عوشرت وايش اسوي

[جوهره الماس]

السلام عليكم كروشات
انا دخلت العاشر من 5ايام ولا ولدت ولا جتني بوادر ولاده مغص خفيف بس
مشيت كثير وشربت خروع وسويت الكبو بس كلها مافيه نتيجه والمشكله مااقدر اخذ طلق صناعي عشان عندي ولاده قيصريه قبل سنتين و8شهور لاتقولون اشربي قرفه شربت
اللي عندها شي مجرب تعلمني والله يدخلها الجنه
موعدي الاحد للعمليه وانا باخذ فرصه الطبيعي
والله يكتب الخير

[امل جديد]

حبيبتي جربي الحمام الساخن يمكن يجيب معاك نتيجة لانو العضلات بترتخي وينفتح الرحم
والله يسهل عليكي وعلينا جميعا يارب

[معانده]

مالك الا الصبر حبيبتي
اتوقع ان حسابك خطا مافيه شي اسمه شهر عاشر والعلم عند الله

[عشرينية]

يارب ياكريم تولدي قبل موعد عمليتك
بس انت البيبي نازل تحت الحوض والا لا؟؟؟؟؟؟؟
انا مثلك من ست شهور ولدت عملية وما ابغى اولد عملية مره ثانية
الله لايكتبها علينا يارب
حاسة فيك بدعي لك بصلاتي

[حجابي عفافي]

حبيبتي اسمعي اولا مافي شي اسمه الشهر العاشر
ثانيآ المفروض يعطونك مهله اسبوعين زياده يعني تصير فتره الحمل٤٢اسبوع
ثالثآ استغفري واقري قران وادعي الله انك تولدين طبيعي وخليهم يشوفون الرحم فاتح ولا لا اذا فاتح يسون لك تحريض
الله يعينك ويقومك بالسلامه وتولدين ولاده سهله وميسره باذن الله

[اطياف الورد]

ياعمررررري انتي والله ماعندي خلفيه بس الله يسهل لك ان شاء الله سوي التمارين حقت الحوامل يمكن تفييد

[جنان علي]

الي تدخل العاشر مشكله مافي إلا العمليه
لكن الله يسهل عليك وييسر أمورك وتولدين قبل موعدك للعمليه

[ملاك أبها]

الله يسهل عليك وعلينا كل شي بيد الله مهما حاولنا وا انا موعد ولادتي اليوم ولا كتب الله
لكن الله ييسرها تووكلي على الله

[افنان الحربي]

انا مع امل جديد جربي الحمام الدافي كثيير يولدون عليه

[عشوق]

مع البنات مافي شي اسمه شهر عاشر ، وربك رحيم هو خلقه ببطنك وهو اللي بيطلعه
صلي واستغفري وان شالله تبشرينا خير

[Ray00m]

سوي تمارين الكره وامشي كثيررر
وهذا رابط مفيد

‫رولا قطامي تتحدث عن طرق لتسريع الولادة‬‎ - YouTube (http://youtu.be/pIkbX4n_ibY)

[سعاد4]

اذا انتي من القصيم. روحي لمستشفى الوفاء بعنيزه. مايستعجلون عليك يعطونك فرصه تولدي طبيعي والكل يمدحه لا تروحين لمستشفى واحد شوفي كل المستشفيات اللي بمدينتك الله يسهل عليك

[فديت الغالي]

الله ييسرها عليك يارب وتولدين طبيعي قبل موعد العمليه
والله يتمم لي ولكل الحوامل

[يارحيم]

كيف تقولون مافيه شهر عاشر؟ الحمل ٤٠ اسبوع وعادة تعتبر اللي كملت الاربعين اسبوع خلصت التسع شهور حقت الحمل.. بعد كذا تكونين دخلتي العاشر.. انا اخذت اسبوع من العاشر بحملي الاول.. خلصت تسع شهور تمام وبديت شهر عاشر ومتاكده من حسبتي وبالمستشفى حاسبلين لي نفس الحسبة..

عزيزتي جربي الجماع قريت كثير انه مني الرجل فيه مواد تحفز انقباضات الرحم وممكن تقرب موعد الولادة.. والحمام الدافي اتوقع كويس.. غير كذا مالك الا تنتظرين ولا تزعلين لو ولدتي بعملية وعسا ان تكرهو شيئا وهو خير لكم يمكن ربي رادك عن شر..

[روووح غاليهااا]

انا كنت معتمده علي العسل والمشي طبعا الدعاء بتسهيل الولاده والاستغفار والله يسهل عليك وع الجميع يارب

[ام الحلى]

السلام عليكم كروشات
انا دخلت العاشر من 5ايام ولا ولدت ولا جتني بوادر ولاده مغص خفيف بس
مشيت كثير وشربت خروع وسويت الكبو بس كلها مافيه نتيجه والمشكله مااقدر اخذ طلق صناعي عشان عندي ولاده قيصريه قبل سنتين و8شهور لاتقولون اشربي قرفه شربت
اللي عندها شي مجرب تعلمني والله يدخلها الجنه
موعدي الاحد للعمليه وانا باخذ فرصه الطبيعي
والله يكتب الخير
والله اختي كل حملاتي اخلص التاسع واخذ اسبوع بعده وتجي من ربك بس كثري مشي وتاكدي ان الجنين مويته ونبضه كويس