كل وحده تقول وش تاكل وهي حامل ....

[سمسم3]

السلام عليكم مثل ماهو واضح بالعنوان كل وحده تقول وش تاكل هالايام وهي حامل خلونا نفيد ونستفيد الله يتمم علينا انا عن نفسي احس مقصره بالمره حتى الحليب تجي ايام وماشربه وانا حاسه بالذنب لان بنتي ولدت قبل وزنها كيلو وشوي وللحين وزنها ناقص على ان عمرها اللحين اربع سنوات
ايه وكمان نبي نعرف وش الاكلات الي تزيد من وزن البيبي في بطن امه عشان ماحد يجيب بيبي ضعيف البنيه

[noora88]

والله مع اللوعه احاول اكل غصب تمر يومياً

الحمدلله اكل من ٥ الى ٧ حبات والتمر فوايده معروفه بالمعادن والفيتامينات

واحاول اشرب يوميا كوب كوبين حليب طازج

وجبن وصمون المهم شي فيه نشويات وسكر لانه اذا نزل مستوى السكر بالدم تزيد اللوعه

والنشويات بعد ينصحون فيها للحامل بالليل لاتقولون رجيم ولا بطيخ
اهم شي صحة الام والطفل والاعتدال احسن شي

مثلا بطاط مسلوق .. معكرونه خفيفه ، عيش ومنتجات القمح

واحياناا اكل ذره اللي اتيي جاهزه تنباع عند باب الجمعيه او عند المحلات

الذره فيها فوايد وتساعد على تخفيف اللوعه

واكل احيانا تفاح او موز او روب


لكن اللي مستمره عليه يوميا هو التمر والحليب وشي فيه قمح و جبن

[noora88]

طبعا واايد يمدحون المكسرات والزبيب

ناويه اشتري زبيب لانه غني بالحديد

بس مكسرات جربت اكل لوز سوى لي لوعه :/

[نوف العجمي]

الله يتمم علينا يارب
انا زيك اختي..كارهه اولا طبخ بيتي
وماادري وش اكل ...اذا كليت تمر واشرب لبن
والحليب مااحس اهتم فيه وصادقه اختي نورا المكسرات بالنسبه
لي جابتلي اللوعه...وان شاءالله يفيدونا الاخوات

[Om d7omy]

الله يتمم علينا يارب
انا زيك اختي..كارهه اولا طبخ بيتي
وماادري وش اكل ...اذا كليت تمر واشرب لبن
والحليب مااحس اهتم فيه وصادقه اختي نورا المكسرات بالنسبه
لي جابتلي اللوعه...وان شاءالله يفيدونا الاخوات

نفس حااااالي
بس تمر وقليل بعد حليب
صايرة اشتهي الفواكه كثير بس اغلب اللي اشتهيهم مو موسمهم :(

الله يتمم لكم على خير

[همسات دافئه]

والله ما اكل شي محد الي قدامي اكله وبعده غثيان يخليني اندم ع الاكل

الحمدلله الله يقومنا بالسلامه يارب

[رنيم**]

مووووووووووضوع ممتاز

[ندى الوردة]

انا من تجربتي السابقة كنت حامل ببنتي واجا شهر رمضان الكريم كانت عندي مراجعة وقالتلي الدكتورة انو الجنين ضعيف كنت بالشهر 5 طبعا خفت كثيييير وماقدرت افطر برمضان فطرت 10 ايام بس يوم بيوم مو ورا بعض المهم قالتلي بماانو الجنين صغير لازم تراجعيني بعد 15 يوم نشوف الوضع واذا استمر ضعيف لازم تنتقلي المستشفى يشوفو السبب رجعت للبيت مدمرة بكاء وحزن شديد ثم بديت يوميا آخذ كوب حليب محلى بالعسل واذا صمت آخذه مع الأذان واتمم فطوري والله رجعت بعد 15 يوم انبهرت قالت الجنين كبر أكثر من المتوقع وقالتلي مافي داعي للمستشفى جنينك بألف سلامة وولدت بنتي وزنت 3 كيلو 300 غرام
طولت بس حبيت افيدكم

[Orchid109]

الشي الوحيد اللي قدرت اكله

هو التمر وفقط

اما بقية الاكلات كلها تجيب لي لوعة
يازين الحمل بدون اللوعة

[سمسم3]

طيب سمعت فيه حليب للحامل ينصحون فيه أسمه ليدي ميل وفيه منه نكهات ميييييييييين جربه ونفع معااااها

[اثير بنت ابوها]

الدجاج مااكله

[عاليه 123]

والله ماله دخل الأكل أذكر بولدي كانت نفسيتي مفتووحه بالأكل مقالي وسندتوتشات وحلويات ومع ذلك حبيبي جاء كيلو ونص
بنتي كانت شهيتي مسدوده وكنت مهتمه بجسمي وأركز على الفواكه والخضروات والألبان وحبوب الفيتامين والحديد
وماشاء الله تباااارك الرحمان 3 كيلو ...

[عبودي كل حياتي]

ياربيه خوفني موضوعك وربي مااكل ولا احرص ع الاكل الصحي كله شيبسات وايس كريم
انسى اني حامل

[معانده]

اهم شي التمر واللبن للحامل

[سمسم3]

لا انا ماخوفكم بموضوعي الزبده ان الا كل اللي ماله فايده مارح ينمو الجنين معاه مثل ماقالت الاخت الفواكه والاجبان هي الي تنمو الجنين في بطن امه

[Reham.]

انا حالتي حاله مااكل شي
وعايشه عالمحاليل والمغذيات والابر
ربي يصبرني بس ويعيني ❤️