هرمون الحمل المنخفض

[swaaan]

السلام عليكم ورحمة الله وبركاته

خواتي انا دورتي منتظمة كل 28 يوم
اخر دورة كانت بتاريخ 22 سبتمبر
من تقريبا اسبوع سويت فحص حمل منزلي لان الدورة اتأخرت يومين وطلع خطين واحد واضح والثاني مش واضح وايد
واليوم رحت مستشفى عين الخليج في العين والدكتوره سوتلي فحص دم وطلع هرمون الحمل 175
الدكتوره قالت اني في الاسبوع الخامس وان المفروض الهرمون يكون بحدود 1500 وطلبت اسوي فحص بعد يومين عشان تشوف اذا الهرمون زاد او لا
صح نسيت اخبركم ان كيس الحمل ما بين بالسونار
ياليت اللي مرت بتجربتي تخبرني

شكرا خواتي

[أسيرة زوجي]

حبيبتي انتظري اسبوع و عيدي التحليل

لانه الدورة لسه ما اتخرت كثير

و يمكن الحمل صار متاخر لهيك الهرمون منخفض

و بالنسبة لكيس الحمل يمكن ما يبين الحين

ان شاء الله خير لسه بدري انك تخافي

من رايي تروحي بعد 10ايام تعيدي التحليل و تعملي السونار عشان تطمني

الله يفرحك بالحمل السليم يا رب

[فديت الغالي]

الف مبررروك الحمل اختي
عادي فديتك ممكن الحمل صار متاخر والحمل بالبدايه
وان شاءالله ترتفع النسبه بعد يومين بس انتظري 10ايام وروحي
عشان تطمنين ع النسبه والكيس والله يتمم لك ع خيررر،،،،

[ayato]

يارب يتم حملك على خير

[swaaan]

مشكوراااات خواتي والله يمنكم نفس ما طمنتونيhwaml84

[عروسة هشام]

تطمني حبيبتي
احتمال كبير ان التبويض حصل متأخر عشان كذا الهرمون ضعيف .. بس هذا معناه حمل اكيد
والكيس مايبين في الاسبوع الخامس .. المفروض دكتورتك ماتسوي لك سونار الحين بس يمكن رحتي مستشفى خاص وتبغى تسوي لك سونار عشان الفلوس

انا نفس الشي .. التبويض متاخر ورحت المستوصف حللت وقالو لي حمل بس الهرمون ضعيف وتعالي حللي مرة ثانية بعد اسبوع .. ورجعت بعد اسبوع وارتفع الهرمون الحمدلله

[^^Pretty mama]

الف مبروك ..
احس النسبةمعقولة و ممكن تزيد خلال يومين
و بالنسبة للكيس جدا بدري ان يبان ..

انا عطوني موعد بعد اسبوعين من فوات موعد الدورة

عشان يشوفون الكيس ،،

[swaaan]

مرحبا خواتي
الحمدلله اليوم سويت فحص دم وطلعت النسبة 232 وقبل يومين كانت 156 يعني الزيادة بسيطة بس الحمدلله المهم في زياده

ياليت تشاركون بتجارب مشابهه

[^^Pretty mama]

الحمدلله شي طيب ^-^

الله يرزقج الحمل التام السليم ..