راح اخلص التاسع ولا هناك بوادر ولاده ساعدوني

[Ayat121]

السلام عليكم
يابنات احس خايه مررره انا مابقى الا ثلاث ايام واخلص التاسع
يوم الثلثاء اخلص شهري وللآن ماجاني طلق ولاده
مشيت كم يوم ونزل بطني تحت مررره واحس الجنين ضاغط بقوه احيانا مقدر اجلس لازم انسدح يضغط تحت
ولأني تركت المشي ثلاث ايام وبطني رجع صعد فوق
مشكله الجو مايساعد حق مشي برد وغبار

تتوقعو لو جى يوم الثلثاء وماجاني شي شنو يسوون لي المستشفى
هل عمليه قيصريه ولا طلق صناعي

مين مرت بتجربه مثل هيك شنو الحل لو ماجتني ولاده

والله مرعوبه انا بكريه هذا اول حمل لي
كل يوم ينتهي يزيد الهم بقلبي لأنو ماجاني طلق 😔

[أمنيتي طفل]

ي حبيبتي طبيعي البكرية تكمل التاسع كله ،
توكلي على الله اتوقع اذا طوفتي موعدك يعطونك
اسبوعين اذا م ولدتي فيهم يسوون لك طلق صنآعي
انتِ الحين ارتاحي و لا تشيلين هم
و ربي كاتب ان شاء الله ساعة ولادتك
يا رب تكون كلها سهاله و يسر
الله يتمم لك على خير
و تولدين بصحه و سلامة

[حامل والاجر على الله]

اكثري من الاستغفار ويارب ييسر لك ماعندي فكره انا مثلك بكريه ربي يسهل لنا

[Future Mommy]

يقولوا اكل التمر كويس ولازم تكتري مشي امشي وامشي وامشي ع قد ماتقدري
ولاتخافي مدة الحمل توصل ل42 اسبوع وهذا عاااادي جدا خاصة في اول ولادة

[جوهره السعوديه]

لاتخافي ولا تشيلي هم البكريه دايم تطول
بنت خالي مثلك عطوها يوم محدد تجي لانها خلصت التاسع
ماشاءالله تبارك الله اولدت قبل الموعد بيومين تقريبا

بس نصيحه كثري مشي صحيح الحو مره برد
انا بصراحه امشي في المجمعات ادفا شوي
الله يسهل عليك يارب ويسهل علي ونولد بصحه وسلامه

[ayato]

الله يسهل عليك لازم تمشي

[مــون]

سبحان الله ماحد يقدر يحدد موعد الولاده....ومانقول غير الله ييسر لك يارب

كثري المشي عشان تسهل الولاده مو عشان تولدي لان ماله علاقه ابد

ساعة الولاده الله يقدرها ومافي شي يسرع او ياخر

وزي ماقالو البنات امشي بالمجمعات والله ييسر لك ....وادعي لي انا بالاسبوع الثالث من التاسع

[غداف]

الله يسهل عليك يارب حبيبتي ﻻ تشيلين هم واشربي زيت زيتون خالتي مجربته وامشي كثير
وترا الجماع يفيد كمان
الله يسهل لكل حامل وﻻدتها

[شجن أمل]

الله يسهلك ويسهل لنا يارب