الامهات الخبيرات ياليت تساعدوني ..

[لحظة شروق]

السلام عليكم
حابه استفسر عن شي و الله يكتبلها اللي تتمناه اللي تجاوبني
انا جبت ولد و عمره الان 3 اسابيع - الله يحفظه-
وهو الاول يعني بكرية
مشكلتي اني اعاني معاه كثير لمن ارضعه من صدري لدرجه اخذ ساعه او اكثر في الرضاعه
لانه ينآم و لما احطه في فراشه يرجع يصحى و يبكي و يدور صدري بفمه و يبن انه جيعان و ارجع احطه على صدري يرضع شوي و ينآم و ادق له ذقه عشان يكمل و ما اخرج صدري الين هو يفلته و احطه في فراشه و كلها دقايق و يرجع يبكي و يفتح فمه و يلحس ملابسه اغير له الحفاضه و انتو بكرامه اقول يمكن منها و لا في فايده
احترت معاه صرت احط له المصاصه و اهزه لين ينآم و احسه ما يشبع
و بالنسبه للحليب صرت اعصر صدري عشان اتاكد اذا فيه حليب و لا لا و يطلع الحمد لله فيه
يعني من خبرتكم كيف اتاكد ان ولدي شبع؟
و هل حركة لحسه لملابسه دليل على انه باقي جيعان و لا هي شي طبيعي ؟!!! لانه احيانا يسويها اذا شربته رضاعه .. ياليت تفيدوني

[حياتي توأمي]

هههههههه
الله يحفظه لك

صارلي نفس الشيء في بنتي
عادي حبيبتي احياناً تصير ان الرضيع يحب يشم ريحة أمه ومايبغي يبعد عنها حتى لو مو جوعان
هي فتره وتعدي ان شاء الله
انا بنتي ظلت يمكن اسبوع او اسبوعين على هالحال
اول ماولدتها وبعدين تغير نومها شوي
يعني بعد مارضعها من صدري كانت بتقوم كل ساعه ونص او ساعتين

الله يحفظها لك ان شاء الله

[إحساس إمرأة]

ماشاء الله
الله يحفظه لك ياقلبي
مثل ما قلتلك اختي حياتي توأمي
عادي ياقلبي ههه والله ولدي الحين عمرة
سنه و 8 شهور اذا يرضع ينام الاخ
بس اقوم من عنده يقوم معي هههه
تشوفينه احلى عريس ان شاء الله
ربي يحفظه

[إحساس إمرأة]

http://forum.hwaml.com/imgcache2/hwaml.com_1409649659_788.png

[لحظة شروق]

حياتي توأمي ، احساس امرأه
الله يعطيكم العافيه طمنتوني و ياليت اشوف ردود كمان

[نور العمر]

ربنا يحفظلك ابنك

وهالشي طبيعي كل الاطفال اول شهر هيك

واخواتي حياتي تؤامي واحساس امراه ماقصرو في الرد جزاهم الله خير

ربنا يفرحك فيه وتشوفيه عريس

[معانده]

انا اذكر ولدي كذا بس ماطول اسبوعين او شي
وطلع سليم مافيه عظيم او حاجه ثانيه ولله الحمد
بس روحي لدايه وتاكدي افضل
وحمد لله ع سلامتك :)

[منى العين]

حبيبتي ساعه ترضعيه المفروض تدشيه يعني بعد نص ساعه جشيه
وارجعي كملي انا بنتي كذا ارضعها تبي اكثر بس اذا ببدل صدري لازم ادشيها
عشان ما ترجع
واحيانا ما تنام تكون متضايقه ارضعها ترجع والهايه مو دايما تبيها يطلع بطنها من الطلع الا ببطنها
ترتاح وتنام

[ward22]

لما ترضعيه اعطيه نفس الثدي طول فترة الرضاعة ..
اذا تعديتي ربع ساعة اعصري بيدك وشوفي اذا في حليب اذن كملي بنفس الثدي ..
وكل خمس دقايق شيكي واذا مافي وهو لسه يرضع انقليه للاخر ..
والرضعة الثانية خليها من الثدي الاخر بنفس الطريقة ..

لان للحليب ثلاث مراحل من حيث التكوين والثلث الاخير هو الدهني المشبع ومايوصل له الطفل قبل ربع ساعه او ثلث تقريبا ..

وانصحك تشتري جهاز شفط الحليب وافضلها ميديلا الكهربائي من تجربتي
يصير لو تشفطي حق رضعة الليل بتضمني شبعه بسرعة من القنينة
وتقدري ترتاحي انت كمان ) لكن لاتشفطي كثير ع حساب الرضاعة لان الحليب يزيد بالرضاعه(
بعمر طفلك ماراح يتجاوز 40-60 مل بالرضعة الوحدة فلا تزيديه عن حاجته ..
ويحوع بعد ساعة لساعتين حسب كانت رضاعته مشبعه او لا ..
وعامة طبيعي يجوعوا بسرعه لان رضعتهم قليلة ككمية ..
بيصير احسن بعد الاربعين ..
اعطيه مصاصة احيانا الطفل يحتاج للمص وهالشي يهديه اذا شبعان ومنزعج لانه مش شرط جوع ..
وبعد الخمس شهور احصريها بوقت النوم والازعاج الشديد فقط حتى يسهل فطامه قبل السنة ..

الله يعينك ويساعدك ويباركلك فيه

[الله أملي ورجائي]

وانا رايي من راي اختي ورد

لان الطفل بسرعه ينام لمه يشم ريحه امه

ربي يحفظه لج ويبلغج فيه يارب