عمر الجنين بالسونار اصغر

[ms dior]

هلا بنات .. انا وايد مستغربه من الي صار لي اول مرة ...الجنين يبين عمره اقل باسبوعين المفروض حسب الدورة انا بالاسبوع الثامن بس بين في السونار الجنين توه ف الاسبوع السادس ... من صار لها جذي وكملت حملها على خير ...

وشي ثاني اغرب في كيس مشابه ف الشكل والحجم لكيس البيبي بس الدكتورة ما تكلمت عنه بس شفتها وايد تفر في الجهاز واستقرت على الكيس الي فيه البيبي

في احد منكم صاده نفس الشي وشنو طلع هالكيس ...

طبعا انا ماحب اتدخل في شؤوون الدكتورة واحسسها ان شفت شي وابي له تفسير وكان انا اعرف واهي ما تعرف لان دكتورتي ما تكلم الا لي متاكده ومجربتها في الحمله الي راحت في جنس الجنين يوم ما قالت لي جنس الجنين الا متاخر رغم الحمله الي قبل قالتلي ومن وقت اهيا استشاريه وانا اثق فيها ...

بس ابي تجاربكم...


ومشكووورين مقدما انتظر الردود حبايبي

[bino]

مبروگ عليگ الحَمل حبيبتي ❤️
انا صارت لي مثل مشگلتگ ، شوفي حبيبتي اغلب الاطباء يحسبون تاريخ الحمل من اخر يوم دوره !!
وانا عن نفسي اشوفه هذا اكبر غلط ، هو صح ماحد يدري متى يكون التبويض ! ، بس مفروض كل دكتوره تسأل
هل كان في جماع بعد الدوره مباشره او مافي او متى موعد التبويض لان مو الكل يحمل من بعد الدوره
مثل ماصار لي تماما حسبت لي من بعد اخر دوره وف نص الشهر حللت تحليل منزلي وطلع لي سالب
بعد اسبوع ونص بان الحمل يعني صار لي حمل متأخر ، وزعزت قلبي مره تقول اصغر من حجمه مره ماينمو مره حمل فاسد ، ولما
بان النبض قلت لها ان حملي متأخر وتفهمت الموضوع
بس قدر الله وماشاء فعل اجهضت ف بدايه الرابع
ههههه وحبيبتي اذا ع الكيس اللي شفتيه ترا السونار بس مايطلع لك كيس البيبي يطلع كل شي ف البطن ممكن تكون ذي المثانه او مبيض من مبايض الرحم متخفيش
والله يطمن قلبك ويقر عينك بشوفه النونو قريب ❤️

[أم حمودي وعبودي]

عادي حبيبتي إذا الحمل حصل متأخر

تبويض متأخر = عمر الجنين بالسونار أصغر من حساب الدورة

[ayato]

الله يثبت حملك بس اعتقد عادي جدا ممكن حصل حملك متاخر وبلعادة بسمع يقولو انو في فرق بين حساب اخر دورة والسونار اسبوعين ربي يثبت حملك

[ms dior]

اشوه طمنتوني ...

[nour karim]

ليش تخبي عليك الدكتورة الكيس لو كان فيه كيس اكيد تخبرك لاني في حملي الاخير كان عندي كيس مع الحمل واخبرتني الطبيبة انه وظيفي راح يروح ثم زال بعد شهرين يعني مايخوف ومثلما قالو البنات لا تستطيعين تسمية مارايت بكيس اكيد هو عضو من اعضائك الداخلية لا توسوسي روحك اما عمر الجنين فعادي يختلف حسب الاباضة والجماع الله يتمم حملك على خير

[nour karim]

نسيت اخبرك ان الفرق بين الحساب بالاسابيع والحساب بالسونار هو خمسة عشر يوم لان الحساب بالاسابيع يبدا من اول يوم بالدورة اما بالسونار فيبدء من يوم تلقيح البويضة يعني حوالي خمسة عشر يوما

[Miss Dana]

انا نفس الشيء عمر الجنين في السونار اصغر من حساب الدورة واتوقع هالشيء طبيعي والأصح طبعاً حساب السونار

[أم أحلى بنوتهـ]

سالفة انه اصغر باسبوعين او ثلاثه هذا بسبب ان الدكاتره مايقدروا يحسبوها بدقه

واغلب اللي اعرفهن صار لهن نفس حالتك وبالنهايه يولدون طبيعي وسليم والحمدالله

وانا مثال عندك ولدت قبل اسبوعين وكانوا قايلين انه اصغر باسبوعين والحمدالله طلع ولدي طبيعي لااصغر ولاشي

توكلي ع الله ياعسل

[فديت الغالي]

اولا مبرررروك الحمل عادي حبيبتي
يمكن الحمل صار متاخر عشان كذا
السونار يعطيك صغير لاتفكري ولاشي
الله يتمم لي ولكم ع خير

[ms dior]

مشكورين طمنتوني ☺

[راعية الدار]

انا ميته خوف وباجر موعد وكانوا قايلين اي نفس الكلام