حامل بالاسبوع الخامس ونزل مني دم

[المتفائله بالله *]

السلام عليكم
اخواتي انا بالاسبوع الخامس
ورحت لدكتوره واعطتني مثبتات واعطتني اسبرين
ولمن استخدم الاسبرين بعده بساعه
نزل مني نقاط دم
واليوم نزل مني بعد ما ابول اكرمكم الله دم مثل حق الدوره قليل
انا مره خايفه جدا من صار لها مثلي وتم حملها بسلام

[لمار الزهراني]

وش مخليك ساكته روحي للطبيبه

[qurtz]

روحي الطبيبه حبيبتي عشان تطمنين
ربي يتمم لك ع خير

[مكتومه]

روحي للطبيبه والتزمي الراحه واستعملي الحبوب ممكن تحتاجين علاجات مثل تحاميل وربي الحافظ

[فجر1]

حبيبتي ليه صرفت لك أسبرين؟ !
هو بالعادة يصرف للناس اللي عندها نسبة تخثر
أنت روحي الطبيبة واطلبي تحليل سيولة ممكن عندك سيولة وعطتك اسبرين لدون تحليل!

ضروري تروحي للطبيبة وتطمني لأن الدم انذار بالاجهاض الله يبعده عنك يااااارب

[اميرة الخيال]

حبيبي لو دم نقاط لاتخافي بس اطلب من الدكتوره مثبت افضل حبيبي..
الله يحمي ويحفضه لك...

[دلوعة بالحيل]

الله يحفظ جنينك
و يثبت حملك

[المتفائله بالله *]

اشكر كل من ردت علي
واسال الله لكم السعاده في الدنيا والاخره ويحقق امنياتكم

[ملكة الزهور]

حبيبتي لا تخافين ولا تتوثري . عادي يا قلبي
انا صارت لي بحملي بس التزمت الراحة وما كنت اقوم من فراشي الى على المرحاض اكرمكم الله
انتي بس التزمي الراحة وما تتوثري او تتعصبي تمام حبيبتي .. وربي ييسر حملك ويفرحك بجنينك يارب
وربي يقومنا بسلامه يارب .. ارتاحي ولا تقلقي عزيزتي

[المتفائله بالله *]

الله يسعدكم ويريحكم اخواتي

[كعوشه]

الله يتمملك حملك على خير باذن الله
انا بعد الاسبوع اللي فات تحديدا يوم الخميس وكنت بالاسبوع الخامس ويوم نزل علي دم بني غامق بس
مارحت للدكتوره الا السبت عالموعد كتبتلي على دوفاستون وابرة مثبته وجوسبرين
وقالت تعالي بعد عشر ايام وبصراحه ما اخذت الا الابره بس وعلبة الحبوب
مثل ماهي باقي جديده ماخذت منها من الوحم متقرفه من الحبوب مقدر ابلعهم يدوب اخذ الفوليك
والحمدلله ماعاد نزل علي شي لليوم لاني احاول اريح نفسي قد ما اقدر
والله يكتبلك ويكتبلنا اللي فيه الخير يارب

[bino]

كيف صرفت لك ادويه بدون تحاليل !!
مو اي وحده حامل ينزل منها دم على طول يعطوها مثبته في ناس فصيله دمهم ماتتقبل المثبتات هاذي اولا !
نبض الجنين طلع معك اولا ؟
اذا نبض الجنين وجسمك يتقبل المثبتات وكل شي في السليم مفروض هنا يعطوك مثبتات
اما اذا نبض الجنين لسه مابان مستحيل يعطونك الا اذا كانت الدكتوره غبيه مع احترامي
ف بدايه الاسابيع شي طبيعي انك بتمري بمراحل خطر وينزل دم وكثير حوامل نزل عليهم دم وانا اولهم بس ماعطتني مثبتات ولاشي !
ولاكأن صاير شي منسدحه ع سريري واكلي يجيني لين سريري ومن الحمام لين السرير بس !
اما اذا الدم استمر لين الاربع شهور هنا تصير اجراءات ثانيه ممكن تنويم
الزمي الراحه والاكل الصحي والنفسيه اهم شي حاولي تنسين والله انا اكتئبت بدايه الايام وابكي وكل مابكيت تعبت ونزل علي دم بس الدكتوره تكلمت معاي واقنعتني ان حتى لو خسرته رحمه من ربي الحمدالله حاولي تسلي نفسك ب افلام مسلسلات قبل لاتنامين اقرى قران وانفثي على بطنك
الله يثبت جنينك ويقر عينك فيه حبيبتي

[المتفائله بالله *]

الحمدلله على كل حال انا اجهضت جلس الدم معي لمدة 25 يوم تقريبن وكان بسيط
قدر الله ماشاء فعل