ابي دعوات من قلوب صادقة

[مرام سالم]

بنات انا حامل بالرابع وجنيني نازل
واول حمل لي من بعد اجهاضي

يابنات ضايقه فيني الدنيا
كرهت نفسي شكلي تعبان حيل

عجزت اصلي وادعي ربي احس ان قلبي قاسي
واذا قريت قران صفحه وخلاص عجزت لا أكمل

مالي احد بالدنيا غير الله اشكي له
امي متوفيه وخواتي صغار

والشسغاله للحين ماجت
رغم وضعي صعب الا انا اخدم نفسي اقوم واتحرك
عفت نفسيٍ وجوالي مهجور مااحد يتصل فيني ويتطمن علي
رغم يعرفون وضعي

ونفسي بحاجات كثيره اشتهي طبخ بيت واكلي كله مطاعم
ماا أمون على احد

حزات بخاطري اكله معينه شفقانه عليه مدري من وين اجيب لي احد يطبخ لي طبخ بيت

يابنات ابي دعوات صادقه من قلوبكن
ابي دعوات من امهاتكن

لا تنسوني من دعواتكم

[قلب الاميري]

حبيبتي لا تيأسين من رحمة الله لانها واسعة .. خلج قريبة من ربج وان شاء الله ربي بيجيب لج الخير من كل صوب ..

ومبروك ع الحمل .. وربي هالمرة ان شاء الله يثبت حملج ويسهل عليج امورج وتقر عيونج بشوفة ضناج يارب العالمين ..

[حياتي توأمي]

الله يسهل أمورك حبيبتي

لاتيأسي من الحياة
حبيبتي الحمل بحد ذاته له دور بتغيير المزاج والنفسية

ولاتقلقي فتره وتزول ان شاء الله
بخصوص جنينك لااتخافي واستودعيه عند ربك راح يحفظه ان شاء الله كثير اطباء يهولون الشيء ويهخوفون الواحد حتى انا بالرابع قالتلي جنينك ماءه قليل جداً والمشيمة نازله
بس قدرة الله أعظم والحمد لله تمم حملي ع خير وشفت بنتي سليمه معافا
بخصوص الطبخ الله يعينك حاولي تمشي أمورك لحد ماتوصلك الخدامه وبعد ماتوصل حاولي انك تعلمينها عالطبخ اللي يعجبك وتساعدك خليها تلبس قفازات وتتعلم الشغل والطبخ علميها عالنظافه وبعدين راح تسويلك كل شيء وانتي بترتاحي صحيح راح تتعبي شوي بتعلميها لكن فالأخير بترتاحي من شغل البيت

وراح تفضي لطفلك وزوجك
الله يقويكي ان شاء الله
وخليكي واثقه انها فتره صعبه لكن رااح تزول ان شاء الله
مافي شيء يدوم على حاله

موفقه
الله يتمم حملك على خير يارب

[jawaherzz]

الله يثبت حملك ويتمم لك بخير ويسهل أمورك
تقربي من الله صلي وادعي وألحي بالدعاء
والصبر مفتاح الفرج
الله يفرج عليك وزيل عن قلبك كل هم

[دلوعة بالحيل]

لا تيأسي ي قلبي
الله معاك و ربي يتمم حملك و يسهل
اللهم اني استودعك مافي رحمك فـ احفظه لها ياالله