إستفسار عن مستشفى حمد في قطر لعملية الأطفال الأنابيب

[أم خالد 1980]

السلام عليكم ورحمة الله وبركاته،،،
أنا ارجعتلكم بعد طول غياب عن المنتدى مع أنه ذو فائدة بس تلاهي الحياة...أنا عملت مرتين طفل أنابيب ومانجحت معي والله يعوضني الخير بالأجنة اللي راحوا وماثبتوا برحمي...
بدي أسأل مين فيكم هون بقطر وعملت طفل أنابيب بمستشفى حمد أو بمركز خاص..
بدي أندل على مركز خاص بيعمل طفل انابيب مو يهيئني ويرسلني للخارج...
المشكلة هون بقطر بالنسبة للمقيمات ماعاد في مجال نعمل طفل انابيب في المستشفى لوجود ضغط عليهم...ويمكن احتمال نقدر ناخد مواعيد من بداية السنة الجديدة...
الحمدلله على كل حال....
بدي حدا يفيدني اللي عايشة بقطر إن في مراكز أو دكاترة خاصة...
والله يحقق حلمي وحلمكم ويرزقنا الذرية الصالحة يارب...

[ward22]

انا ماعرف والله بس لما عملتها بمصر كان في عدة قطريات
قالوا ان التكلفة كثير ارخص بمصر وافضل جودة من قطر ..
الله يعوضك خيرا و ييسرلك كل خير يارب ♥ ..

[أم خالد 1980]

حبيبتي ward هون بمستشفى حمد عنا بقطر للقطريات مجاناً بدون أي رسوم للعملية..ونحن رسوم رمزية تقريباً بظن باستطاعة المقيمين.. بس سألت عن دكاترة خاصة بيعملوها بعياداتهم ومالقيت الجواب الشافي...
ويسلموا على ردك ياقلبي وبتمنى حد يفيدني بهالخصوص..

[bassouma]

إن شاء الله بنات قطر يفيدوكي
ربي يسرلك أمورك و يرزقك كل ما تتمنين

[ward22]

فاهمة قصدك ..
القطريات اللي خبرتك عن كلامهم تعليقهم ع تكلفة العيادات الخاصة
لكن انا شخصيا مالي علم
الله يكتبلك كل خير وييسر امرك ♥

[إحساس إمرأة]

ما عندي فكرة ياقلبي
إن شاء الله الاخوات من قطر يفيدونك
ربي يسرلك أمورك و يوفقك ياااا رب

[إحساس إمرأة]

http://forum.hwaml.com/imgcache2/hwaml.com_1410821946_623.gif

[إحساس إمرأة]

ينقل القسم المناسب

[دلوعة بالحيل]

ماعندي علم أن شاء الله بنات قطر يفيدونك
و الله يرزقك الذريه الصالحه
عاجلا غير اجل
و يسهل أمرك يارب