ساعدوني في مشكلة صديقتي

[نونة البحرين]

السلام عليكم و رحمة الله و بركاته
انا لي صديقة عملت عملية اطفال انابيب
و الحمد لله نجحت بس قبل اسبوعين حست بألم و نزل شوي دم
و راحت على الطوارئ عملو لها سونار و قالو لها البيبي وضعه تمام
رجعت بعدها بإسبوع على عيادة المتابعة و خبروها ان البيبي فوق
في الجهة اليمنى للرحم و مكانه مو طبيعي و حولوها للجناح علشان
عملية تنظيف او اجهاض اضطراري لكن عملو لها سونار وقالت
لها الدكتورة البيبي فعلاً موجود و ما في اي شي غير طبيعي
المهم طولت عليكم بس المشكلة امس عملت سونار عندي اخصائية
اشعة قالت لها البيبي لازم ينزل لأنه بيكون طفل غير طبيعي اذا استمر
و الله هي محتارة تصدق كلام من فيهم؟
انا محتارة معاها ليش كل دكتورة رايها يختلف عن الاخرى
على فكرة هي وقفت كل انواع الادوية و المثبتات صار لها اكثر من اسبوع
و لحد الآن ما نزل عليها دم و لا شي
شنو تنصحون صديقتي تسوي ؟

[أمل.]

سبحان الله ،، ربي يكتب لها الخير يارحيم،،، لاتستعجل ،، تروح لافضل دكتور في البحرين وتشوف يارب خير ويطمن قلبها.

[حياتي توأمي]

شيء غريب

وكيف عرفت انه مش طبيعي !!!!

حسبيالله عليها

حبيبتي قولي لصديقتك لاتستعجل وتجهض وتسمع كلام هالطبيبه اللي تقول نزليه اصلاً الجنين الحين بحبة أرز يعني مايبان الحين اذا كان مشوه او اي شيء ثاني كيف هي قررت هالشيء الجنين لسه بعده ماتكون كيف حددت هالشيء

استغفر الله بس فعلااا انقهررت

صديقتك تعبت واطفال انابيب مو شيء سهل والحمد لله صار حمل يعني لاتفرررط فيه

ولاااازم تراجع اكثر عن طبيبه للاطمئنان مع اني متأكدة امورها تمام ان شاء الله

وبخصوص نقط الدم هذي طبيعي تاخذ مثبتات مع طبيبه شاطره وخلاص

كثير حوامل تنزل عليهم هالنقط ومايكون منها خوف بما انه مو مصاحبها وجع وآلام

الله يتمم حملها ويثبته لهااا يارب

[نونة البحرين]

البيبي حاليا عمره ١٠ اسابيع و الدكتورة قالت لها
اذا ما نزل البيبي لازم تسوي عملية علشان يجهضونه
قلبي يتقطع عليها لأن كنت معاها و شفت البيبي يتحرك
و الله مادري شنو الحل و الدكتور اللي عمل لها عملية
اطفال الانابيب مسافر و ما بيرجع إلا بعد شهرين
ثلاث طبيبات و كل وحدة كلامها غيييير
و الله صرنا لعبة في يد الاطباء

[ربي رحيم]

البيبي حاليا عمره 10 اسابيع و الدكتورة قالت لها
اذا ما نزل البيبي لازم تسوي عملية علشان يجهضونه
قلبي يتقطع عليها لأن كنت معاها و شفت البيبي يتحرك
و الله مادري شنو الحل و الدكتور اللي عمل لها عملية
اطفال الانابيب مسافر و ما بيرجع إلا بعد شهرين
ثلاث طبيبات و كل وحدة كلامها غيييير
و الله صرنا لعبة في يد الاطباء

Khaliha tsali salatistikhara o rabi howa li ya3lam khir o lryb ana sar li nafs mochkil o lahmdu li allah ana bidn rabi fi chahri 9 atmana men rabi ykateb liha li fih lkhir inchaa Allah

[حوريه السعوديه]

لاتنزله ولا شي حسبي الله ونعم الوكيل. لو فيه تشوه راح يطيح من نفسه
وبعدين ماتكون الجنين عشان يتشوه. خليها تشرب حليب مع ملعقه نشا عشان يثبت وتستودعه رب العباد وان شالله يكون سليم بس خليها تستشير كذا طبيب

وطمنينا عنها

[احساس نعومة]

للأسف صارو الناس لعبة بيد الاطباء ,,

خليها تروح مستشفى ثاني وتشوف ,, وربي يسهل عليها ويثبت حملها ويقدر صبرها وتعبها ....
ان شاء الله مافيها الا العافيه

[لاجئة إلى الله]

السلام عليكم ورحمة الله، يا أختي في الله إستخيري الله وسوف يدلك على القرار الصواب.

[بلقيس محمد]

الله لا يحرمها ياااارب
ويطلع سليم
اختي روحي عند الدكتوره حكيمه الهاشمي
عيادتها على شارع البديع شاطره
توكلو على الله ان شاء الله يكون وضعه زين

[غلااااتي]

خليها تروح دكتوره ثانيه وشاطره
ولا تقولها شي بس فقط تقول حامل وابغى أتابع عندك حملي
وتشوف اذا فيه مشكله الدكتوره بتخبرها وإذا لا وقالت كل شي سليم معناته الحمدلله
والله يفرحها بشوفته سليم معافا