عطوني الحل

[أرجوان]

انا متزوجه في الرياض واهلي مو في نفس المنطقه والمشكله انو مو عارفه اسولف مع زوجي اكثر الوقت ساكته وما ادري ايش الحل ودايم يقولي سولفي وما عندي شي اقوله
انا مو موظفه وما عندي صديقات بالرياض ومو عاره ايش اسولف معه فيه ايش المواضيع اللي تسولفون فيه مع ازواجكم تكفون ردو لي مره متضايقه مع اني ماكنت كذا مرحه واحب اسولف بس معاه غير اكثر الوقت ساكته

[حلمي يايمه الأمومه]

سولفي عن أي شيء يصير وياج
آنا مثلآ أقول لزوجي عن أي شيء يعني مثلآ شنو شفت بالتلفزيون شنو قريت بالنت
مرآت نسولف عن قصص الأنبياء
وبحكم أني ماعندي أطفال أسولف له عن عيال خواني ونقعد نضحك
آتمنى أفدتج والأخوات مايقصرون يعطيهم العآفيه,,,,,,,

[خطاي إني وفيت]

أنا ذبحت زرجي بالسوالف أقوله عن طفولتي <<كنت ألعب مع الأولاد وماأحب البنات وطفولتي كلها مغامرات وهو يتحمس معاي ومو مصدق لأني تغير 180 درجه

وأسولف عن دراستي أيام الكليه _ عن فلم شفته _ وعن مواضيع بالنت _ حتى عن الطبخات _ مواهبي وميولي_ أيش الأشياء اللي أحبها واللي أكرهها _أو لما طلع وش سويت وأيش صار معاي

حتى هو تعود وصار يسولف
وإذا ماعندك سوالف حولي على تحقيق إسأليه هو عن طفولته ووش يحب ويكره

والله أحس مواضيع كثيره تقدرين تفتحينها وأنا مثلك متزوجه وساكنه بالشرقيه وأهلي بالرياض وماأعرف أحد بالشرقيه

بس نصيحه إختاري وقت مناسب وسالفه مناسبه عشان مايصرخ بوجهك ويقول أزعجتينا أو يقول إنك ثرثاره ...

طولت عليك بس وربي تحمست معك ..

[ياويل حاااالي]

عادي ياقلبي انا ادرس ولاجيت اقوله وش صار بالجامعه ولاطلعت اقوله عن كل شي يصير واساله انت شنو سويت وش قلت كذا يعني...
الله يوفقك ويسعدك وانشاءالله تجينا وتقولين زوجي يقولي انتي ثرثاره ماتسكتين كانك مااكله مسجل<<<<<ههههههههههههه فديتك يالغلا..
تقبلي مروري..

[هنادي تنادي]

الله يوفقكم

الصمت هو قتل للحياة الزوجية ومن أسباب الطلاق

العلاج سهل جدا جدا جدا

حياتي:

جربي ماقالت البنات .. وأحب ازيد : جربي تشاركيه بإهتماماته ..

يعني لو كان يحب الصيد مثلاً تعالي هنا أقرأي بموقع مكشات وغيره عن الصيد .. وقته الانواع السلاح الصقور ..أي شيء يتعلق بالصيد وداخلي معه ..

لو كان يحب السيارات .. أدخلي النت وأبحثي بعالم السيارات ..وهكذا ..

بعدها طبعاً وأكيد راح يكون مجلسكم ثرثرة وحكاوي بس أنتبهي لاتقاطعيه من كثر ماعندك من كلام ..

ربي يسعدكم.

[آية الهدى]

يمكن للحين ما اخذتي عليه عندي صديقة اول ايام الزواج حتى طلعة ما تطلع معه من كثر الخجل و للحين مو متعودة عليه لان في ناس يبغى لهم وقت عشان يتعودون على طرف جديد في حياتهم و مع الوقت بيصير الشي عادي بتسولفين بتتهاوشين

[قطرات ندى]

هههههههههههههههههه انا زوجي يقول كااااااافي سطرتين بسولف عننننننننننننننننننننننن كل شيء طفولتي اساله عن طفولته وييييييييييييييييييييييييييييييييييي كل شئ بالتوفيق غلاي

[شجون الروح]

عادي اختى بدايه الزواج كذاانا كنت على طول ساكته بس افدتني وحدة الله يجزاها خير قالت شوفي شنو ميوله وسولفي معه مثلا رياضه سياسه افتحي النت اطرحي مواضيع للنقاش تكلمي في اي شي لان السكوت يجيب ملل لزوج

[أرجوان]

الله يسعدكم والف شكر على ه الردود والمرور الحلو وادعولي تكفون

[سيدة الغرام]

عاد انا ثاثره احب اسولف معا زوجي ياقلبي
وامزح والعب وا هو يسولف ونخذ ونعطي بعض

[جولييت]

انا مثلك بالبدايه وتعبت ومليت وبدأت سوالفي بيومي من اجلس من النوم اقوله وش سويت الى الدقيقه الاخيره الي يدخل فيها البيت واهو كان مايسولف ابد وكنت اسأله عن دوامه وسوالفه مع ربعه بعدين بتشوفين السوالف بروحها بتطلع عن عيال خواتك واخوانك ومواقفهم وموقف يضحك صار فالتلفزيون ونكت وغيرها

راح تتعودين ياقلبي

[جنان الورد]

اني عكسك ياقلبووووووو

اني اجتماعيه وهو اللي ساكت
ودائما اهدر اليه عن حياتي وعن صديقاتي وطموحاتي

بس هو امزهقني من سكوته كاني اكلم الطوف

ههههههههههههههه

الله يعيني ويعينك ياقلبو