خايفة على الجنين الوسواس ذابحني

[المسكـ]

السلام عليكم جميلاتي
مشكلتي يابنات من يوم عرفت اني حامل وانا في حالة وسواس مايعلم فيها غير ربي
تجيبني افكار أعوذ بالله معرف من وين وكل شوي اقول لو صار في الجنين كذا لو طلع فيه كذا
انا الحين في الشهر الثاني على اول الثالث الحمدلله
اول مشكلة عندي ماحسيت بوحام غير بالبداية الآلام دورة ومغص خفيف ولوعة خفيييفة جدا والدكتورة اعطتني حبوب للغثيان مااخذت منها ولا حبة لاني ماحسيت بشي ماشاءالله اكيد بعضكم بتقولون احمدي ربك.. الحمدلله والشكر الف مرة بس لما قريت مواضيع بالنت خفت لكن الحمدلله رحت للدكنورة وشافت وضع الجنين كويس الحمدلله وسمعت النبض وتطمنت
المشكلة الثانية قالت لي الدكتورة عندك جرثومة بالدم ولازم اعادة تحاليل استغربت من كلامها كيف جرثومة وهي ماسوت لي تحليل دم غير اول مرة وقالت كل شي سليم عندك
المهم سويت التحليل وكنت اتنظر على نار وبحثت بالنت عن جرثومة الدم وزراد الطين بلة باللي عرفته من تشوهات وموت الجنين لاسمح الله رحت لها اليوم الثاني قالت تحاليلك سليمة مافيها شي
طيب ليه من اول قلتيلي وخوفتيني المشكلة الى الحين مو متطمنة وخايفة ع الجنين هو اول حمل لي بعد سنة و8 شهور وتعلقت بالجنين كثير
الحين انا يابنات ماحس بوحام غير الخموول والكسل وماودي اشتغل بالبيت بس الكسل فيني من قبل الحمل هههه بس زاد
غير كذا نومي طبيعي مازاد بالعكس احيانا مايجيني نوم ومافي غثيان ولادوخة ولا اشتهيت اكل معين ولا شي من اللي اسمعه غير لوعة بسييييطة واحيانا مافي شي كأني مو حامل طمنوني بنات من صار لها مثلي

واخر طلب اللي يعرفون دكاترة كويسات بالرياض وتكون بمستشفى اهلي تعلمني الله يرضى عليكم
لان اراجع بمستوصف ومو مطمنة للدكتورة اخر مرة قالت انتي مخطوبة!!!hwaml4

آسفة طولت عليكم بس تحملوني اول مرة وماعرف شي وربي يتمم لي حملي على خير واشوف طفلي بأحضاني سليم معافى ويرزق كل محرومة يارب

[الله أملي ورجائي]

هذي دكتورتك فاصله

شوفي يالغلا ال يصير لك عادي

بالنسبه للوحام انا اختك احمل واولد من غير وحام اللهم لك الحمد

واذا انتي تطمنتي ع نبض الطفل وكلشي ليش هالقلق وبالنسبه للتحاليل انتي ماعليك من التحليل الاول عليك بالاخير

اتركي كلشي عنك واول ماتجيك هالافكار الشينه امسكي المسباح

وابتدي استغفري راح تلقين نفسك نسيتي التفكير وكلشي

اسال الله العلي القدير ان يتمم لك ع خير ويرزقك طفل سليم يقر عينك فيه

[Sakura fx]

هههههههههه شوفي انا دائما انصح البنات بالثقة في طبيبتهم

لكن هذه طبيبة كأنها متدربة لسة .. مش صاحبة خبرة

خصوصا انها وصفت لك حبوب للغثيان من دون ما تشتكي لها ..


شوفي الافضل تروحي عند واحدة غيرها والافضل تبتعدي عن العمومي وشوفي دكتورة خاصة

وتكون صاحبة تجربة علشان تبعت فيك الطمأنينة وتبعد عنك الوسواس ..


أنا أحب الدكتور الي ياخذ الامور البسيطة ببساطة وما يعقدها بدون سبب ..


ترى تحاليل الحمل مفروض تعمليها عادي ..

بتكون عن مجموعة اشياء مهمة ،، مثل فصيلة الدم

ومثل سرعة الجريان وانواع أخرى روتينية

بتعملها جميع الحوامل

علشان اذا صار وقت الولادة بتاخذها معها ..

وكمان بتستفيذ منها دكتورتك الي متابعة معك ..


قللي من الوسواس ،، الله الي رزقك الجنين كفيل بأنه يحميه لك ويثبته ..

[^^Pretty mama]

ههههههههههههههه انتي مخطوبة عيل ..

الله يطمن قلبك ..

[" ملاك "]

فكرى بطفلك واسمه وشكله وشو بتشترين له ..الخ
واتركي الواسوس عنك
انا بدايه حملي عادي ماحسيت بشي وتقرريبا بالاسبوع السادس والسابع لوعة وترجيع
والحين بالاسبوع التاسع عادي مااحس بشي والحمد لله

الله يسهل على الجميع يارب

[حياتي توأمي]

موشرط تحسي بوحااام

وبخصوص جرثومه الدم
هذي الدكتوره ماتفهم شيء
ولاتوسوسي


الله يتمم حملك ع خير

[ayato]

ههههههههه فديتك غيري الدكتورة ربي يطمن قلبك. للنو بين من حكيك انو بدها بس مصاري وتلعب في اعصابك

[شوق العين]

ربي يتمم لج على خير حبيبتي

[One O'Clock]

حبيبتي شوفي ..
إنتي ماشاء الله شكلك حملتي بنفس المدة اللي حملت فيها..

أول شي:
أبيك تتأكدين إن مو كل الدكاترة شاطرين وفي بعضهم يطمح للفلوس..!
أنا بداية حملي الدكتورة اللي كنت عندها قامت تقول إلااااا إنتي كملتي شهر!!!
ويلا يلا نسوي سونار عشان نشوف كيس الجنين (السونار بـ 250 ريال) ..

ولما ماشافت الكيس (عشان أنا كنت توي ماكملت شهر) قامت تقول لأمي انتبهي
بس ينزل عليها دم تودونها المستشفى .. وقامت تتكلم على أساس إني بأجهض وكله عشان ماشافت الكيس!! وأنا وقتها حسيت بموووت من الخوف!!
بعدين قالت نسوي تحليل هرموني،
ولما سويت التحليل الحمدلله طلعت لسى ماكملت شهر!! والسالفة اللي هي سوتها بس تبي تاخذ من وراها فلوس!!

.
.
الزبدة غيرتها ورحت لمركز شعاع عند د. نيرفين،
إنسانة مرررره بطله ماشاء الله ربي يوفقها دنيا وآخره.. قامت تعطيني نصاايح وجاوبت على كل أسئلتي
وعطتني حبوب غثيان لأني كنت اشتكي منه بقوة .. وكشفت وكل شي الحمدلله كان تمام
بس قالت عندك إلتهاب بسيط في البول مارح أعطيك مضاد لكن كثري مويه وسوائل.

.
.

آسفه طولت عليك..
لكن خلاصة كلامي:
لا تسمعين لدكتورتك هذي روحي لغيرها واضح ماعندها سالفة،
وبالنسبة للوحم في بنات عادي مايجيهم غثيان إلا بنص الثالث..
وأنا نفس مدة حملك للحين مااشتهيت أكل معين أو تقرفت من شي معين!!
يعني كل وحده وطبيعة جسمها فلا تخافين،


ربي يثبت حملك وحملي ويرزقنا بالأطفال السليمين المعافين hwaml88hwaml84

[المسكـ]

مشكوزين الله يسعدكم
ربي يحققلي ويحققلكم امانيكم
والدكتورة ان شاءالله بغيرها

[Reemi]

عادي حبيبتي عشان اول حمل يصير وساوسك لك مالها اخر


انصحك بمستشفى الحمادي او دله كلهم شاطرين

بالتوفيق

[عقيلة]

الله يثبتلكيا حبيبيتي
والله يفرحك يارب

[Omwaleeed86]

حبيبتي انا بالاسبوع السابع بس بالسونار طلع لي بالاسبوع السادس هذا بالمستشفى الحكومي اما عند دكتورتي فكان مثل حسبتي بالسابع وانا مثلج حسيت بلوعه خفيفه جم يوم وامساك بس اخذت الحبوب خف عني وقطعت الحبوب لي ثلالث ايام وما احس بشي غير صداع وقال لي الدكتور اللي بالحكومه ان نبض الجنين ضعيف وكتب بالتقرير ان مو باين النبض عدل والاحد الجاي عندي مراجعه لدكتورتي بالخاص عشان السونار ونبض البيبي والله كريم حبيبتي لا تحاتين ياقلبي

[أم عبادي2]

توكلي على الله ولا توسوسين ..

تفائلي بالخير واشغلي نفسك بالاستغفار والتسبيح

الدكتوره غيريها هههههه الله يستر عليها

بالنسبه للوحم .. موب كل بنت تتوحم ع فكره : وموب كل بنت تشتهي اكل معين ..

انا خلصت الثلاثه أشهر من حملي والحين ف الرابع وماعمري اشتهيت اكله معينه ابدددداً

والحمدلله انك ماتوحمتي مثل الباقيين < انا كرهت البيت وزوجي وكل شيء والحمدلله عدت ع خير

الله يرزقك البيبي سليم معافى ويرزق كل محرومه يآآآرب ..

[Şelîr]

كلو كوم ... وانتي مخطوبة كوم
ههههههههه
الله يطمن بالك ومدام كلشي سليم لا تشغلي بالك كلنا منتوسوس بلحمل
اتم شي استغفري كل ما اجتك هلوساوس
ونصيحة غيري هلدكتورة مشان تكملي اشهر حملك بخير وسلامة