كلوميد وثلاث ابر منشطه وبرة تفجير

[ميلادك فرحت حياتي]

السلام عليكم ورحمة الله وبركاته
اول شي اقول كل عام وانتم بخير
هذي ثاني مشاركه لي في منتداكم الرائع
واول موضوع اتمنى ان افيدكم وتفيدوني صراحه بحثت كثير في المنتديات وعجبني منتداكم
وسجلت فيه
حالتي مثل العنوان
انا من ثاني يوم الدوره خذيت كلوميد حبتين في اليوم لمدة خمس ايام ولما كشفت بالدكتوره علي انصدمت وقالت معقوله خذيتي الكلوميد ولحد الان ماعندك الا بويضه وحده وحجمها 10 وصرفت لي ابر مينوغون ابرتين ولما كشفت لقت البويضه لقت حجم البويضه 16 وعطتني ابر ثالثه والبارح الساعه ست خذيت ابرت التفجير وقالت الدكتوره بعد 24 ساعه يصير الجماع الساعه عشر بالليل ونفس الساعه اليوم الثاني
سوالي الاول
انا ماحسيت في اي اعراض من خذيت الكلوميد لين اليوم حسيت زي الابره في مبيضي اليمين والبويضه الموجوده يمين هل هذل طبيعي اول لا
وثاني سوال لو صار جماع قبل ال 24 ساعه عادي
وثالث سوال
الدكتوره قالت بس الجماع يومين ثم تاخذين الدافستون
ورابع سوال
هل ممكن ان البويضه تتاخر ماتطلع في الوقت اللي حددته الدكتوره ولو تاخرت وصار جماع وانا اخذ الدافستون هل يمنع الحمل
وخامس سوال
لو صار الجماع مرتين في اليوم عادي ولا لا
ووش الهدف من ان يكون الجماع في نفس الساعه


ادري طولتها بس والله مشغول بالي وماعندي غيركم استشيره لان
انا حملت وتوقف نمو الجنين في الشهر الثالث وسقطته وحملت الحمدلله وعمر ولدي سنه وسبوعين وكل هالفتره ماخذت مانع ولا حاجه بس ارضعت ولدي اربع شهور صدري
الله يحفظه ويحفظلكم من يعز عليكم
وصار لي ست شهور احاول الحمل ماصار حمل واصلا وماحس يجيني تبويض ولما رحت الدكتوره قالت عندك ضعف بالتبويض مقعوله انتي جبتي ولدك بدون منشطات صراحه صدمتني وقلت يعني لدرجه هذي عندي ضعف
بس ان شاءالله يمشي الحال مع هالعلاجات

[nour karim]

حبيبتي الدكتورة لما تعمل السونار وتشوف البويضة وحجمها تقوم بحسابات لتعرف موعد خروج البويضة واليوم الافضل لتلقيحها حتى انها تعطيك الساعة لذلك الاجابة الشافية تجدينها عند طبيبتك اتصلي بها لتشرح لك اكثر واتبعي الخطوات التي اعطتها لك يارب تحملي وتبشرينا امين

[يارب اكرمني]

انا كمان ي قلبي خذيت الكلوميد من خامس يوم الدوره حبتين باليوم
وكتب لي الدكتور ابرتين وحده تفجيريه ووحده ما اعرف حقت ايش

وحدد لي الجماع من بعد ثاني ابره مباشره هي الساعه 10 قال من بعد 12 يكون فيه جماع ليومين
يعني اكيد هم عارفين متی بتطلع البويضه ومتی بيصير التلقيح

الله يكتب لي ولك الحمل ي رب

[ميلادك فرحت حياتي]

حبيبتي الدكتورة لما تعمل السونار وتشوف البويضة وحجمها تقوم بحسابات لتعرف موعد خروج البويضة واليوم الافضل لتلقيحها حتى انها تعطيك الساعة لذلك الاجابة الشافية تجدينها عند طبيبتك اتصلي بها لتشرح لك اكثر واتبعي الخطوات التي اعطتها لك يارب تحملي وتبشرينا امين


فاهمه ياحياتي انا استشرت دكتورتي لين قلت بس بس انا كذا ماقتنع لازم اشوف راي ناس مجربه لان ان شاءالله مابي اعيد العلاج من جديد وهي قالت لي خلاص تعالي لي اذا جاتج الدوره واذا ماجاتج تكوني حامل والله كريم وهي سافرت ايام العيد مدري متى ترجع فاحبيت استفسر منكم عشان استفيد من خبرات اللي جربن وتسلمين على ردج ياقلبي

[ميلادك فرحت حياتي]

انا كمان ي قلبي خذيت الكلوميد من خامس يوم الدوره حبتين باليوم
وكتب لي الدكتور ابرتين وحده تفجيريه ووحده ما اعرف حقت ايش

وحدد لي الجماع من بعد ثاني ابره مباشره هي الساعه 10 قال من بعد 12 يكون فيه جماع ليومين
يعني اكيد هم عارفين متي بتطلع البويضه ومتي بيصير التلقيح

الله يكتب لي ولك الحمل ي رب

طيب لما اخذتيهم حسيتي في الم لان انا الحين صار لي 24 من اخذتهم ولحد الان ماحس بشي

[يارب اكرمني]

لسه والله ما اخذتهم قالي بعد يومين

والحين رايحه اخذها دعواتك

[دمعه مشتاقه]

والله ماعندي علم عن اﻻبر بس انا اخذت كلوميد وحسيت بالم بعد اخر حبه بااسبوع وزاد الم اكثر واكثر يوم 15 للدورة وحصل واخذت دفستوان لمدة 5ايام حبتين في اليوم صباح ومساء ووفقته لي 7ايام والدورة ماجاءت بنتظر لما 15 الحج لو ماجات بسوي فحص حمل رغم اني بدات احس باعراض تعب وارهاق ودوخه اسئل الله ان يرزقك بحمل سليم معافى ويرزقني ويرزقك كل محروم

[ميلادك فرحت حياتي]

لسه والله ما اخذتهم قالي بعد يومين

والحين رايحه اخذها دعواتك

الله يكتب لج اللي فيه خير ويفرح قلبج

[ميلادك فرحت حياتي]

والله ماعندي علم عن اﻻبر بس انا اخذت كلوميد وحسيت بالم بعد اخر حبه بااسبوع وزاد الم اكثر واكثر يوم 15 للدورة وحصل واخذت دفستوان لمدة 5ايام حبتين في اليوم صباح ومساء ووفقته لي 7ايام والدورة ماجاءت بنتظر لما 15 الحج لو ماجات بسوي فحص حمل رغم اني بدات احس باعراض تعب وارهاق ودوخه اسئل الله ان يرزقك بحمل سليم معافى ويرزقني ويرزقك كل محروم

امين يارب
انا قالت لي الدكتوره اذا تاخرت الدوره بعد الدافستون اكثر من يومين تكوني حامل قلت طيب انا اخذت الدافستون قبل هالمره وتاخرت سبوع قالت انتي وضعج غير خذيتي كلوميد وبر منشطه هالمره والله يكتب لي ولج وكل من تتمنى الحمل بالطفل السليم

[ميلادك فرحت حياتي]

بس ماجوبتو على اسالتي

سوالي الاول
انا ماحسيت في اي اعراض من خذيت الكلوميد لين اليوم حسيت زي الابره في مبيضي اليمين والبويضه الموجوده يمين هل هذل طبيعي اول لا جواب الدكتوره المفروض تحسين
وثاني سوال لو صار جماع قبل ال 24 ساعه عادي ؟ نسيت اسال الدكتوره
وثالث سوال
الدكتوره قالت بس الجماع يومين ثم تاخذين الدافستون ؟ هم نسيت اسالها
ورابع سوال
هل ممكن ان البويضه تتاخر ماتطلع في الوقت اللي حددته الدكتوره ؟ الدكتوره قالت لا تطلع خلال ٢٤
ولو تاخرت وصار جماع وانا اخذ الدافستون هل يمنع الحمل ؟ هم نسيت اسال
وخامس سوال
لو صار الجماع مرتين في اليوم عادي ولا لا ؟ ماسالت بس زوجي يبي مرتين عشان تكون فرصة الحمل اكثر وانا قريت انه يقلل عدد الحيوان المنوي
ووش الهدف من ان يكون الجماع في نفس الساعه ؟ رد الدكتوره ان الحيوان المنوي يعيش ٢٤ ساعه يعني نفس الساعه يصير جماع عشان الحيوان المنوي يتجدد

[يارب اكرمني]

والله حبيبتي ماعندي رد ع اسالتك بس انا كمان من تخذت الابره امس الليل لما دحين مو حاسه اي شي ولا بحس ب الم ولا مغص ولا نغزات ع المبيض كل شي عادي

[ميلادك فرحت حياتي]

الله يعين انا من باكر ابدا في الدافستون والله يكتب اللي فيه خير
الحين احس بثقل في بطني من تحت والبارح بعد الجماع في نص ساعه حسيت زي النبض في كل رحمي مادري شو عاد
والله يرزقني وياكم

[ward22]

عادي جدا انك ماتحسين باعراض
والجماع قبل الوقت اللي قالته الدكتورة ماله فايده
لان البويضه تخرج بعد36 ساعه من الابرة التفجيرية
لذلك يكون جماع بعد 24 ثم بعدها ب24 او 12 ساعة ..
مش مرتين بنفس الساعة بالعكس هالشي مايفيد ..

والدوفاستون وظيفته تسميك بطانه الرحم لثبات الحمل ان الله كتبه
ماله تاثير مضر ..

الله يكتبلك كل خير ويبشرك ♥

[يارب اكرمني]

انا الدكتور ماكتب لي دافستوون ما اعرف ليه


ي قلبي يااارب الشهر ذا نحمل انا وانتي

[ميلادك فرحت حياتي]

عادي جدا انك ماتحسين باعراض
والجماع قبل الوقت اللي قالته الدكتورة ماله فايده
لان البويضه تخرج بعد36 ساعه من الابرة التفجيرية
لذلك يكون جماع بعد 24 ثم بعدها ب24 او 12 ساعة ..
مش مرتين بنفس الساعة بالعكس هالشي مايفيد ..

والدوفاستون وظيفته تسميك بطانه الرحم لثبات الحمل ان الله كتبه
ماله تاثير مضر ..

الله يكتبلك كل خير ويبشرك ♥

تسلمين حياتي ع الرد
مو بنفس الساعه

المهم الحين انتهى الوقت اللي قالته الي الدكتوره والله كريم

[ميلادك فرحت حياتي]

انا الدكتور ماكتب لي دافستوون ما اعرف ليه


ي قلبي يااارب الشهر ذا نحمل انا وانتي


امين يارب
طيب اساليها يمكن نست ترا مرات تنسى
لان اغلب البنات اللي اخذنه مكتوب لهن الدافستون عموماً
المهم انتي اذا صار جماع لاتقومين نامي على ظهرج ورفعي رجولج من نص ساعه لساعه
والدكتوره كم قالت لج يوم الجماع

[nour karim]

حبيبتي حتى لو كان الجماع قبل التبويض ممكن يحصل الحمل لانه والحمد لله النطفة تعيش من يومين الى ثلاثة ايام مما يعطيه الفرصة اكثر اما المباعدة بين الجماع ذلك لان النطفة لازمها تقريبا48 ساعة للنضوج وهكذا تكون جاهزة للتلقيح
اما الديفاستون فهو البروجسترون يثبت الحمل في حال حصوله ولا يمنعه
يارب تكوني حامل وتبشرينا

[ميلادك فرحت حياتي]

امين يارب وياج
تسلمين ياقلبي

[يارب اكرمني]

امين يارب
طيب اساليها يمكن نست ترا مرات تنسى
لان اغلب البنات اللي اخذنه مكتوب لهن الدافستون عموماً
المهم انتي اذا صار جماع لاتقومين نامي على ظهرج ورفعي رجولج من نص ساعه لساعه
والدكتوره كم قالت لج يوم الجماع


والله ي ام فراع ما اعرف انا اعطاني موعد الثلاثاء وحسالو واشوف

بالنسبه للجماع قالي يومين الاحد والاثنين

انا اخذت الابرة الثانيه الاحد قال من الاحد يكون فيه والاثنين والثلاثاء تعالي راجعيني

وما اعرف احس انه غلط لان البنات يقولو الجماع بعد 24 ساعه من الابرة

واليوم كان عندي الم قوي اسفل البطن ي رب يكون تبويض

حبيبتي الله يبشرني انا وانتي بالحمل ذا الشهر

[ميلادك فرحت حياتي]

امين يارب وياج
انا صراحه لسى ماجاني الم
وحتى انا قالت لي الجماع يومين اخذة ابرة التفجير الجمعه الساعه ٦ وقالت السبت الساعه عشر والاحد الساعه عشر الجماع
ىالله يكتب اللي فيه خير
وهو ليش قالج تعالي الثلاثاء تعالي راجعيني انا قالت لي لاتجين لين تعدين ال١٤ يوم وتكوني محلله عن حمل اذا تاخرت عليج الدوره
اكيد رح يعطيج الدافستون

[يارب اكرمني]

رحت له اليوم قالي بس نشوف البويضات نزلت بعد الابر او لا

والحمد لله قالي كلها نزلت وسالته عن الدافستون قال لا ماتحتاجيه واذا تاخرت الدوره تعالي اعملي تحليل

من امس بحس حراره بجسمي ما اعرف هو من العلاج او انا حمرض وترتفع حرارتي

الله يكتب لي ولك الخير حبيبتي

[ميلادك فرحت حياتي]

الله يكتب لج اللي فيه خير انا هم بعد الابره حسيت بحراره