ولدت بفضل الله وجبت عبدالعزيز

[أماني]

الحمدلله حمدا كثيرا .. ولدت يوم اﻷحد 20 ربيع اول وجبت ولد قمر ماشاء الله ( عبد العزيز )..
قبله باسبوع كان فيني آلام طلق ولمن رحت المستشفى قالوا لي مفتوح 2 سانتي .. روحي البيت وامشي وشربي قرفة واذا زاد اﻷلم تعالي..
رحت وسويت مثل ماقالوا ورجعت بالليل يوم زاد اﻷلم ونزل دم .. قالوا كمية الدم شوية مو حق ولادة .. خخخ مدري ايش كانوا يبون .. نزيف مثلا..
رحت البيت وصرت امشي ولمن رحت لهم يوم ثاني قالوا سكر .. فعرفت ان الوقت مابعد يحين..
يوم الخميس كان شكلي يكسر الخاطر ووضعي جدا مؤثر .. بطني نازل تحت كلش..
يوم السبت من صحيت والآلام ذابحتني .. والمغرب خشيت اتروش الا حسيت بمثل مغص الدورة ونزلت مني قطعه دم .. طلعت وشبيت لي عود وشربت دارسين .. صارت الالام تزيد وصرت احسب لها كل ربع ساعة وشويات كل نص ساعة صارت .. الين الفجر صار الالم مايجي الا كل ساعة..
بعد صلاة الفجر بدت تتقارب اوقات الطلق .. نمت من شدة التعب .. وقمت الساعة 7.30 ..
رحت المستشفى على 9.30 قالوا مفتوح 2 وروحي البيت .. رفضت وطلبت تنويم على ماخلصت الاجراءات صارت الساعة 10.30 وحطوا علي تخطيط لمدة 45 دقيقة وكان فيه طلق بس ع قولتها بسيط..
صرت اقرا قرآن وادعي والطلق كل 10 دقايق وبعدين كل 5 دقايق..
ناديت الممرضة يمكن 10 دقايق او ربع ساعة وبالموت جات .. قلت لها ابي اقوم اتوضأ عسان اصلي الظهر بس مو قادرة من شدة اﻷلم .. فقامت كشفت علي وطلع مفتوح 8 ولله الحمد..
ودتني ع غرفة الولادة وبعدها قابلتني وحدة وقالت لي بتكشف عشان تشوف زاد او لا وطلع مفتوح 10 وعلى طول ع غرفة الولادة بدلوا لي ملابسي والقابله اللي ولدتني كانت لطيفة جدا .. والممرضة اللي كشفت علي في الغرفة ولقته مفتوح 8 ماشاء الله عليها ذوق وطيبه حيل ساعدوني لحتى ولدت الساعة 1.36 ظهرا ..
الحمدلله والشكر

[أماني]

طبها ولادتني كانت في مستشفى الولادة واﻷطفال باﻷحساء..
كل شي كان كويس ..
بعد الولادة اخذوني ع غرفة الانتظار الين ما ادخل الحمام عشان يودوني فوق..
والحمدلله دخلت الجمام طبيعي..
معاملة الممرضات اللي قابلتهم السعوديات والفلبينيات كانت حلوة..

ولدي بالليل صار يستفرغ دم واخذوه ع الحضانة فكتب له الدكتور غسيل معدة ورضعتين ويسوفون اذا ما استفرغ ثانية او لا ..
الاثنين الظهر جابوه لي بعد ماتشافى ولله الحمد..

طبعا كان احتمالات الاستفراغ..
99% انه شارب دم اثناء الولادة
1% نقص فيتامين k
هم يعطونهم حقنة فيتامين بعد الولادة بس بعض الاطفال يكون ناقص والجرعة ماتكفي..
طلع الاحتمال الاول وتماثل للشفاء...

انتهت قصتي ..
عقبالكم جميعا بهون وسلامة آمين..

[هدوء أنثي]

ماشاء الله تبارك الله

الحممدلله ع سلامتك وسلامت البيبي وربي يحفظه لك ياارب

[Future Mommy]

الف مبروووك
الحمد لله ع سلامتك والله يخليلك ياه ويحفظه الك

[amany26]

الحمد لله على سلامتك آلللف مبروك ويتربى بعزك وعز أبوه

http://forum.hwaml.com/imgcache2/hwaml.com_1421187673_976.jpg (http://www.gulfup.com/?ogxUeH)

[υм вtℓαα]

ماشاء الله
الف مبرؤؤؤك
يتربى بعزكم يارب
والحمدالله على سلامتك

[Kokii]

الحمد لله على السلامه ويتربى بعزكم اختي :)

[مريم بارمادة]

الحمدالله على سﻻمتك وعقبالي ان شاءالله

[أمنيتي طفل]

الف الف مبروك الحمد لله على سلامتك

نآويه اولد بمستشفى الولادة بالاحساء ،
الحمد لله طمنتيني من نآحيتهم ،

[شاعرة الصمت]

"بارك الله لك في الموهوب لك، وشكرت الواهب، وبلغ أشدهُ، ورزقت برهُ"��
اللهم أنبته نباتاً حسناً، واجعله قرة عين لوالديه واحفظه ، وبارك لهم فيه واجعله من أهل الصلاح والتقوى .��❤️❤️��

[بحــ العيون ــــــــر]

https://encrypted-tbn0.gstatic.com/images?q=tbn:ANd9GcQ_cx246ZpfSOgDA36z194aSvYe17pky-VMlKs7s2-L458_H6Ny4A (http://www.google.com.sa/url?sa=i&rct=j&q=&esrc=s&source=images&cd=&cad=rja&uact=8&ved=0CAcQjRw&url=http%3A%2F%2Fwww.zahran.org%2Fvb%2Fzahran14465 5.html&ei=xFC2VImqCoTOaL-igig&psig=AFQjCNHGwxdzj2_g4Zqmh6WRlZhzTVOH3Q&ust=1421320722768638)

[بحــ العيون ــــــــر]

https://encrypted-tbn2.gstatic.com/images?q=tbn:ANd9GcQ9jj0JU_ADb_-EXIdS7cwxYgT8zABcL87AmodkVU-XQJ2gL6zO (http://www.google.com.sa/url?sa=i&rct=j&q=&esrc=s&source=images&cd=&cad=rja&uact=8&ved=0CAcQjRw&url=http%3A%2F%2Fphotobucket.com%2Fimages%2Fbaby%2 520cake&ei=e1G2VLPAJ4mvaYeFgdAJ&psig=AFQjCNF2h8QqLWg3NdUVl-3tkPHgNjNVuw&ust=1421320871770803)

[الهنوف الشيخ]

ماشاء الله تبارك الله ..................الف الحمد لله على سلامتك والعقبى لنا ومبروك المولود

[أماني]

الله يسلمكم ويبارك بعمركم آمين
والعقبى للبقية ..

أمنيتي طفل .. هذا المرة الثالثة اللي أولد في نفس المستشفى ما شاء الله..
وبصراحة معاملتهم حلوة .. أسمع كثير يشتكون بس الشهاده لله ماصادفني منهم إلا كل خير..

[راجية الفردوس الاعلى]

الحمد لله على سلامتك

ان شاءالله يكون من الذرية الصالحة

[جوهره السعوديه]

الف الحمد الله على سلامتك

ويتربى بعزكم يارب

ولد صالح وبار فيكم يارب

[شجون الورد]

مشآءالله..
مبرووكك حبيبتي .. والف الحمدلله علي سلامتك.
يتربي بعزكم .


عقبآلي يآرب .

[ام مهند 2]

الف الحمد لله على سلامتك

والف مبروك المولود الله يجعله من الصالحين المصلحين البارين

[سما الخاطر]

حمداً لله على سلامتك ومبروك البيبي

[Om d7omy]

ألف مبروك
أنبته الله نباتًا حسنًا ورزق والديه بره

أنا ولادتي الاولى كانت بنفس المستشفى وكان رائع وتعامل اروع

طبعًا ولدت قيصرية وظليت عندهم 5 أيام

عناية واهتمام وأكل يفتح النفس ماشاء الله

[نبض الامارات]

الحمدلله على السلامه
ويتربى ف عزكم

[أماني]

الله يسلمكم ويبارك بعمركم جميعا امين
ويقر عينكم بشوفة البيبي وشوفة نبيكم ..

ام دحومي . بالفعل جميلة معاملتهم مدري ليه دايم يذمونه..

[حنو 555]

الحمدلله ع السلامه والله يبارك لك في عبدالعزيز وتشوفينه من حفظة كتاب الله

[حامل والاجر على الله]

الحمد الله على سلامتك يتربى بعزكم ويحفظه لك

[هنافي والزين وافي]

"بارك الله لك في الموهوب لك، وشكرت الواهب، وبلغ أشدهُ، ورزقت برهُ"��
اللهم أنبته نباتاً حسناً، واجعله قرة عين لوالديه واحفظه ، وبارك لهم فيه واجعله من أهل الصلاح والتقوى .��❤️❤️��

[:دلوعة الغالي:]

الف الف مبروك حبيبتي

والف الحمد لله على سلامتك

نآويه اولد بمستشفى الولادة بالاحساء
الحمد لله طمنتيني من نآحيتهم

عقبالي يارب بولاده سهله ميسره بكريه وخايفه