي واطلع لا سألت ولا شي ..
فوضت امري لرب العالمين ..

قالوا بكره نتصل نبلغكم متى الترجيع!!! ليه يتصلوا ؟؟ كاني خفت

[ام ابراهيمم]

على خير ان شاء الله
الله يعطيكى ويعطى كل محروم

[سجود1]

موفقة انشاء الله
اهم شي بعد الترجيع الراحة التامة و اشربي سوائل و خصوصا الحليب و كلي اكل صحي ولا تكتري ااتوابل و الحار و لاتاكليالاكل و هو ساخن كتير و لا مشروبات ساخنة و خلي دايما حرارة جسمك عادية ابتعدي عن السخونة و البرودة و اهم شي الراحة التامة اذا امكن ضلي منسطحة على ضهرك و خلي حركاتك بطيئة الى غاية ييوم التحليل

[بسمات 6]

تسلمي اختي سجود 🌷

المهم حبايبي اليوم اتصلوا عليه وقالوا بكره ترجيع الاجنه ان شاء الله
وقالوا راح نحط لصق لتثبيت الاجنة ... اول مره اسمع فيه
مين عندها فكره عنه ؟!

ربي يسعد الجميييع 💐

[يآ أرحم الرآحمين]

الله يرزقك الحمل و ان شاء الله تنجح العملية تفاءلي خيرا

[بسمات 6]

اللهم لك الحمد تم اليوم الصباح ترجيع الاجنة 3 من الدرجة الاولى

اللهم اني استودعك مافي رحمي يامن لا تضيع ودائعه ..

دعواتكم حبيباتي 🌷

[jojo 123456]

الله يسر امورك وتبشريناا قريبااااااااا

[افنان الحربي]

الله يحقق امنياتك يا رب

[anoossam]

الله يثبت اجنتك ويفرح قلبك يا رب

[" ملاك "]

رددي ربي اجعل لي من امري فرجا ومخرجا وارزقني من حيث لا احتسب

الله يتمم لك على خير
وتبشرينا ب 3 توام يارب
ولدين وبنت
هههههههه
قولي آمين يالغلا

[بسمات 6]

امين يارب ..
جزاكم الله خير على الدعوات ..واسأل الله ان يحقق لكم ماتتمنون ..

عندي سؤال .. اليوم نزل مني دم فااتح على بني شي بسييييط لايذكر يادوب يبان بالمسح
ماادري شي طبيعي !!!

[اخت عبدالرحمن]

الله يثبت لك اجنتك ويفرح قلبلك بكلمة مبرووك انتي حامل ادعي واستغفري بنية الحمل وان شاء الله تبشرينا

[ملاك الليل]

ما شا الله ، الله يثبتهم وتفرحي فيهم
ما قصروا البنات أهم شي الاكل الصحي والراحه النفسية عندي اهم من الجسديه ، يعني لا تفكري كثير في الاعراض سبحان الله كلها ما تدل على شي لأن الاجسام تختلف ، وبعضها يكون من أثر الابر والابره التفجيرية ،وكلي أمرك لله وعيشي حياتك طبيعي بس بدون مجهود


الافرازات شوفي كلمي طبيبك يمكن يزود لك المثبت

وفالك الحمل ان شا الله

[فاطمة66]

انا صار لي تقريبا 12 ساعة من رجعو لي الجنين

الله يثبت اجنتنااا ياااارب ياكريييم

هذا المره الثانيه الي ارجع فيها جنين قبل شهر ماحصل حمل

دعواتكمم لييي...

[بسمات 6]

بنتفاءل بالخير اختي فاطمه ..
ويارب يثبت ويفرحنا ويتمم لنا على خير 🌸

[بسمات 6]

جزاك الله خير اختي ملاك ..
بكلم الدكتور واسأله .. وان شاء الله خير

[انثى تكره الظلم]

الله يفرح قلبك يااااااااااارب
طمنينا اختى على اخبارك اول باول
الله معكى

[ميمو حنونة]

الله يثبت حملك اختي ويباركلك فيهم. أمانة عليكي لاا تتعبي نفسك إرتااحي قد ماا فيكي هالفترة.

[بسمات 6]

تسلمون اخواتي ربي يسعدكم ..

يارب يتمم على خير وابشركم 🌺

[غسق فجر]

مِـآُشّـآُء آُلَلَهِہ‏‏ ربنا يتمملك ؏ خير ويفرحك حبيبتي "

[يآ أرحم الرآحمين]

ربي يثبت الاجنة يارب لا تنسي تخبرينا بجديدك

[تمنيتك بأحلامي]

الله يثبت اجنتك يارب وتبشرينا بالحمل
بالنسبة للافرازات البنية ماعليها خوف يقولون هذي علامة على انغراس الجنين بالرحم
بس لو نزل منك دم احمر لازم تكلمي الدكتور ولو تاخذين ابر مسيلة للدم او اسبرين توقفينهم الى ان يوقف الدم وتزيدي المثبتات>>هذاا في حال نزول الدم
ولازم ترتاحين
ممنوع صعود ونزول الدرج وممنوع الجلوس على الارض وتصلين وانتي جالسة
وممنوع الوقوف اكثر من خمس دقائق وممنوع الطبخ واي اجهاد وكمان ممنوع الجماع
عادي لو تستخدمي الابتوب بس ماتحطيه على رجولك او تقريبيه من بطنك
ومافي مانع لو تحركتي بين الغرف علشان ماتجيك جلطة لاسمح الله من كثرة النوم على السرير بس اهم شي لاتجهدين نفسك والله يتمم لك على خير

[بسمات 6]

ربي يسعدكم جميعا وجزاكم الله خير على الدعوات ..

من امس في الليل وهو اليوم العاشر احس بالام الدورة بزيااادة ..واحسها بتنزل ...
واحس الان نفسيتي تعبااانه وبس ابكي احاول اصبر نفسي ماني قادرة

يالله وكلتك امري ومن توكل عليك فانت حسبه .. يارب لا تخيب رجاءنا

[باكر احلى]

الله لايخيب رجاك حبيبتي شي طبيعي الالام اللي تحسين فيها باذن ربي تكون علامات حمل
الله يطمنك و يطمني و يفرح قلوبنا يارب

[بسمات 6]

امين يارب .. ولا يخيب رجاء اي وحده تتمنى الذرية

توكلنا عليك يارب ❤️

[بسمات 6]

الحمد لله من قبل ومن بعد

اليوم14 من الترجيع سويت التحليل الرقمي وطلع سالب .. فشلت العملية

بذلنا الاسباب والحمد لله على قضاءه وقدره ..

وربي يعوضني ويعوض كل محرومه

[miya 12]

الله يعوض عليك حبيبتي ويرزقك الذرية الصالحة ويصبر قلبك

[باكر احلى]

قدر الله وماشاء فعل
الحمدلله على كل حال
الله يعوضك بالحمل السليم يارب عاجل غير اةل