محتارين بجنس الجنين!!!!!

[ام البدرين]

بسم الله الرحمن الرحيم
السلام عليكم ورحمة الله وبركاته

كيفكم يا بنات والله اشتقت لكم كثير
انا سافرت لاهلي من الشهر الثالث الى السادس وخلال السفره كنت اراجع مع دكتوره وقالت لي بالرابع ان حملي بنت

وبعد ما دخلت السادس وجا وقت السفر قلت بتطمن على وضع الجنين قبل السفر
وبالفعل رحت لدكتوره ثانيه لان دكتورتي الاوليه سافرت
وقالت واكدت لي من بعد علم الله طبعا انها بنت

ولما رجعت من السفر خذت موعد مع طبيبي طبعا اللي يتابع حملي من اول
ورحت وكانت الصدمه يوم قالي ولد
قلت كيف قال اللي اشوفه انه ولد ورجع وقال مو واضح وبعدها قال احتمال ولد انا استغربت هالتناقض بكلامه
انا راضيه بكل شي يرزقني به ربي بس نفسيا تعبت لاني ما اعرف وش جنس الجنين للحين

بنات من صار معها كذا والله نفسيا تعبااانه ساعدوني تكفون

[rose]

حبيبتي طيب خليهم يسوولك تصوير رباعي الابعاد مرررررة يبين
ودقيق

[ام البدرين]

هلا بك اختي الغاليه روز
والله نصحتني وحده من صديقاتي
بس زوجي قال ليش انتي مستعجله وخايفه
خليها على ربك واصبري للموعد التالي واذا ما عطانا الطبيب جاده رحنا لمستشفى خاص

انا من جد تعبانه
وخاصه تجهيزاتي كلها لبنت وفوق هذا ابي ارتب شنطه المستشفى
بحملي الاول جهزت من الرابع بمجرد عرفت انه ولد
وهالحمل نفس الشي لان دايم الدكتور يقولي انتي ولادتك ممكن تكون مبكره عشان الكالسيوم عندك مررره منعدم والعظام ما يتحمل وتحري للولاده من الشهر السابع
وانا اجهز بدري لاني اتعب جدا بالشهور الاخيره خاصه من ادخل السادس ما اقدر اتحرك ابد

ربي يعين الله يصبرني للموعد الجاي

ادعولي اخواتي الغاليات

[rose]

ربي يوفقك ويتمملك ع خير
حاولي مع زوجك زي ماذكرتي هنا اعراضك تكلميه وتعاليله باسلوب حرام مجهزة وكله
وهي مرة وحدة نتعب ونرتاح
ومن دا الكلام
وربي يوفقك وييسر امرك

[اميرة الخيال]

الله يسهل ام الله امرك يالغاليه ... يعني لو محتاره اشتري ملابس موحده بعدين لو جاء بدنيا ان شاء الله اشتري ياازرق او بنبي ...

[ام البدرين]

روز الله يفرج همك يارب ويرزقك كل ما تتمنين قولي امين
اللهم امين والله انك بردك ريحتيني وحسيت ان احد متفاعل معي

[ام البدرين]

هلا بك اميره الخيال
الله يجزاك كل خير اختي بس انا اول ما قالو لي انها بنت وتاكدت رحت اجهز
والله ما همني التجهيز كثر ما همني التناقض والحيره اللي اعيشها
شمعنى هذا اللي مو واضح انا خايفه كثير
لان الحمل الاول بين على طول الحمدلله

[•.ღ˚نور˚ღ.*•]

سلام ام البدرين

اللي يجي من ربي كله خير وبركة,, وكلامك صراحة يزعل كثير

(والله ما همني التجهيز كثر ما همني التناقض والحيره اللي اعيشها
شمعنى هذا اللي مو واضح انا خايفه كثير)

يعني ايش اللي يخوف بالموضوع؟؟ اكيد يابنت يا ولد.. والاكيد ان البيبي متخذ وضعية

صعب يعرفوا من خلالها جنسه ,, الواحد مايبغى الا انو ربي يرزقه البيبي سليم معافى

بغض النظر بنت ولا ولد كافي هالنعمة من رب العالمين ولله الحمد والمنه..

[ام البدرين]

هلا بك اختي نوره
انتي بالاساس فهمتي كلامي غلط
بالاول والاخير اللهم لك الحمد والشكر على كل شي انا ما اعترض على حكمته سبحانه
بس اللي يخوف بالموضوع واللي اتمنى ما ينحط اي احد بمكاني فيه ان الدكتور بدا متردد ومو واثق بكلامه وتشخيصه بالتالي انا خفت ان الجنين به عيب او اي نقص اللهم نسالك العفو والعافيه وتمام الخلقه بلا زياده ولا نقصان لي ولكل حامل ويرزق كل محروم ومحرومه اللهم امين

فرجاءا لا احد يفسر كلامي بموضوعي اني معترضه على حكمة رب العالمين ابد انا قلتها من قبل بالردود واكررها راضيه بكل ما يكتبه الله لي واحمده واشكره على كل شي

[•.ღ˚نور˚ღ.*•]

ان شاء الله خير والواحد يحسن الظن بربه ويتفاؤل وربي باذن الله بيكون عند حسن ظن عبده به

عموما فيه تصوير للتشوهات اسمه morphology انا بسويه الاثنين لو ربي كتب لنا عمر

تقدري تسوينه وتتطمنين ..

[~~لحن الحياة~~]

حبيبتي عادي بتصير دائما وكلي امرك لله
انا اختي كانت حامل والدكاترا كلياتون اكدولا انها حامل ببنت وجهزت جهاز بنت وعند الولادة كانت المفاجأة انها خلفت ولد والحمدلله على كل حال ربنا وحدو هو العالم بما في الارحام وهلأ بجنن سمتو عمر عقبال عندك حبيبتي
تقومي بالسلامة انت والبيبي

[•.ღ˚نور˚ღ.*•]

ام البدرين ,, حاولي تهدين نفسك ياقلبي وشوفي التصوير اللي قلت لك

وتاكدي ان هالبيبي بوداعه الرحمن وحفظه سواء بنت او ولد وربي عند حسن ظن عبده به

ولاتوتري نفسك بخصوص هالشي وطمنينا عليك قريب..

[النار الباردة]

عااااادي ليش تحتارين يابنت الحلال مردكـ بتولدين وتعرفين شنو هو ولد ولابنت

حتى لوعرفتي الحين شنو جنسه احتمال يخطأون سبحان الله

ومن ناحيه التجهيزات جهزي الي تناسب الجنسين وبعد الولادة كملي الباقي

انا الحين بالسابع ولاعرفت شنو الي في بطني بخليها مفجأة احلى

وبفرح الصراحه بالولد وبالبنت وانا بكريه توكلي على الله

[ام البدرين]

توأم كوكي
نوره
النار البارده
الله لا يحرمكم الاجر ويرزقكم الجنه اللهم امين
اشكر اهتمامكم وردودكم غالياتي

[الأمل الجديد]

اختي وسعي صدرك وريحي بالك , مدري شفيهم المستشفيات صايرين يخربطون كثير بجنس البيبي والله كل الحوامل الي بالعايله قالو لهم شي بالشهور الاولى والشهور الاخيره صار العكس وكل خلال هالسنه , اهم شي الصحه والعافيه وان الله يتمم لنا على خير ونشوفهم بصحه وتتسهل ولادتنا يارب ياكريم

[ام البدرين]

الامل الجديد شفتي عاد البلى انه طبيبي اللي ماسك حالتي من يوم حملي الاول ومتابع كل شي معي بسبب مشاكل كانت عندي بالرحم واللي قهرني حسيت الحين مو واثق باي كلمه يقولها وتردده اللي ذبحني
الله يعين بس

ربي يوفقك يالغلا

[ranim]

الله يريح بالك أختي أم البدرين ويرزقك الذرية الصالحة السليمة المعافية

أنا في الشهر الخامس والحمد لله والحين ماأعرف شو عندي بنت ولا ولد, المهم يكون سليم معافي من كل عاهة أو بلاء ويكون سليم بدون زيادة أونقصان

اللهم آميييييييييييييين

الله يطمن بالك ويحفظ جنينك من كل شر ، أكثري من الإستغفار ومايكون إلا اللي كاتبه الله .

[ام البدرين]

رنيم ربي يرزقك اياه طفلا سليما معافى حسن الخلق والخلق ويجعله بارا بك وبابوه ويسخر له خلقه
اللهم امين
جزاك الله خير يالغاليه

[منتظره]

اختي ام البدرين لاتشيلين هم

انا بالسابع والى الان ماعرفت جنس الجنين

واحس اني زيك ودي اعرف بس هم ارجع واقول الي يجي من الله

انا راضيه فيه صحيح انا اتمنى بنت

لكن خلاص هيئت نفسي لااثنين سواء ولد او بنت اهمو شي السلامه

وتجهزايتي راح اخليها موحده

الله يهون عليكي يارب

[ام البدرين]

اختي الغاليه منتظره
ربي يفرجها عليك ويرزقك العطاء الصالح السليم المعافى ويرزقك ما تتمنين بلا زياده ولا نقصان وانا وكل حامل ويرزق كل محروم ومحرومه اللهم امين
تسلمين اختي عالكلام الراقي والرائع