محتاجتكم بنات .. معقوله الرحم يفتح بدون طلق ؟

[أم مؤيد بإذن الله]

السلام عليكم بنات

على اذان الظهر نزل مني افراز ابيض مع نقطتين دم
كلمت دكتورتي وقالت علامه ولاده تعالي اكشف عليك

المهم جلست امشي كثييير اليوم وجلسه القرفصاء
وما كنت ناويه اروح اكشف لاني مو حاسه بتعب وعلى اخر لحظه رحت
وتوي راجعه من عندها
الحمدلله مفتوح 4 سانتي
وقبل يومين كان 2
وقالت لي سريع فتح
انتِ من النوع اللي ما يجيك طلق
روحي المستشفى واخر حد لك بعد اربع خمس ساعات

بنات ماااا ابغى اروح بدون نزول دم او مويا او طلق
ما ابغى اتعذب بالمستشفى
بس الدكتوره قالت لازم تروحي


فيه وحده كذا انفتحت بدون طلق

[ريحانة الجنة]

الله يسسسسسسسهل لك يارب ويقومكووليدك بالسلامة
تصير ياقلبي يبرد الطلق وينفتح الرحم وتصير بالعكس يجي الطلق ويتاخر الرحم لين ينفتح
الله ييسر امرك ويكتب لك ولادة سهلة
تحركي قد ماتقدري بدون ماتجهدين حالك وعليك بشرب الحليب الدافي المحلى بالعسل
والتممممممممر وكثرة الدعاء وربك كريم

[إحساس إمرأة]

ما ازيد كلامي فوق كلام اختي ريحانة
مثل ما قالت لك ياقلبي تصير يفتح الرحم بدون طلق
الله يسهل عليك ولادتك
و ييسر امورك ياااا رب
طمنينا عنك يالغلاااا
اذا ماعليك امر ☻

[إحساس إمرأة]

http://forum.hwaml.com/imgcache2/hwaml.com_1413152479_684.gif

[الله أملي ورجائي]

يااختي ليش تلعبين بنفسج

ليش تنضرين انتي وطفلك

اربعه سانتي موشوي

روحي علشان تكونين تحت اشراف طبي

ربي يقومج بالسلامه انتي وطفلج

[أم مؤيد بإذن الله]

امي رافضه اروح لين يجي الطلق
والدكتوره تقول لاااازم تروحي لانه ما يجيكِ طلق يبين لك مدى التوسع

مررره احترت بينهم

[ريحانة الجنة]

امش ياقلبي ورا الطبيبة
امك تخاف يتعبوك بالمشفي
لكن خلينا نحسبها سوا
لو رحتي بالمشفي وانتي لسى مبطية اش الضرر؟؟ مجرد يقعدوك
لكن بتكوني متابعة منهم ساعة بساعة

بينما لو قعدتي بالبيت وحالتك تستدعي متابعة ف الضرر راح لاقدر الله يطول الجنين ويطولك
فالاسلم تروحين الله يسهل امرك ويرزقك ولادة ميسرةة سهلة

[أسيرة زوجي]

حبيبتي الله يهون عليك و يسهل ولادتك يا رب

لا تخافي
روحي المستشفى

تخافي ينفتح الرحم و ينزل الجنين بالبيت

لا تستهوني الامر

[أم مؤيد بإذن الله]

والله صادقين بكلامكم
وامي تخاف يتعبوني بالمستشفى
وتقولي مافي ولاده بدون طلق
تبغاني استنى الطلق يجي

وتوه الدكتوره تسألني لسى ما رحتي المستشفى قلت لها امي رافضه الا مع وجود الطلق
قالت انتِ تعذبي نفسك
وامك ليست طبيبه
قلت لها خايفه يعطوني تحاميل طلق
قالت لا ما راح تآخذيها


انا استخرت ربي وعساه من دحين لليل يجيني الطلق وارتاااااااح من القلق ع الجنين

[إحساس إمرأة]

ياقلبي الافضل تروحين المستشفى
هناك هم ادرى بـ حالتك
في متابعة منهم اول بـ اول
و انتي كيفك *
الله يسهل عليك يااا رب

[إحساس إمرأة]

https://fbcdn-sphotos-c-a.akamaihd.net/hphotos-ak-prn2/7258_514668255272553_2114204959_n.jpg

[أم مؤيد بإذن الله]

اطمنكم بنات

رحت للمسشفى وكشفت علي الدكتورة قالت فاتح 2
قلت لها طيب دكتورتي قالت 4
قالت ايوا هو يبان 4 بس الحقيقة هو 2

وقالت لي امشي واشربي اشياء دافيه وكثري العلاقه


والحمممممدلله اني رحت للمستشفى وتطمنت
دحين اقدر اتحرك وانا مرتااااحه
احساس انه فاتح. 4 وانا بالبيت يخووف

تمنيت اولد وارتاح
بس ياربي لك الحمد كله خيره من ربنا
واشكركم مره على ردودكم واهتمامكم ودعواتكم

[υм вtℓαα]

حبيبيتي موشرط يجيك طلق او تحسين فيه
لاتتهاوني واتكلي على ربك
وعليك بالمشي
واشربي حليب دافي مع عسل
واكلي تمرررر
الله يسهل عليك يارب

[أم أحلى بنوتهـ]

انا يوم جبت بنتي نزلت علي المويه بدون دم ورحت وكشفت علي قالت الرحم مفتوح ٢ سم بدون طلق ولا حتى ألم وعطوني طلق صناعي وطلعت حمدالله

بس انتي طالما نزل نقطتين دم هذا يعني ولادهـ

أنا بصراحه ماافضل ان الوحده ماتروح للمستشفى والرحم عندها مفتوح

لان الخوف من الزحمه وبعد المسافه والولاده بالسياره

[أم صلاح الدين]

الله يسهل عليكي وعلينا ويعينا يااااااااارب