كيف تاكلون ؟

[نووونة]

أختكم نوونة حامل في شهر و نص و لسى بادي الوحم معي هالايام
شايلة همه قسسم أكثر من الولادة حتى hwaml15

لأني عارفة نفسي بأسوي اضراب عن الأكل نفس حملي الأول
وهالشي ادري يضر البيبي hwaml8
بس والله غصب عني ما اطيق اللقمة في فمي احس مرة مسدودة شهيتي


قولوا لي كيف أقدر اكل كويس رغم الغثيان
ابي تجاربكم hwaml13

[noora88]

حبيبتي حاسه فيج

هالفتره اللوعه فظيعه :( انا وايد تعبت وماكنت اشتهي اي شي يدخل حلجي

بس تذكري انج تضرين نفسج قبل البيبي
لانه بياخذ كل اللي يحتاجه من عندج اذا نقص عليه شي وانتي المتضرره


يقولون البسكوت المالح يساعد جربته وحسيت مفعوله نص نص
جربي يمكن يفيدج

وجربت ماي مع زنجبيل خفييييف لاتكثرين لانه حار وشوي ليمون ولا بأس شوووي خفف

بس اكتشفت اني لما اخلي معدتي فاضيه مده طويله تزيد اللوووًوعه

كنت احاول قد ما اقدر ما اخلي معدتي فاضيه
وبالليل قبل النوم اكلي موز وشي فيه نشويات
مثلا قطعة توست مع جبن شيدر

حاولي غصب وان شاء الله بتحسين عمرج احسن

لاتكثرين سوائل بالليل لانه يزيد اللوعه
ونفس الوقت كثري سوائل طول اليوم بس بالليل تجنبيها

لانه مب زين يحوشج جفاف وانتي حامل لاقدر الله
والسوائل تساعد على وصول الفوائد الغذائيه للجنين

ادري الماي وايد يسوي لوعه
بس حطي فيه شوي ليمون
اشربي وايد حليب او لبن

اكلي فاكهة فيها سوائل مثل برتقال تفاح او بطيخ احمر

ونفس الوقت لاتثقلين عالاكل

اذا تحبين الاكل البحري زين عالاقل اكلي ربيان مشوي او سمج وعيش ابيض ناشف

لانه ادري بهالفتره اكثر الحوامل مايحبون الدياي واللحم

واكلي بطاطس مقرمشه الشيبس احسه حلو يخفف اللوعه بس لاتكثرين لانه مب مفيد بس عالاقل شي يدش بطنج

وانصحج تشربين عصاير فرش اذا انتي ماتشربين وايد سوائل

[noora88]

على فكره انا توني بالشهر الثالث واللوعه موجوده بس الحمدلله يعني حسيت قلت عقب ماقمت شوي اكل

[نوف العجمي]

حبيبتي الله يساعدك ويعينك
واختي نورا ماقصرة ...وحاولي تغصبين نفسك
عشان الللي ببطنك ياقلبي..وادعي لي ربي يثبت حملي
ويفرحني بشوفته...وجميع الكروشات..آمين

[سمسم3]

الله يسهلك حملك أهم شي الحليب والزبادي والعصيراااااات والفاكهه الله يسهل علينا اجمعين

[نووونة]

الله يجزاكم خير جميعاً
ربي يتمم لنا حملنا و يرزقنا الصالح المعافى
يا رب ()

[إحساس إمرأة]

ماشاء الله الاخوات ما قصرو معك يا قلبي
اهم شيء لا تخلي معدتك فاضيه .....
مده طويله تزيد اللوووًوعه..
خليك دااايما عندك البسكوت المالح
حتى لو ما لك نفس للاكل قصبي نفسك
و الله يتمم حملك على خير
و يسهل ولادتك يااا رب
و تقومين بالسلامة انتي و بيبي
ربي يحفظكم

[إحساس إمرأة]

http://forum.hwaml.com/imgcache2/hwaml.com_1408715262_885.jpg

[إحساس إمرأة]

http://forum.hwaml.com/imgcache2/hwaml.com_1408715277_416.jpg