تعالو بأستشيركم

[لمار الزهراني]

سلام عليكم
كيفكم كروشات
مشكلتي ان لي فترره ادمان للهولستن هل هو خطير؟؟

واليوم رحت عند طبيبتي ورفضت تعمل لي سونار تقولي ماني فاضيه عندي زحمه انا لي شهر واسبوع ماعملت سونار والاردى من كذا انها عطتني موعد عقب 3 شهور بنص شهر 5 يعني وانا بالسابع بالله كيف اجلس كل هالفتره بدون سونار وما اعرف جنس جنيني ايش الحل

[Future Mommy]

انا بتوحم وبشربو وسالت الدكتورة وقالت عاديلانه فيه فوائد كمان بس لاتكثرين منه كثير
بالنسبة للسونار اظن هذا حقك ولازم تابعي امور الجنين روحي لدكتورة ثانية اعتقد احسن

[ayato]

روحي مستشفى خاص مستحيل يرفضو لانك راح تدفعي لهم. على فكرة المفروض انو يتعمل لك سونار بالاسبوع 12. الي قلتي عنو مابعرفو موفقه ياقلبي

[رونا90]

حبيبتي ما بصير ضلي كل هاد بدون تصوير
لازم تشيكي علجنين وكمان بنهاية شهر الثالث لازم يشوفو النبض
ويقيسو الطول و الرقبه بنصحك تروحي عدكتوره تانيه احسن
بالنسبه لهولستن اشربي بس لاتكتري

[Pinkesh210]

روحي عيادة خاصة يسون لج سونار
انا كل شهر اعمل سونار
وبالنسبة للهولستن ما انصح فيه اول شهور الا اذا بخاطرك فيه
يعني شربي شوي
والله يسهل امورج

[لوزآ]

زيك انا ياعمري المستشفى الحكومي يعطونك مواعيد بالشهور !
روحي خاص اصرف لـك والله
وانتي اساسا لازم تتطمين ع جنينك و تشوفينه و كذا
روحي لأقرب خاص و سوي سونآر
وربي يتمم لك ع خيــر يارب

[khulood85]

قهرتني الدكتوورة مو من حقهااا تقول كذا كل مريض له وقته ولازم اهتمام حتى لو زحمه شنو ماني فاضيه ليش كوافيرة هي عشان ترد كذا امحق اسلوب مافي ذوق
حبي روحي اقرب عياده وسوي سونا وتطمني على البيبي وربي يحفظة لج من كل شرر ودعواتج لي بثباات جنيني اللي انتظرة من 7 سنوات