الاستحمام بعد ترجيع الاجنه ..؟

[راسيل]

السلام عليكم اخواتي الغاليات

عندي مشكله بسالفة الاستحمام �� بعد الترجيع وبحثت في النت لقيت الاغلبيه ينهون عن الاستحمام لانه يضر على الاجنه وتفشل العمليه ....
هل هذا صحيح؟

وياليت الحوامل يفيدونا اللي تجاربهم نجحت ..

لانه مو معقول اجلس اسبوعين ما أتحمم ��
انا متعوده اتحمم في الاسبوع من 3الى 4 مرات
في عملياتي السابقه تحممت وكنت اندم واتضايق بس كمان الواحد مايقدر يتحمل ...
افيدوني ياخواتي ..
اليوم انا ثالث يوم من ترجيع الاجنه
ودي اخذ دش بس خااااااااايفه ..��

[طفلتي حبيبتي]

حبيبتي الله يثيت اجنتك وتفرحي بشوفتهم بين ايديكي
بالنسبه للاستحمام اتوقع عادي بس الماي تكون فاتره
موفقه حبيبتي والله يرزقنا جميعا ولا يحرمنا

[راسيل]

امين يارب
والله محتاره خايفه ومتردده ��

[حياتي توأمي]

ادخلي هذا الرابط وان شاء الله تستفيدي

http://forum.hwaml.com/t258979.html

[الأمورة سوس]

ياختي استحم لكن ع سريع و يكون الماي فاتر و توكلي على الله لان كل شي بيد الله لو تطيح اذا راد الله يثبت يثبت هاي
فقط احترازات لكن حنا بنحاول فقط
و الدكتورة بيقولو عيش حياتك لو بيثبت الحمل بيثبت من اول الترجيع والله يتمم عليك بالخير

[راسيل]

مشكورات حبيباتي بس
مازلت محتاره طيب وين البنات اللي حملوا ؟ تحمموا واللا لا ؟

[برحمتك ربي]

ياقلبي استحمي عادي زي ماقلتلك تجاهلي العمليه
استحمي واستشوري واطلعي عادي جدا
لانسمعي تهاويل البنات الي هبلوا فينا
ومنعونا من الحركه ويبون نصلي جالسين
وماناكل شي !!! وقائمة ممنوعات تطول
ههههههه. ابد حماما الهنا بس لاتطولي مره

[راسيل]

hwaml84hwaml84hwaml84


مشكووووووره ياقلبي
الله يتمم عليكي حملك ،، آمين

والله جننوني البنات في النت وين مابحث يحذرون من الاستحمام بعد ارجاع الاجنه
الله يسامحهم

[حلمي في طفل]

حبيبتي خذي راحتك انا عملتها ومنعت نفسي من كل شيء
مثل ماقالو البنات وحركتي قليله بس مانجحت العمليه الحمدلله
اشربي حليب كثير وكلي الي تبينه واطلعي واتونسي
قريت قصص لعضوات في منتدی ثاني وكانو كل شي يسونه ووحده منهم كان يصير جماع بينهم علی خفيف وجابت ولد بس بعد 9 عمليات انابيب

[مسرة الخالدي]

امشي على كلام طبيبك
ولا تمشي على كلام اي شخص
لان هي ادرى بحالتك و وضعك
وكل وحدة تختلف عن الاخرى
من حيث التكوين الجسماني وكمية افرازها للهورمونات
وحسب العلاج الي يكتبها طبيبها او دكتورتها قبل وبعد الترجيع
طبعاً بعد إذن رب العالمين إن شاء الله يثبتوا أجنتك
بس استغفري ربك كثير مع الدعاء وقراءة القران والصدقة
ربي يرزقك ويرزق كل منتظرة امين يارب

[hno00]

راسيل اناا سالت الدكتوره زينب عن كل الاسئله هذي مثل الاستحمام النشاء الحليب والكلام اللى يقلون قالت لا تصدقين كل هالكلام وخلى حياتك طبيعيه جداً بس اهم شي التوتر و الراحه و عدم الاثاره فهمتنى عساس ماينقبض الرحم عندك
هذا اللى وصلنى والله اعلم

[راسيل]

الله يجزاك خير ياقلبي وربي يسهل عليك وتنجح عمليتك ونفرح بحملك يارب ،،آمين
خلاص بعيش حياتي واريح نفسي وربي يرزقنا جميعاً ياااااااارب ..

[توفيا]

والله حبيبتي انا نفسكم انابيب وقبل اروح الطبيب خذيت شور لكن للامانه بعد الترجيع بخمسة ايام استحميت لان يفضل مو اول الايام لان المياه الساخنه موزينه والحين انتي بشتا التزمي الراحه لاحقه علي الشور انطري كلها كم يوم ويصير الوضع طبيعي والحمدلله هذا انا الحين انتظر ولادتي ادعوا لي بالسلامه 😧

[أملي_بالله]

عن نفسي ماتحممت كلش
مع انه الدكتورة قالت لي من ثالث يوم بس خفت

قمت اصحى من النوم و اغسل اباطي بصابون و احط ديودرنت
و اغسل من تحت و خلاص
لمدة اسبوع
طبعا قعدت في بيت اهلي عشان زوجي
و بعد اسبوع دخلت الحمام و قعدت على كرسي و اختي غسلت شعري و انا تحممت عالسريع
و لما طلعت بالليل نزل مني دم كثير و خفت كلمت الدكتوره عطتني حبوب تثبيت و الحمدلله وقف بعد ثلاث ايام

نصيحه لج لا تجازفين انتظري شوي ماجت على اسبوعين

[بلقيس محمد]

كل شي مقدر ومكتوب
الله يوفقك ياااارب

[ملاك الليل]

أنا ما تحممت أول ثلاث أيام ، وكنت ناويه أسبوع بس ما قدرت :)

تحممي وأنت جالسه ع كرسي والماي مايكون حار يعني بين بين وأول ما تطلعي من الحمام خوذي كاس ماء بارد ،، هذا اللي سويته ، وفي النهاية ما صار حمل

الطبيبه قالت لي عيشي حياتك روحي وتعالي واكلي اللي في خاطرك ، بس لازم نسمع كلام البنات ما أدري ليه :(

[نونة البحرين]

انا تحممت بس بعد مرور اسبوع على العملية
لأن الدكتورة خبرتني ما اتحمم و السبب ان حرارة الجسم
تتغير وقت الاستحمام و يأثر على الدورة الدموية
و كنت استحمى وانا جالسة و نجحت عمليتي
و صديقتي استحمت من ثاني يوم حست بدوار
و انا اعتمدت كلام دكتورتي

[طيور الجنة]

انا لما عملت تلقيح ما استحميت خالص ههههههههه مدة 15 يوم مع انو الدكتور قال ممكن تستحمي بس بماية مش سخنة و ما تاكلي شيء سخن كتير .
الله يثبت اجنتك و يفرح كل محرومة

[راسيل]

مشكورات حبيباتي على النصائح
انا اتحممت امس وتوكلت على الله لان نفسيتي تتعب اذا ماتحممت اتضااااايق كثييييييير في كل محاوله للحقن المجهري اقول ماراح اتحمم وماقدر اصبر ثلاث ايام

الله يرزقنا من فضله ...

[Prestige95]

عادي اتحممي حتى من اول يوم لان ماله اي اساس علمي وحتى بحثت في مواقع الاجانب مافي وحدة تكلمت عن هالموضوع كل هذي خرافات لو صحيح ماكانو الاجانب حملو من الاطفال الانابيب احنا يخترعونها الجهلاء عشان نقعد نوسوس .. الجنين يكون داخل الرحم يبقيه في درجة حرارة معينة سبحان الله ماله علاقة بالظروف الخارجية وهذي وظيفة الرحم يحمي الجنين من اي تغيرات في درجة الحرارة الجسم سواء حرارة او برودة فليطمئن قلبك

[راسيل]

الله يجزاك خير يا 95 prestige
بس غصب عنانصدق الجهلاء وغيرهم بسبب العمليه وتأثيرها علينا النفسي والعضوي والماااااااااادي صارت تجاره حتى تخفيض مايسون الله يغنينا عنهم ...
ومشكووووره على النصيحه ياقلبي ..

[متفائله خير]

انا عن نفسي تحملت الاسبوعين وما خذيت الشاور علي السريع الا بعد النتيجه واكثري من السفرجل وحليب مع نشا وابتعدي عن الامساك وابعدي عن الجماع والبهارات والاشياء الحاره تتحركين لكن شوي انتبهي من صعود الدرج والنوم علي البطن مضر لاتصارخين والله يكتب لج الحمل حبيبتي

[راسيل]

حبيبتي متفائله خير انا سويت كل الممنوعات اللي قلتيها
واليوم لي 13 يوم من ارجاع الاجنه وعايشه حياتي عادي
ربي اذا أرد بحمل واذا ماراد ماراح يثبتون ..

والله يرزقنا من فضله .
ومشكوووووره على النصيحه ..