استفسار عن تركيب اللولب بعد الولادة

[بسمة روجينا]

مساء الخير صبايا كيف احوالكم تمام
بنات حبيت اسال انا ولدت من 3 اشهر وانا برضع طبيعي والحمد لله لكن خايفة احمل ماشية على العزل الطبيعي زوجي مو عاجبو الامر حابة اركب لولب سمعت انو لازم تنزل الدورة وانا لهلا مانزلت طبعا لاني برضع صرت اتوسوس من العزل حتى اني البارح سويت اختبار حمل وخرج سلبي بس والله خايفة بالله عليكم ساعدوني
واللي مركبة لولب من قبل تخبرني هل صعب تركيبه ام لا
سامحوني طولت عليكم

[Orchid109]

اختي ممكن تلجئي لحبوب منع الحمل مؤقتا
بس مشكلتها لازم تنتظمي بموعد الحبة والا تسببلك مشاكل وممكن يصير معاكي حمل

بالنسبة للولب
اتوقع تركيبه عادي اذا برى جرح الولادة ومايسبب لك الم ان شاء الله

والله اعلم

يفضل اختي تستشيري الطبيبة
وان شاء الله بقية الصبايا يفيدونك


موفقة

[بسمة روجينا]

اختي ممكن تلجئي لحبوب منع الحمل مؤقتا
بس مشكلتها لازم تنتظمي بموعد الحبة والا تسببلك مشاكل وممكن يصير معاكي حمل

بالنسبة للولب
اتوقع تركيبه عادي اذا برى جرح الولادة ومايسبب لك الم ان شاء الله

والله اعلم

يفضل اختي تستشيري الطبيبة
وان شاء الله بقية الصبايا يفيدونك


موفقة

بارك الله فيكي اختي على الافادة

[sally 1]

وانا كمان حابه اعرف تركيب اللولب صعب وبيوجع ولا لا انا ع نهاية الثامن وعندي ولد من قبل وم عندي استعداد احمل كمان مرره تعبت هذا وانا توي صغيره ي ليت الاخوات يفيدونا

[دلوعة بالحيل]

حبيبتي اللولب تركيبه جدا سهل
و نزعه كمان سهل
بس لازم تروحي اخر يوم بالدوره أكرمكم الله

[كنت احبك]

السلام عليكم ورحمة الله

ماقدرت انام من العوار والتعب والضيقه ..

قلت اقولكم سالفتي واحتسبها اجر عند ربي نصيحه لكم باذن الله ..

انا توني والده قبل 44 يوم بالضبط

ولدت طبيعي ولله الحمد

وطبعا مثل اي وحده افكر شنو استخدم مانع قبل اطلع من الاربعين

واللي اعرفه ان اللولب ممنوع يتركب قبل 6 شهور او 4 شهور عالاقل

وفعلا ركبته قبل هالولاده مرتين بعد عيالي مره سنتين ومره 3 سنين

مره بعد ولدي ب4 شهور ومره بعد بنتي الثالثه ب 6 شهور

بس هالمره دكتوري حيان قاللي تعالي بعد شهرين اركبه عادي

وبعدين سمعت من بعض البنات ان معصومه مخصيد تركب لولب قبل تطلعين من الاربعين

عجبتني السالفه قلت اروح لدكتورتي اللي اركب عندها دايم اللي هي سكينه فرمن واسال واشوف

سالتها بالتلفون قالت اي عادي اركبه لج باليوم ال35

استانست طبعا

ورحت لها لما تميت 40 يوم بالضبط

وركبته لي بس بسرعه بسرعه لان العياده بتسكر

ماجيكت عالرحم قبل نفس لما ركبته عندها قبل هالمره

بعدين سوت سونار عشان تشوف اللولب وكان موجود بالرحم

طلعت من العياده مامداني وصلت البيت حسيت بمغص وعوار ودوخه

بعدها زاد صار مثل عوار الطلق والدوخه تزيد ماقمت احس باللي حوالي

خذاني زوجي بسرعه لطيبه يقول صرتي صفرا فجاه واكلمج ماتردين علي وتونين بصوت عالي

سوولي سونار داخلي قالوا اللولب مو موجود بالرحم .. سوولي اشعه ..

طلع صج اللولب خرم الرحم وطلع منه استقر تحت المعده

لازم منظار عشان يطلعونه.. رحت دكتور حيان قال المنظار ماراح ينفع لان فيه دم بالجسم

وماراح نقدر نشوفه وبعدين بنضطر نشق ونطلعه ويصير بدال جرح واحد 4

طبعا انهررررت وقمت ابجي خوف وندم وكاسره خاطر نفسي

طلعت من الاربعين وبدش اربعين ثانيه قيصريه ��

قلت خلاص خلنا عالشق والله كريم

سويت العمليه ثاني يوم ركبت اللولب لان يقولون انه لاصار بالجسم يتحرك مايثبت مكان واحد

ممكن ينزل عالمثانه وممكن يصعد للمعده

لما شقوا البطن مالقوا اللولب تحت المعده وطلع متحرك صج من مكانه مره ثانيه

وقعدوا فتره يدورونه لما لقوه غايص بين المصران ��

وطلعوه وخيطوا مكان شق الرحم وشق البطن سووه كبس

وطلعت ثاني يوم بس حيل تعبانه وعالمسكنات

موقادره انسدح ومو قادره امشي عدل واذا قعدت تعبت

بنتي اللي تو ولدتها مو قادره اقوم فيها واجابلها كلش ��

بس احمد ربي واشكره اكثر من مره ومره

اقول اجر وتخفيف ذنوب .. والحمدالله على كل حال

فانصحكم بنات .. اللولب لاتركبونه قبل 6 شهور .. وعسى مايصير باي احد اللي صارلي

وبس .. وادعولي من قلبكم بنات تكفون ��







اختي هلموضووع مش لي بس لوحدة وانا بس نقلتااا لج وسلامتج دعوتج لي ربي يرزقني بالحمل المعافة والولد الصالح

[معانده]

والله انا ركبته عند دكتوره شاطره ماشاء الله جلس ثلاث سنوات اتوقع
لاوجع ولا هم بس استرخي وركبيه اخر يوم من الدوره
لاتركبينه الا لما تسالي عن الدكتوره اذا شاطره او لا
حماتي راحت ركبت عند وحده تقول يناسبك وهي كذابه نزل منها وهي في الحمام تكرمون
لما راحت لدكتورتي هذي الشاطره قالت اصلا مايناسبك لاتركبين وفعلا تمت ع الحبوب ثم اللزقات

[جرح طفله]

أنـآ بعد افكر بللولب.. عندي بنت عمرها سنة و سبع شهور
ولد بسم لله عليهم عمره شهرين ...
وانــآ كلش مالي خلق للحمل و الم ولادة بعد
تعبــــــــــــــــــــــــــــــــــــت كثير ...
ومــآدري كيف الوضع نركب ولا شلون ..؟