ردو علي الله يجزاكم خير تعبانه حيل

[حرم الشيخ محمد]

بنات تكفون انا منهاره من كثر مابكيت

موعارفه ولافاهمه وضعي

انا الخميس تقريبا نزل معاي دم بني خفيف
عملت تحليل هرموني طلع800 وفوق
وقالت لي الدكتوره تعالي بعد يومين عيدي التحليل نتاكد
من زياده الحمل
اليوم نزل معاي دم الساعه تقريبا10 رحت للدكتوره وسوت لي
تحليل هرموني مره ثانيه وباجر يطلع
لما رجعت للبيت الدم موراضي ينقطع وبطني ذبحني المغص
نفسيتي تعبت كل شوي اروح للحمام اشوف خف الدم نزل معاي شي غريب
الا قبل شوي رحت ونزلت قطعت لحمه موو كبيره حيل صغيره بس انها قطعت لحمه
مارميتها علشان اخذها للدكتوره
سؤالي بنات بيوم انزف ونفس اليوم ينزل الجنين؟
والتحليل باجر اذا نسبته عاليه معناته في حمل؟ ولا نزلت النسبه كيف يكون الوضع؟

[amany26]

عليك بالراحة التامة حبيبتي وحطي وسادة تحت رجليك شوفي الإجهاض دمو ما ينقطع و كثير بنات نزل معاهم دم وإستمر حملهم فما تخافي إن شاء الله تضاعف النسبة ونسبتك ماشاء الله ممتازة بس إنت كم صارلك حامل ولش ما وصفتلك مثبتات

[حرم الشيخ محمد]

انا اخر دوره لي٢٩/١٠ ميلادي

قالت ماقدر اعطيج مثبتات الا لما انتاكد من وجود جنين بالرحم

[حرم الشيخ محمد]

لان الجنين مابين للحين

[غصن_البان]

الله يطمن قلبك وتتضاعف النسبة. لان تضاعفها معناه الحمل مستمر وبخيرالمهم انك لو طمنت على النسبة خليها تعطيك مثبت
انا مريت بنفس تجربتك نزل عليا دم واخدت مثبتات وظل فترة ينزل بشكل خفيف لين وقف الحمد الله
فحاولي تهدي نفسك وترتاحي وكلو بامر الله

[amany26]

هدي حالك حبيبتي وعليك براحة إنت في الأسبوع الخامس الله يثبت حملك ويفرحك بشوفتو سليم معافى ما تنسي طمنينى عنك

[حرم الشيخ محمد]

الله يجزاكم خير ردكم يريح

لكن ابيكم تفهموني بليز يعني انا سحبو مني تحليل الهرموني
ورجعت للبيت نزلت معاي قطعه
يبين بالتحليل باجر ولا لازم اعمل تحليل ثاني بعد نزول القطعه؟؟

[Um sara1]

اولا الله يريح بالك لاتتوترين وتوكلي على الله

على فكرة زميلتي كانت تنزل عليها قطع دم باستمرار وكانت جاهلة بالحمل حتى ماستخدمت مثبتات وربي رزقها احلا توأم ماشاء الله

احتمال هذي اعراض نزول مشيمة مش اجهاض وان شاء الله يستمر الحمل وتفرحين فيه بس انتبهي على نفسك والتزمي الراحة التامة وتعالي طمنينا بعد التحليل

بس بسألك حسيتي مغص شديد او الام مفاجئة ؟

[حرم الشيخ محمد]

هلا حبيباتي

تحليل الهرموني من ٨٠٠ الى ١٦٢

تقولي الدكتوره قاعده اسقط

وعطتني حبوب تنزل بقايه اذا كان فيه جنين

بس ماصرفت علاجها مادري ليش

الحمدلله ع كل حال هذا ثالث تسقيط

يعوضنا ربي خير

[جنون الحب]

الله يهدي بالك ويعوضك بالأحسن حاسه فيك لاني مجربه
بس انا جلس ينزل علي قطع دم شهر كامل بالبدايه خفيف بعدين صار كبار لدرجه من الثقل ملابسي تطيح ع الارض ونزل الدم عندي
خلاص انتي تقريبا أجهظتي اصرفي العلاج اللي عطتك الدكتوره علشان لايسبب لك التهابات او تسمم
ربي يعوض عليك يارب

[^^Pretty mama]

يا حياتي ربي يعوضك خير
و ترا اغلب الاسقاطات في الاشهر الاولى تكون اجنه مشوهه
خيره باذن الله
و اللي رزقك بالحمل يقدر يرزقك بعشره ..

[مسرة الخالدي]

انا اخر دوره لي29/10 ميلادي

قالت ماقدر اعطيج مثبتات الا لما انتاكد من وجود جنين بالرحم


اختي انا اخر دورة لي كانت مثلك 29 / 10
وبالاسبوع الرابع سويت تحليل هرمون وكانت نسبته عالية
لكني كنت اشوف دم خفيف والدكتورة من يومها كتبتلي مثبتات على شكل ابر
وللحين أخذ المثبتات وتقريباً قبل 3 ايام وقف الدام
وقالت لي لازمي السرير والراحة التامة
كان لازم دكتورتك تكتبلك مثبتات بعد ما سويتي تحليل الحمل
بس إن شاء الله ماأجهضتي ويثبت الجنين ويتمم ربك على خير
اذكري الله ولا تخافي ولا تتوتري وربك ماراح يتركك

[غصن_البان]

الله يعوضك بحمل سليم تام عاجلا غير اجل

[Um sara1]

يابنت الحلال وسعي صدرك الله سبحان مايكتب لعبده الا كل خير

انا مابواسيك لانك ان شاء الله انسانه ايمانك قوي وثقتك بالله عالية

بس ودي تبدين تسوين متابعة لمعرفة سبب الاجهاض المستمر في مركز سمير عباس

وان شاء الله الحمل الجاي تفرحين بضناك وتفرحينا معاك

[أم مهند@]

الله المستعات

اسال اللع العظيم

[جرح البعاد]

حبيبتي اجهضتي 3 مرات لازم تكشفي وتسوي تحاليل وتعرفي السبب وتتعالجين منه يمكن عندك اجسام مضاده وهاذي تستدعي انك تاخذين ادويه وقت الحمل ابر مسيله للدم وكورتيزون وبيبي اسبرين وراحه عشان مايتكرر اجهاضك

[ام ديووومه]

الخيره فيما اختاره الله روحي دكتوره ثانيه تاكدي قبل اي شي

واذا كان فيه خيره بيتممه لك ربي وان اجهضتي شفيع لك وبيرزقك ربي بافضل منه لاتهملين نفسك واعرفي الاسباب قبل اي حمل ولازم فتره بين الحمل ع الاقل ثلاث اشهر تفقدينه باوله ولا اخره


انا توفى ولدي باخر التاسع دخلت العاشر كنت انتظره بفارغ الصبر التف عليه الحبل السري كنت اكل مثبت وتعبت بولادته وطلق لاكن قلت ماخسرته ربي اراد لي شفاعتهوعوضني الله الان ببداية حملي يااااارب لاتضيع للمسلمات تعب


يسر امرهم واكتب لهم الخيره