الابره التفجيريه وحبوب الدوفاستون!

[نورَه]

السلام عليكم ورحمة الله وبركاته

أسعد الله سائر أوقاتكن بالخير يا ربيه
انا دورتي شهور تييني كل 30 يوم وشهور كل 35 يوم!
عاده سرت للدكتوره وباقي على موعد الدوره تقريبا اسبوع،
يوم شافتني خبرتني انها ايام تبويض وخبرتني انه عادي تكون ايام التبويض متأخره
ف عطتني ابرتين تفجيريه، وحبوب الدوفاستون لمدة 10 ايام
ومن 22-8 خلصت الحبوب، وعدها الدوره مانزلت
غير ماحس بشي، ماحس بأعراض الدوره

وللعلم لو انها ماعطتني الحبوب الدوره اتوقع كانت بتنزل 19-8 تقريبا

ف مب عارفه متى أحلل؟
متزوجه من سنه، وفخاطريه احمل :(

[مريومتو؛]

اصبري حتى تكملي عشرة ايام من اخر حبة دوفستون اذا ماجت خلال هالمده ان شاء الله حامل

["ام تولين"]

الله يفرححك قلبك بالحمل السليم

[اليقين]

الفحص يكون بعد التفجيرية ب14 يوم مش قبل هالمدة ..
واذا مافي حمل على الدوفاستون تنزل بعد 3 الى عشرة ايام..

ويارب تبشرينا بحملك..

[اصدق النيه]

الله يرزقج غناتي بالحمل السليم قريب ان شاء الله
ان شاء الله تكونين حامل وماتيج الا عقب ٩ شهور

[نورَه]

امين يا رب الله يسمع منكن
عدني متفائله وبتريا بعد كمن يوم وان شاء الله اني ابشركن

[نورَه]

للأسف يتني الدوره :)
احباط كل شهر :(
ماعرف شو المشكله بالضبط؟
لأن على حسب كلام الدكتوره كل شي تمام
بشل فكرة الحمل من مخي والله كريم!