دردشة حوامل مملكة المغرب - تجمع بنات المغرب

[ام صيصة]

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين

انا لم ارى اي تجمع لبنات بلادي فحبيت ان اجمعهم لتبادل الخبرات التقليدية بتاعنا الي متغيرة على باقي البلدان العربية
اتمنى نتلاقاو و نتعارفو و نتابعو بعضياتنا و نواسي بعضيتنا و ندعي لبعضيتنا و نكون بحال لخوت بما اننا مغتربات لا ميمة حدانا و لا اخت و لكن رحمة ربنا معانا
يلا كل وحدة تسجل و تقول اين هي مغتربة و كيف هي المتابعة بالبلد المغترب فيه و اين ستدلد ان شاء الله
لهلا يحشمنا حمرو لوجه و تجمعو hwaml12

[ام صيصة]

غادي نبدا براسي انا الاولى
انا ام سيف مغتربة بالامارات من 10 سنين
عندي سيف سنتين
حامل ان شاء الله في الشهر الثالت
متابعة مع دكتور مصري في عيادة خاصة اسعار طبعا نار
نفس الدكتور الي ولدني في سيف ان شاء الله متابعه معاه
ان شاء الله الولادة في الامارات كفما الاول

يلاه هادا نموذج اتمنى تدخلو و نتعرف على بعضينا ان شاء الله

[ismahan2000]

السلام ام سيف و جميع المغربيات سواء المغتربات او غير مغتربات.انا بالفعل مغربية و لكن ماشي مغتربة.انا ساكنة في المغرب و لكن بعيدة عن اهلي بحكم العمل.انا اريد ان اهنئكم على التجمع الجديد و ارجو ان يكون تجمع مبارك او مسعود.انا بكرية حامل في الاسبوع 16 و متابعة مع دكتور في عيادة خاصة.عمري 27 سنة.اتمنى اليسر و التوفيق لجميع الحوامل

[ام صيصة]

اهلا اختي اسمهان طبعا مرحبا بيك معانا في افتجمع
و الله يكمل عليك بيخير و علينا يا رب و نشوف اولادنا بصحة جييدة
اتمنى كل مغربية فيما كانو برا مغرب او داخله المهم نونسو بعضياتنا
و الله يجمعنا على خير

[ام الخلفاء]

واش نتوما هنا وانا مافراسي ميتعاود

الله يعطيك الصحة اختي ام صيصة على هاد الفكرة نيت انا دخت على ما تلاقيت واحد المغربية فالمنتدى

على اي انا ساكنة فلكابون هدا عاد اول حمل ليا فالشهر السادس
وغنزل انشاء الله نولد فالمغرب عند الواليدة

ايوا هدا مكان الله يجعل هاد التجمع تجمع الخير بالخيرات
انا عمري عشرين سنة
واحبكم فالله

[dolce]

السلام عليكم البنات نهار كبير هداا ومرحباا تانا مغربية لكن عايشة في ايطالياا عندي طفل واحد ولد وانا دابا كنت حاملة لكن سقطت لانو صار حمل كيس وبدون جنين والبارح يله ختكم جات من المستشفى الله يعوضني خير انشاء الله

[ام صيصة]

واش نتوما هنا وانا مافراسي ميتعاود

الله يعطيك الصحة اختي ام صيصة على هاد الفكرة نيت انا دخت على ما تلاقيت واحد المغربية فالمنتدى

على اي انا ساكنة فلكابون هدا عاد اول حمل ليا فالشهر السادس
وغنزل انشاء الله نولد فالمغرب عند الواليدة

ايوا هدا مكان الله يجعل هاد التجمع تجمع الخير بالخيرات
انا عمري عشرين سنة
واحبكم فاللهhwaml7
hwaml7hwaml7 مرحبا و الف مرحبا نهاركبير هدا الله يكمل بلخير و توصلي لواليدة على خير و هون لغربة علينا كاملين

[ام صيصة]

السلام عليكم البنات نهار كبير هداا ومرحباا تانا مغربية لكن عايشة في ايطالياا عندي طفل واحد ولد وانا دابا كنت حاملة لكن سقطت لانو صار حمل كيس وبدون جنين والبارح يله ختكم جات من المستشفى الله يعوضني خير انشاء الله


ايوا خصنا نديرو شوية ديال كعب غزال و غريبة و نحطو صنية ديال اتاي مولاتي مشحر باش نستقبلو بنات بلادي لعزاز

اختي دولسي الله يعوضك خير ان شاء الله قدر الله ما شاء فعل و على سلامتك
ان شاء الله ربي يجعلهالك في ميزان حسناتك
اوا منين كل وحدة تقول من المغرب؟؟؟؟
انا بنت سلا و اصلي صحراوي و لكن الشرقية ماشي الجنوبية هههههhwaml12

[dolce]

اييه علاش لا ام صيصة هياا انتى قريبة لياا تانا راني بنت الرباط اش غادي نديرو الصبر وخلاص وانشاء الله تولدوا على خير البنات وربي يكمليكم ايوة هانتوا قولولهاا لياا باش ندير الرفيسة ههههههههه

[ام الخلفاء]

اهلا لبنات اش خباركم اختي دولس الله اعوضك بالخير الحمد لله على سلامتك

ام صيصة نقلك شي حاجة هاد الللقب عندك كيضحكني ولكين زوين منين جبتي تاني هاد صيصة

المهم انا راني بنت مراااااااااااااكش الحمرا ولكين اصلي شلحة من تفراوت مشرفييييييين

يا بنات بلادي

[dolce]

الله يسلمك اختى ام الخلفاء ماقلتيش ليناا عندك شي وليدات ولا حاملة خبروناا شو اخباركم مع الحمل

[ام الخلفاء]

اناعاد اول حبالة ليا اختي دولس الله يفكنا على خير

[ismahan2000]

السلام اخواتي ام صيصة و ام الخلفاء و دوليسي و جميع المغربيات في كل مكان.نتمنى تكونو بخير.اختي ام الخلفاء الله يجيبك على خير و تولدي بالصحة و السلامة و ناكلو من رفيستك ان شاء الله قبل ما نولدو حتى حنا.اما اختي دولسي ما تقلقيش الله يعوضك على ما فقدتي.ما مكتابش.و عسى ان تكرهو شيئا و هو خير لكم و الحمد لله في جميع الاحوال.و تهلاي فراسك.المهم انا اصلا من مراكش و لكن كبرت في الجديدة و دابا خدامة في نواحي اسفي يعني مزيج من 3 ديال المناطق ههههههههههههههه.متشرفين االبنات

[dolce]

انشاء الله ربي يفككم على خير ويفرحكم يارب

[ام الخلفاء]

مرحبا اختي اسمهان غدي نكلو الرفسة انشاء الله وليني راه الاخت دولس هيا لي تكلفات بيها

ههههههههههههههههههه

لعقبا ليها انشاء الله ولكل من باغي

اختي اسمهان انتي حاملة عندك شي وليدات ؟

[ام الخلفاء]

مشفتوش الاخت ام صيصة غبرات عسى ماشر

[ismahan2000]

السلام عليكم.جمعة مباركة ان شاء الله.اياه اختي ام الخلفاء انا حاملة في الاسبوع 16 يعني غادي ندخل ل 4 شهور.الله يكمل.حتى انا هدا هو حملي الاول الله يعونا عليه.

[dolce]

السلام عليكم كيف راكم مع الحمل شوية ايوة معندي مندير انتوماا مثقلات انا الي غادي نديرالرفيسة ماكاين باس كيدايرين مع الحمل وانشاء الله ام صيصة تكون على خير شفتهاا غبرات
اجي نقوليكم تتاكلوا الفوليك اسيد تيعطيوه ليكم في اول الحمل تماا راه ضروري ومفيد

[ismahan2000]

الله يبارك فيك اختي دولسي.باينة فيك حادكة.ايوا ا لحمل ها حنا غادين معاه الحمد لله.انا كاناخد حمض الفوليك و لكن للاسف ما خديتوش من بداية الحمل حينت هو مفيد بزاف في 3 شهور الاولة.عرفتو انا اليوما مسافرة غادي نشوف دارنا توحشتهم .العقوبة ليكم حتى انتوما و الله يعاونكم مع غربتكم.ايوا نشوفوكم نهار الاثنين ان شاء اللله.

[ام الخلفاء]

طريق السلامة اختي اسمهان تمشي وترجعي بالسلامة انشاء الله

اه اختي دولس خديت فالاول الفوليك اسيد ومجوعة دلفيتامينات على حقاش انا كنت ناقصة فالوزن بزاف

ايوا الزواج اومايدير هههههههههههههههه

ودبا كتبات ليا الحديد ناخدو حتى نولد

بلاتي حتى حنا خصنا نطالبو بتتبيت التجمع ديالنا
اولا لا
كنجي نرد عليكم كنلقا الموضوع طار تنقلب الصفاحي تنلقاه فالتالتة والى اكتر

[ام صيصة]

مرحربا بناس الرباط و مراكش عقبال المدن تانية
ايه اخيتي عاش منديروش الرفيسة راه شي عامين ما دقتها هههههه الله يستر

اهلا بام خلفان هاد لقب ديال ولدي على سمية مسلسل احمد ادم في رمضان الا شفتيه كان اسمو صيصة و عمو و ابوه لقبوه بصيصة و هو اسمتو سيف على فكرى زوجي مصري داكشي علاش كيحبو يدلعو سميات ولادهم هههه

[ام الخلفاء]

الله اخليه ليك اختي ويهديه غير بيت نضحك معاك شوية ولكين زين الدلع شكون الي كره هههههههه

شوشتينا عليك غبرتي

ولكن الحمد لله على السلامة

[dolce]

اختى اسمهان الله يديك على خير انشاء الله ام صيصة عامين مادقتيش الرفيسة ويلي اصحبتي وانشاء الله نبقاو على اتصال ديماا

[Om KHaled]

أهلا , اهلا بالغزالات
انتما هنا ونا مافخباريش بصراحة الله يعطيك الصحة أختي أم صيصة على هاد الفكرة في تجمع المغربيات , فرحت بزاف فااش شفتو وان شاء الله ربي يجمعنا فيه على خير ونكونو اسرة فيه حيث والله ربي الللي عالم بينا خصوصا احنا المغتربات توحشنا الهدرةبالمغربية وماكانلقاو معامن نتكلموا ...معلش نسيت نعرفكم على نفسي
انا نور القمر طبعا اسم مستعار بنت فاس مزوجة سعودي وعايشة بمكة من حوالي 6 شهور .. انا حاملة ب 5شهور ان شاء الله هذا اول حمل لي , عمري 28 سنة ونا فرحانة بزاف بزواجي الله يكمل لي بالخير ويسعدنا مع بعض ...
تحياتي

[Om KHaled]

بالنسبة للتثبيت اكيد نبغي تجمعنا يثبت , وانا طلبت من الادارة وان شاء الله يقومو بالواجب

ولكم احلى تقييم لتجمعنا


تحياتي

[**سماسم**]

حياكم الله يالغاليات وتجمع مبارك بإذن الله ..
وربي يسهل لكن الحمل و الولاده
,,

[dolce]

اختى نور القمر مرحباا بيك معاانا ومع بنات بلادك وربي يكمليك الحمل على
خير يارب
يسلمووو سماسم والله يحييك وانشاء الله يسهل لكل الحوامل

[Om KHaled]

حياكم الله يالغاليات وتجمع مبارك بإذن الله ..
وربي يسهل لكن الحمل و الولاده
,,

الله يحييك يا الغالية سماسم وربي يكرمك وشكرا كثير على تلبية الدعوة
جزاكِ الجنة

[Om KHaled]

اختى نور القمر مرحباا بيك معاانا ومع بنات بلادك وربي يكمليك الحمل على
خير يارب
يسلمووو سماسم والله يحييك وانشاء الله يسهل لكل الحوامل
الله يبارك في عمرك أخت دولسي , ربي يسمع منك ان شاء الله وعلى الجميع يا رب

[dolce]

بنات مبروك السكن الجديد ويسلمووو سمسومة على تثبيت الموضوع

[ام الخلفاء]

احم احم نحن هنا

مرحبا بنور يلاه لقيتيني كنقول مع راسي منقصنا هنا غير نور القمر يا قمر

مشكورة اختي سماسم ربي يخليكي

ايوا دبا مبقيت نقلب غنجي ديركت

هههههه

ايوا كيديرين واش خبارالبيبيهات كاين شي ركيل ولا والو

ههههههه

الله يفكنا على خير ياربي

ويرزق كل من تتمنى
امين

[Om KHaled]

مرحبا بالزين ديالي , لباس عليك ؟ شخبارالنونو
انا الحمد لله بخير, هالايام دخلت الخامس وحسيت شوية بحركات النونو ومبقيتش قنقدر نجلس لازم نتسطح على ظهري حيث كاتجيني شي نغيزات كتهولني واش هادشي من الرجيلات ديالو ولا شنو راني ماعنديش خبرة في هادشي , من اسبوع كنت كانحس بوجع اسفل البطن للجهة اليمنى ومكنقدرش حتى نمشي والحمد لله هاد الايام خفات شوية .. عندي موعد مع الدكتورة يوم 26 في هاد الشهر وكنتسناه بفارغ الصبر حيث مشوقة نعرف جنس الجنين
الله يتمم لينا الحمل على خير
يا رب العالمين

[miss LV]

السلام عليكم
كيدايرين خواتي العزيزات
مبروووك عالتجمع
انا مغربيه مغتربه بالسلطنه وحامل في الشهور الاولى اتمنا المزيد من التوفيق للتجمع

[ام الخلفاء]

هلا بيكي مس لف ربي يتمم لك على خير

عسولتي نور راه حتى انا طرالي بحالك تقريبا غير انا كان عندي لوجه فلمسعودة هههههههه
عرفتيها المؤخرة الله يكرمكم فالنص الايمن كنت الى تحدرت نهز شي حاجة صافي تما بقيت
كنتكوانسا

وبالنسبة للنغزات حتى هما جاوني بلاتي دخلي للسادس وتشوفي الركيل والكومبات غيبداو فكرشك هههههه تبارك الله على النونويان الله احفظهم

حتى انا عندي رونديفو انشاء الله نهار الاربع اخر رونديفو قبل ما نسافر انشاء الله

ربي يفرحك بالي تمنيتي نشوفو واش غيكون تما شي صاحب لعمرانيتو ولا شي خاطيبة ههههههه

ربي معاك متغبريش

[dolce]

مس لوف مرحبا بيك معانا وربي يكمل عليك في حملك انشاء الله
نور القمر مازال ماشفتي النغيزات ديال بصح انا في ولدي ماشاء الله كان تيتحرك بزاف شبع فياا ركيل انا في الشهور الاخيرة كان تيبقى صاقل تل ديك الزوج ديال الليل شوية وتنبدا جالسة كرشي تتمشي وتجي داير الوقت كل نهار مع ديك الساعة ونهار ولدت جاني الوجع سبحان الله في داك الوقت بالضبط واحد النهار جلست تنبكي والله حيت كان راسو على النبولة ايوة مانقوليكمش على ضربات في الشهر التاسع دابا الي غنقوليكم شبعواا نعيسات مع راسكم ههههههههههه

[ام الخلفاء]

اهلا لالة دولس وباين ليا واقيلا هاد البيبي الي عندي كيشبه ولدك الله يخليه ليك
حتى هو مكيجيه الركيل تباركالله حتى الليل

وقيلا غير نمشي فين نشبع نعاس حسن ليا

ياربي تهون عليا وعلى جميع الاخوات

[miss LV]

شكرا عالترحيب والله يمتعكم بالصحه والعافيه ويرزقكم بالذريه الصالحه

[Om KHaled]

مرحبا بيك اختي ميس لوف , شخبارك ؟
حياكم الله جميعا

[MALAK2010]

http://forum.hwaml.com/imgcache2/hwaml.com_1286694036_847.gif

[Om KHaled]

يجعلها ربي في ميزان حسناتك اخت ملاك

[ام صيصة]

hwaml30hwaml12
l ما شاء الله و لا حولة و لا قوة الا بالله
انا جد جد فرحانه بهاد التجمع الله يخلينا ديما مجموعين و نسولو على بعضيتنا
الله يكمل علينا بيخير و نشوفو بيبيهاتنا على خير
اما موضوع ركيل غير نعسو على رحتكم المبارات ما تبا حتى نص الحمل غادي ينعسوكو على الجنب الي يبغيو هما هههههه بحال ولدي كان ديما ينعسني على جنب واحد و ايلا درت يركل ليا يركل حتى نتقلب على الجنب الي باغيه هو شفتيو تحكم من الكرش الله يحفضهم لينا و يجيب الي في غيب على خير

و الله العضيم فرحتوني يا لبنات بانكم تجمعتو ما شاء الله عليكم و الله يحفضكم

[ام صيصة]

الله يجزاكي خير يا الغالية سماسم على التثبيت
ربنا يجعلو بداية خير
مرحبا بكل الي جا لعندنا

و الف الف مبروك التثبيت

[ام صيصة]

معلش كنت غابرة على ود كان عندي نت كيفصل
كان عندي زيارة للطبيب الحمد الله طمني انو طبيعي بيتحرك و الحمد الله و انا عاد دخلت في الرابع الله يكمل علينا بالصحة و العافية
اما الادوية فكنت اخد فوليك قبل و من بعد الحمل مع اسبيرين و تحاميل للتثبيت
و دبا خرج ليا الحديد و الكالسيوم
كين شي وحد ة بحالي كلي دوايات الحمد الله


يا لبنات ديرو وقت ندخلو فيه كاملين و يناسبنا كاملي

[ismahan2000]

السلام البنات كيف دايرين لباس عليكم و كيف دايرين البيبيهات نتمنى يكونو في صحة جيدة.و الله الا توحشتكم بزااااااف و فرحت ملي لقيت التجمع ديالنا تثبت و توسع.مرحبا بالاعضاء الجدد.نور القمروميس ليف و ملاك.اختي سماسم شكرا على التثبيت.الله يكمل عليكم حملكم يا رب.عرفتو لقيتكم كنتو كتكلمو على الركيل انا مازال ماكنحسش بحركة الجنين و لكن كنتسنا بفارغ الصبر النهار اللي نحس بيه و يونسني شوية وااااااو اكيد شعور راااائع الله يكمل علينا يا رب

[ام الخلفاء]

مرحبا بيك بين بنات بلادك اختي ملاك

ام صيصة كتقتليني بالضحك بداك الصورة الي دايرة فالصورة الشخصية ديالك
وخصوصا ديك السنة ههههههههههههه

كيديرين لباس عليكم اش خباركم

عندك الحق اختي خصنا نديرو شي وقيت نتلاقاو فيه

نتمنى نشوفكم على خير

[سوسنة]

اهلا وسهلا بنات بلادي انا فرحانة بزاف ملي لقيت هاد التجمع ديالكم
انا مغربية من مدينة الحسيمة ريفية ولكن عايشة فبيلجيكا مغتربة وحاملة فالشهر السادس منكدبش عليكم مكرهتش نولد دغيا بش اونسني ولدي فهاد الغربة وعمري ٢٠

[Om KHaled]

مساكم الله بالخير
شخباركم بنات بلادي ؟؟؟ انا الحمد لله بخير مرحبا بالجميع في تجمعنا
الله يسهل على كل وحدة الحمل ويفكنا على خير يا رب العالمين
بخصوص نتجمعو في وقت واحد نظن هادشي صعيب حيث كل وحدة منا في بلاد وكل وحدة والوقت اللي عندها شيء عندو الصباح شيء عندو الليل
اهم شيء نسولو على بعضيتنا ومنساوش بعض
تحياتي للجميع

[dolce]

السلام عليكم البنات كيفكم مع الحمل ام صيصة فكرتيني في النعسة ديال الجنب انا في ولدي جنابي طابوا وليت تنقول امتا نجي ونتلاح على كرشي شوية تقهرت خصوصا في الشهر التاسع ولدت تالاخير وليت تنجر وفي ديك الفترة تتبلوكا لياا رجلي سبحان الله من جهة الفخد على غفلة ونهار انولد مخليت فين درت مادخلت تليل غير جيت انعس واجي قالياا نوضي تمشي تولدي الجهد مابقاش هههههههههههههههه ايوة الله يفككم على خير غير انتوماا ضربواا وقيسوا في الخريج ماديروش فحالي
الاخت سوسنة مرحبا بيك بيناتناا وانشاء الله تفرحي بالنونو بغيتي غير الوناسة وجدي انشاء الله تونسي تتولي طلبي لي يعاونك هههههههه
ام صيصة بالنسبة للتوقيت الصراحة كاين فرق ساعات بيناا ولكن نحاولواا انشاء الله خصوصا لي ماخدامينش غير في الدار

[amira alaoui]

السلام عليكم انا ايضا مغربية مغتربة في بلدي عمري ٢٠سنة حامل لاول مرة الشهر السابع اقيم في مدينة العيون شكرا ام صيصة على هدا التجمع

[Om KHaled]

مرحبا بيك اخت اميرة العلوي وباهل العيون , سعادتك مزاله في بلادك راني توحشتو بزاااااااااااااف
الله يصوب وصافي

[ام صيصة]

السلام عليكم انا ايضا مغربية مغتربة في بلدي عمري ٢٠سنة حامل لاول مرة الشهر السابع اقيم في مدينة العيون شكرا ام صيصة على هدا التجمع


http://forum.hwaml.com/imgcache2/hwaml.com_1286876732_352.gifhttp://forum.hwaml.com/imgcache2/hwaml.com_1286876733_849.gif


بناس الصحراء الغالية بكل مدن المغرب العزيز لغالي

[ام صيصة]

http://forum.hwaml.com/imgcache2/hwaml.com_1286877394_792.gif
http://forum.hwaml.com/imgcache2/hwaml.com_1286877394_607.gif
شكرا ليكم على روح المحبة الي خلاتكم تجتامعو
انا حبيت اعمل واحد الجدول باش نعرفو كل وحدة الي قربات تولد قبل الاخرى ندعيو ليها حتى ربي يفكها على خير و هكدا حتى ربي يمرر لينا ششهورنا على خير

الجدول كالتالي

الاسم المستعار------ شهر الحمل الحالي-----موعد الولادة -----نوع البيبي

1-ام صيصة ----- اول الرابع------ ان شاء الله07/04/2011---الله اعلم
2-ismahan2000---شهر الرابع-----
3-ام خلفان---- - شهر سادس------
4-نور القمر -----شهر الخامس-----
5-miss lv -----شهر الاول ----
6- سوسنة- ------ شهر السادس- -- --
7- amira alawi- --- شهر السابع --- --

و ان شاء الله مجموعتنا تكبر يا رب و نتابع بعضنا و ندعيو لبعضياتنا
المطلوب كل وحدة دير كوبي و تكمل لخانة بتاعتها بحال المتال بتاعي

http://forum.hwaml.com/imgcache2/hwaml.com_1286877394_677.gif

[dolce]

تسلم ايدك ام صيصة والله يتمم لكم على خير انشاء الله
مرحبا بيك الاخت اميرة والله يكمل ليك وتولدي على خير

[ام صيصة]

ربي يخليك ازين و تفرحينا في القريب العاجل بحملك ان شاء الله
http://zoom.maktoob.com/showImage.php?setID=&groupID=&showPrivate=&ImageID=1000608696&size=500

[dolce]

انشاء الله ازين غير دابا خاصني راحة شوية بعد الاجهاض راكي عارفة بيدماا نرتاح شوية وربي يكتب لي فيهاا الخير يارب للجميع

[ام الخلفاء]

مساء الخير على بنات بلادي كيف دايرين لباس عليكوم ؟

[ام خطاب3]

انا بالاسبوع الخامس ولا احس باي وحم هل هذا طبيعي

[ام الخلفاء]

طبيعي ام خطاب انا ماجاني وحم اصلا يعني ما توحمت هههههههه

[ام خطاب3]

يعني ماحسيتي باي شيئ
انا بس مغص ببطني وظهري وصدري

[ismahan2000]

السلام يا امهات المستقبل.كيف دايرين نتوما و البيبيهات.مرحبا بيك يا اميرة وسطناانتي و ام خطاب.بالنسبة لام خطاب شئ طبيعي لو ما حسيتي باي وحم.انا ايضا ما حسيت بحتى شي وحم باستثناء قيئ خفيف في الاسبوع 9 او 10.و الان الحمد لله حملي غادي مزيان و في ضروف جيدة.الله يكمل عليكم

[ام خطاب3]

امين يارب
انا مره خايفه

[ismahan2000]

الاسم المستعار(اسمهان2000 )شهر الحمل الحالي-(بداية الرابع )موعد الولادة( ان شاء الله 22 مارس)---نوع البيبي (في علم الغيب)

و ماكرهتش تزيدو حتى اش قررتو تسميو البيبي.بالنسبة لي الى كان ولد غادي نسميوه محمد على سمية اب زوجي الله يرحمو..اما اسماء البنات فهي كثيرة و زوييينة مازال تالفين او ما قررناش.
ايوا نتوما البنات عاودو لينا عليكم و امتا غادي تولدو ان شاء الله

[dolce]

مرحبا بيك ام خطاب في تجمنا وبالنسبة للوحم كل وحدة وجسمهاا وفي الي يجيهاا بعدين لانو الوحم يبتدي من الاسبوع السادس مافوق ويمكن يجيكي خفيف مثلي لمدة اسبوعين وراح والله يسهلك ولي جميع الاخوات الحوامل

[سوسنة]

"سوسنة موعد الولادة ١٨ من يناير وعندي ولد وبغيت نسميه عمران
والله اسهل علينا لولادة يا ربي آمينن

[ام الخلفاء]

سوسنة تصدقي انتي بحالي فموعد الولادة وفجنس المولود وحتى انا وراجلي قررنا نسميو عمران

يا سبحان الله

تصوري دبا ولدنا فنفس النهار انشاء الله

ههههههههه

سبحانك ربي

[Om KHaled]

السلام عليكم
كيف عاملين خواتاتي المغربيات ؟

ان شاء الله تكونو بخير وفي صحة جيدة

شكرا اخت صيصة على الجدول

اش رأيكم نديرو شجرة الاسرة المغربية في هاد التجمع وكل وحدة تسجل فيها اسمها باش تبقى ذكرى ومنها نكونو اسرة كبيرة ان شاء الله
يلا نبدأ


( •_• نـُور القـمَر •_• )
(.........) (.........)
(..........) (...... ...) (......... ...)
(......... ...) (.............)(...........)(............)
(........)(............)(.............)(.......... ...)(...........)(........)
(......... ...) (................)(.......................)(...... ...........)(......... ...)
(......... ...) (......................)(....................)(... .........)(.................)(......... ...)
(............) (...................)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(...........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)

[ام الخلفاء]

اهلا الحبيبة نور يا قمر

هيا الاولى هي الي متعاود


( •_• نـُور القـمَر •_• )
( ام الخلفاء) (.........)
(..........) (...... ...) (......... ...)
(......... ...) (.............)(...........)(............)
(........)(............)(.............)(.......... ...)(...........)(........)
(......... ...) (................)(.......................)(...... ...........)(......... ...)
(......... ...) (......................)(....................)(... .........)(.................)(......... ...)
(............) (...................)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(...........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)

الله يديم المحبة بيناتنا يا ربي

قولو امين

[ام الخلفاء]

لبنات بغيت نسولكم شي حاجة وخا جاتني حشومة
ولكين راكوم عافين الغربة لا حنين ولا رحيم الا سيدي ربي وثم انتوما

خرجات ليا واحد اللحيمة فاللور حشاكم معرت واش باسر هدوك ولا شنو وانما مفيها لدم لا والو غير خارجة وصافي

معرفتش اشنو دكشي

الي عرفات فيكوم تفيدني

ربي يخليكوم

[Om KHaled]

اختي ام الخلفاء شكرا بزاف على الانضمام للشجرة , لاباس عليك ما تشوفي شر نتمنى تروحي للدكتورة هي اللي عندها خبرة

[Om KHaled]

http://forum.hwaml.com/imgcache2/hwaml.com_1286955583_596.gif


لبنات مدام احنا مجمعين هنا علاش للي ما نفيدوش بعضيتنا بشيء اكلات مغربية وخصوصا اننا كل وحدة من مدينة ومنها نكتشفو الاكلات المغربية

انا عندي ليكم حلوة الفقاص ان شاء الله تعجبكم





فقاص بالمربى وكاوكاو


المقادير:


5 بيضات
خميرة حلويات
ملعقة كبيرة الزبدة
الدقيق
زلافة زيت
زلافة سنيدة
ذرة ملح


للتزيين:


كاوكاو محمر مقشر ومهرمش
مربى مشمش


الطريقة:


يمزج البيض مع السكر .. beurre.. الزيت.. الملح ثم الخميرة والدقيق الكافي لجمع العجينة.
نشكل كرات نبسطها بالمدلك..ندهن وسطها بالمربى ثم نرش فوقه الكاوكاو




http://forum.hwaml.com/imgcache2/hwaml.com_1286955584_627.jpg


نلف العجينة على نفسها حتى نحصل على شكل رولو
ندهنه بالبيض ..ونضعه في الفرن *يطيب نص طيبة *




http://forum.hwaml.com/imgcache2/hwaml.com_1286955584_495.jpg


بعد إخراجه من الفرن ...وحتى يبرد ..نقطعه كما في الصورة ونعيد تحميره في الفرن.



http://forum.hwaml.com/imgcache2/hwaml.com_1286955584_699.jpg


ان شاء الله يعجبكمhttp://forum.hwaml.com/imgcache2/hwaml.com_1286955584_430.gif http://forum.hwaml.com/imgcache2/hwaml.com_1286955584_430.gif

[ام صيصة]

صباح لخير عليكم
تبارك الله عليكم و عليك اخيتي نور هادشي كيشهي و لكن لخاطر ما كينش باش ندير شي حلوة نتسنا لوليدة مني تجي ان شاء الله

ايوا فين وصلنا في الجدول

الاسم المستعار------ شهر الحمل الحالي-----موعد الولادة -----نوع البيبي

1-ام صيصة ----- اول الرابع------ ان شاء الله07/04/2011---الله اعلم لو ولد يوسف ولو بنت لجين ان شاء الله
2-ismahan2000---شهر الرابع----22-03-2011 لو ولد محمد ان شاء الله
3-ام خلفان---- - شهر سادس------18-01-2011 لو ولد عمران ان شاء الله
4-نور القمر -----شهر الخامس-----
5-miss lv -----شهر الاول ----
6- سوسنة- ------ شهر السادس- -- 18-01-2011 لو ولد عمران ان شاء الله
7- amira alawi- --- شهر السابع --- --


ما شاء الله عليكم ام خلفان و سوسنة سبحان الله الله يكمل عليكم بالخير

يلاه يا امهات كملو جدول الي باقي ما كمل باش نبداو نحضرو السفوف للي قرب hwaml03hwaml10

و اكيد نور فكرة الشجرى جميلة شكرا

[ام صيصة]

( •_• نـُور القـمَر •_• )
( ام الخلفاء) (ام صيصة)
(..........) (...... ...) (......... ...)
(......... ...) (.............)(...........)(............)
(........)(............)(.............)(.......... ...)(...........)(........)
(......... ...) (................)(.......................)(......

[ام صيصة]

امين يارب
انا مره خايفه
اهلا و سهلا بينا يا ام خطاب3 hwaml7و امر الوحم عادي جدا انا كدالك لم اشعر بشء في اول الشهور حتى شكيت في الحمل بس الحمد الله امر طبيعي لا تخافي ربنا يطمنك

[ام صيصة]

ام خلفان ربنا يشفيك ويعافيك من كل شر انت لازم تستشيري طبيبك هو الي يقول اشنو هوا باسر و لا غير جليدة خرجت لي من تقل الي كنعرف بواسير تتكون عامرة بالدم و كتدير لحريق
و متقدريش تجلسي عليهم الله يحفضنا منهم
الله يسمعنا عليك خبار لخير مني ترجعي من طبيب طمنينا عليك و ان شاء الله خير

[ام الخلفاء]

شكرا ختي ام صيصة وانت ياقمر اسول فيكم الخير انا انشاء الله واحد شوية غنمشي عند الطبيبة نيت عندي رونديفو ونسولها انشاء الله يكون خير


نور اش هاد لحداكا احم احم ههههههههه
تبارك الله عليك باينة عليه بنين وخا مدقتوش

المصيبة دبا الى كانت شي وحدة كتوحم ودرنا شي اكلة مغربية ومالقات منين تجيبها خصوصا الى كانت مغتربة

هههههههه

على اي انا غنفيدكوم بوصفات الجمال والرشاقة

انا عندي ليكوم حل للكابوس الكرشة الي معقدا بزاف دلعيالات

ايوا الحل ساهل ينصح بتتبعه مدة سيمانة

غتجيبي مكورة عرفتوه داك الي فيه وراق راه كنديروه فسكسو

غتشدي ورقة مناه اولا اكتر حسب كرشة الي خارجة ليك وبيتي تزولها وتشديها
غتشدي ديك لورقة بيديك ودوزيها فوق لعفية ديال لبوطة بلا متحطيها لا فمقلا ولا والو
غير بديك تبعديها شوية على لعفية باش متحرقش غير شوية من جوج جوايه وتحطيها على كرشك
وملي تسالي تلفيه بشي شال
وتنعسي
الى كانت شي وحدة عندها الدهون بزاف غدي تلاحض انه ورق الكور عمر بالما فالصباح لانه يمتص الدهون والسموم

هاد الطريقة صالحة لجميع اماكن فالجسم

ومجربة
انا شخصيا درتها قبل ما نتزوج قبل العرس وولات كرشي ملصقة معايا بحال لمانكان هههههه
وكاع الي جربها كيشكرها

بالنسبة دبا حيت الزواج والراجل يستحسن الدار فالصباح منين تفيقي وتحيديها فلعشية ومع الشغل راك تديري رياضة

واقيلا كترت الهضرة وليت ترتارة

كنتمنى تستافدو

[Om KHaled]

الزين ديالي كتقصدي لمكَور ياك ديال الخضرة اللي كنطيبو

[ام الخلفاء]

ايه الغزال هو هداك

اش خبارك بعدا اش خبار النونو

وكاع ملين دارك فالمكة والمغريب؟؟

[Om KHaled]

الحمد لله والشكر لله كلشي بخير يسولك عليك الخير

وانتِ كيف بقيتي ؟؟

شكرا بزاف على الوصفة , بصراحة انا محتجاهة بعد الولادةان شاء الله
حنا العيالات ضروري نكونو وسيمات قدام رجالنا , الله يخليهم لينا .

[ام صيصة]

الله عليك يا ام خلفان بصح نيت انا عانيت منها طول فتر سنتين من بعد لولادة الاولى و ما نزلات غير بريجيم و رياضة حتى تقهرت
و لكن هادي وصفة ساهلة ان شاء الله مني نولدو
اشخباركم مع تقل انت نور في اي شهر دابا و اشنو تاريخ لولادة ديالك

[Om KHaled]

غير خليها على الله اللي عارفاه دابا اني في الشهر الخامس , انشاء الله هاد الاسبوع نمشيالدكتورة نشوف جنس الجنين ومنها نعرف اي اسبوع انا فيه

[ام صيصة]

صباح النور عليك يا بنات بلادي
اش هاد نعاس الي فيكم مالكم غبرتو عساء ما يكون شر بقينا غير حنا بتلات كندخلو ام خلفان و نور و انا ايوا ما هادا الذي ارى؟؟؟؟؟

نور ان شاء الله تطمني على البيبي و الي يجيبو ربي الحمد الله و شكر عليه لولادة لولى لواحد كيقول الي جاب الله غير لفكاك و صافي الله يكمل عليك بالخير و تبشرينا بنونو سليم معافى ان شاء الله
http://forum.hwaml.com/imgcache2/hwaml.com_1287036243_247.jpg (http://downloads.m5zn.com/showlink.php?link=aHR0cDovL3d3dy4zZWZmZWN0cy5jb20v )

[khadija85]

لسلام عليكم ورحمة الله وبركاته
اسمحولي نعرف بنفسي انا خديجة 25 سنة مغربية من مدينة تمارة
كنعيش في إسبانيا مدة 4سنوات هادا حملي الاول بعد معانات الحمد لله
سعيدة بانضمامي ليكم

[Om KHaled]

مرحبا وألف مرحبا بالأخت خذيجة, اتشرفت بمعرفتك وبأهل تمارة
الله يكمل ليك الحمل على خير ويسهله عليك وعلينا يا ربي, على ما اظن انتِ في الشهر السادس
على العموم الف مرحبا بيك ونتمنى تنضمي معانا للشجرة وتسجلي اسمك فيها ليبقى من الذكريات ...

في اي مدينة باسبانيا تسكنين

[Om KHaled]

صباح العسل اختي أم صيصة , الله يسهل عليك وعلينا اجمعين داكشي اللي كاين اللي جابو ربي مرحبا بيه سواء بنت أو ولد أهم شيء طفل سليم ومعافى
اللهم استجب دعائنا

[ام صيصة]

يا هلا بناس تمارة جيرانا
انا ام صيصة من سلا مقيمة بالامارات
ربي يكمل عليك ازين و تولدي على خير ايوا نضيفك معانا في الجدول ان شاء الله تستافدي معانا في هاد التجمع حنا كلنا خوة في الله و نساعد بعض

[ام صيصة]

الاسم المستعار------ شهر الحمل الحالي-----موعد الولادة -----نوع البيبي

1-ام صيصة ----- اول الرابع------ ان شاء الله07/04/2011---الله اعلم لو ولد يوسف ولو بنت لجين ان شاء الله
2-ismahan2000---شهر الرابع----22-03-2011 لو ولد محمد ان شاء الله
3-ام خلفان---- - شهر سادس------18-01-2011 لو ولد عمران ان شاء الله
4-نور القمر -----شهر الخامس-----
5-miss lv -----شهر الاول ----
6- سوسنة- ------ شهر السادس- -- 18-01-2011 لو ولد عمران ان شاء الله
7- amira alawi- --- شهر السابع --- --
8-khadija85---شهر السادس----29-01-2011 ان شاء الله

[ام الخلفاء]

صباح الخير الغزالات الفنونات الفنكوشات الزوونات الكروشات اممممممممممم اشنو اخر
هههههههه

لباس عليكوم توحشتكم طمنوني عليكوم

انا راه كنت عند الدكتورة وكلشي بخير الحمد لله حبيبي عمرانيتو مزيان
والتحاليل ديال البول حشاكم مزيانين مافيها لا ملحة ولا سكر الحمد لله

ايوا ونتوما طمنوني عليكوم

مرحبا بيك اختي خديجة مرحبا بيك معانا وبناس تمارة

ايوا متغبروش

[ام صيصة]

اهلا ام خلفان ازين
الحمد الله على سلامتك و ربي يطمنك يا رب
انا الي خايفة من سكر الحمل ليرجعلي تاني كان عندي في لولادة الاولى
امتى تيديرو تحاليل البول من السادس ؟؟؟؟؟؟
ربنا يستر

[dolce]

مرحباا بالاخت خديجة والله يكمل ليك الحمل ديالك وتولدي على خير انشاء الله دابا انتى جارتي تانا راني بنت تمارة غير انا في ايطالياا وانشاء الله يكون تعارف موفق بيناا جميعاا والله يطمنكم على النونوات ديالكم

[ام الخلفاء]

هلا ام صيصة حببتي

ايه كيدارو فالسادس ويكيتعاودو تاني فنهايه السابع للتاكد
هدشي الي قلتلي الطبيبة

ميكون عندك باس الله الى كنتي ديجة عندك سكر الحمل فلولادة اللولة حاولي تخدي الاحتياطات اللازمة حاولي تاخدي السكر على شكل سكر مركب بحال الخبز والنشويات
راه واقيلا السكر السريع هو الي كيزيد من امكانية الاصابه بسكر الحمل بحال السكر الي كنشربو فاتاي والحلويات الخ

انا عموما قلتلي الدكتورة كتشربي الما بزاف وهدا مزيان ديمة القرعة حدى راسي حيت الما كيساعد فتنضيف الكليتين واخراج السموم بشكل منتظم

هدا والله اعلم

ميكون عندك باس والله انجيك واينجي الاخوات من سكر الحمل

[اقصوصه]

http://forum.hwaml.com/imgcache2/hwaml.com_1287132349_165.gif

[Om KHaled]

أسال من جلت قدرته وعلا شأنه وعمت رحمته وعم فضله وتوافرت نعمه
أن لا يرد لكم دعوة ولا يحرمكم فضله وان يغدق عليكم رزقه
ولا يحرمكم من كرمه وينزل في كل أمر لكم بركته
ولا يستثنيكم من رحمته ... جمعه مباركه

[amira alaoui]

amin yarab

[ismahan2000]

االسلام عليكم البنات الحادكات ها لي مصيبة لينا الحلوى ها الي عاطيانا الوصفة ديال الجمال.تبارك الله عليمكم و خلاص. ايوا كيف دايرين نتوما و البيبيهات.ياكما محنينكم.انا بغيت نسولكم كيف كاتكون حركة الجنين الاولة.انا عاد دخلت الشهر الرابع و هادي واحد يومين و انا كنحس بشي حاجة خفيفة كتضرب في اسفل البطن و ما عرفتش واش هادي حركة الجنين ولا غير امعاء هههههههههههههههههه
نتمنى ليكم جمعة مباركة

[ismahan2000]

اختي نور كيف دايرة لباس حقيقة تبارك الله عليك و على مواضيعك اللي في المنتدى.الله يبارك فيك و يجازيك كل خير.انا ان شاء الله حبيت حتا انا ننضم للشجرة ديالكم

( •_• نـُور القـمَر •_• )
( ام الخلفاء) (ام صيصة)
( اسمهان ) (...... ...) (......... ...)
(......... ...) (.............)(...........)(............)
(........)(............)(.............)(.......... ...)(...........)(........)
(......... ...) (................)(.......................)(......
مع تحياتي و احترامي

[سوسنة]

اهلا بنات بلادي كيدايرين لاباس عليكم كيدايرين البيبيهات ديالكم
ام الخلفاء هذي صدفة زوينة بش نكونو بجوج حاملات في السادس وغنولدوا في ١٨ من ١ وعندنا ولد ونسميوه عمران

[ام الخلفاء]

مساء الانوار على بنات بلادي

[ام الخلفاء]

هاد الصفحة الاخيرة مكتبغيش تبان ليا غير كندخل ليها هي والصفحة خمسة كيمشي ليا الموقع شوحدا فيكم عرفا علاش ؟؟؟

[amira alaoui]

ما يلفظ من قول إلا لديه رقيب عتيد

[amira alaoui]

amin yarabi

[Om KHaled]

الله يبارك في عمرك اخت اسمهان , التجمع المغربي نور بيكم وان شاء الله نكون اسرة مجتمعه في هاد المنتدى
اهلا اختي اميرة العلوي يا ريت تنضمي معانا للشجرة
مرحبا بالجميع

[Om KHaled]

http://forum.hwaml.com/imgcache2/hwaml.com_1287220280_627.gif

[amira alaoui]

الله يبارك في عمرك اخت اسمهان , التجمع المغربي نور بيكم وان شاء الله نكون اسرة مجتمعه في هاد المنتدى
اهلا اختي اميرة العلوي يا ريت تنضمي معانا للشجرة
مرحبا بالجميع
merci okhti

[Om KHaled]

http://forum.hwaml.com/imgcache2/hwaml.com_1287288245_893.gif


يسعدلي صباح الجميع

[ام صيصة]

صبا ح الخير على وجوه لخير
اشخباركم ان شاء الله تكونو بخير و نونوهات بخير
احلى صباح عليك يا اختي نور و شكرا على فنجاي الشاي
معاهم احلى كوكيز
http://forum.hwaml.com/imgcache2/hwaml.com_1287310794_243.jpg (http://3.bp.blogspot.com/_VV97kxm3WRI/SOCz4PV8YxI/AAAAAAAAFpc/Jk-AMJj_CqU/s1600-h/12.jpg)

[ismahan2000]

اممممممممممممم.شكرا اختي نور على الكافي و انتي يا ام سيف على الكوكيز.راني نيت مازال مافطرت
الله يسعد الصباح

[ام صيصة]

بصحة و راحة ازين
اشخبارك اختي اسمهان ان شاء الله تكوني بخيرو الحمل ماشي مزيان
ايوا يا كروشات مالكم ناعسين ليوم و لا عندكم لويكند انا لويكند جمعة و سبت داكشي علاش مكندخلش
غير سكتو لبارح صممت نزل لبحر باش نعوم و ختكم كتموت على لعومان و شفت لجو زوين و بارد قلت والو نعوم واول مرة نزل و انا حاملة
منقولكمش احساس غريب بزاف بحال حد متقل عليا وكيتقلقل في كرشي مع لماء احساس غريب غريب جربوه و شوفو كتحسي راسك تقيلة و نونو حتى هو كيطفو معاك فوق ماء هههههه
و لكن ماشي بحا الي انت حرة كتغطسي كدرعي طتشقلبي لكن لبارح اكتفيت بالجلوس في لماء و نوم على ضهري و صافي حيت الشوق و صافي ديال 6 سنين حرمان هههه مجنونة انا والله و لكن مغاديش نعاودها ابدا

[ismahan2000]

لابا س اختي ام صيصة واخا اليوما صبحت عيانا شوية يالاه تقييت حاشاك و ما عرفتش واش هادشي طبيعي ولا لا حينت انا دابا في الشهر الرابع يعني ماشي وحم.و حتا في الشهور الاولة وحمي كان خفيييييييف بزاف حتا انهم بداو كيشكو فيا واش نيت حاملة هههههههههههههههههه
ايوا اختي بالصحة العومان.بالعكس الا لقيتي تعاودي التجربة غايكون مزيان حينت الخبراء تيقولو هي افضل رياضة للحامل و كيوصيو بيها حينت كتحرك جميع عضلات الجسم و كتساعد على تحسين التنفس
انا للاسف ساكنة بعيدة شوية على البحرو ما عنديش الوقت و عاد الحال بارد شوية اوما كون جربت حتا انا هاد المغامرة

[Om KHaled]

مرحبا بالزينات شخباركم ؟؟؟ اختي ام صيصة بالصحة العومان فكرتيني بيه حيث حتى انا هادي شهر كنت في جدة ومشينا للبحر وماكنتش ناوية نعوم ولكن فاش شفت البنات شدوني الجنون الى مادخلتش والحمد لله عنت وبصارحة احساس رائع وانتي وسط البحر وكنت كانحس بالبيبي فرحان ...
اختي اسمهان شخبارك ؟؟؟

[Om KHaled]

( •_• نـُور القـمَر •_• )
( ام الخلفاء) (ام صيصة)
(ismahan2000) (ســوســنة )
(dolce) (أم خطاب 3) (amira alaoui)(miss lv )
(khadija 85)(............)(.............)(.......... ...)(...........)(........)
(......... ...) (................)(.......................)(...... ... ...) (......................)(....................)(... .........)(.................)(......... ...)
(............) (...................)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(...........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)

[ismahan2000]

لاباس الحمد لله اختي نور.كنت صباح عيانا شوية و لكن دابا الحمد لله.و انتي كيف دايرة انتي و النونو.حقيقة شوقتوني للعومان حتى انا.ما كرهتش نجربو حتا انا فحملي

[ام الخلفاء]

البنات انا دخلت للشهر السابع

المرحلة الثالتة والاخيرة

ياربي تمم ليا ولخواتاتي على خير

اش خباركم توحشتكم

بعض الصفحات فالتجمع نتاعنا مكتبيش تحل كتشد معايا الضد وكنساينكوم تدوزوها لصفحة جديدة

يلاه طمنوني عليكوم

[Om KHaled]

لاباس الحمد لله اختي نور.كنت صباح عيانا شوية و لكن دابا الحمد لله.و انتي كيف دايرة انتي و النونو.حقيقة شوقتوني للعومان حتى انا.ما كرهتش نجربو حتا انا فحملي


انا بخير الحمد لله , لاباس عليك ماتشوفي شر ..

[Om KHaled]

البنات انا دخلت للشهر السابع

المرحلة الثالتة والاخيرة

ياربي تمم ليا ولخواتاتي على خير

اش خباركم توحشتكم

بعض الصفحات فالتجمع نتاعنا مكتبيش تحل كتشد معايا الضد وكنساينكوم تدوزوها لصفحة جديدة

يلاه طمنوني عليكوم


عقبال للثامن والتاسع ان شاء الله ربي يسهل عليك اخيتي وتولدي بالسلامة وتشوفي ولدك بين يديك , انا بخير الحمد لله ولكن حزينة شوي هاد الليلة حيث راجلي سافر للرياض واول مرة نبات بلا بيه وما جا ني نعاس في الغرفة بوحدي , واللي بكاني كثر ماقالهالي حتى جا للدار باش ياخذ دوش ويخرج على طول وبقيت كنبكي بحال الحمقة بصراحة انا ولفتو معايا ديما ... الله يوصله بالسلامة ويرجع بالسلامة ان شاء الله hwaml80

[ام صيصة]

صباحكم مبروك يا دريات و لغزالات نور ام خلفان اسمهان الاخرايات غائبين
ايوا شوقتكم لعومان يلاه غير ديروها تبردو شوية وخا في بانيو ههههههه
الف سلامة عليك اختي اسمهان هدا غير كدخلي شهر جديد يمكن راه ترجيع الله يكرمك يمكن يشدك فاي وقت و الله انا مرة غير راجلي حبس في باركين سيارات حليت باب على ترجيعا الله يكرمك و انا المشكلة كنرجع بالصوة و لا الي دايز تيتفرج عليا فضيحة صافي هههه
ام خلفان الله يعديليك المرحلة الاخير على خير و ربي يتمم ليك بالخير
ايوا مالكم كتغبرو دخلو و حكيولينا اشطرا معاكم من غرائب و طرائف في الحمل ؟؟؟؟؟؟

[ام صيصة]

نور ايوا ترجلي شوية راه انت في غربة و لازم تعتادي على الوحدة
واخا راه كتاخدي على راجلك ديما في جنبك مني يغيب غير شوية تولي تبكي
الله يجيبوليك على خير

[amira alaoui]

السلام وعليكم لبنات انا دخلت بالتامن الله يكمل ليا وليكم

[ام الخلفاء]

امين الله اكملك بالخير اختي اميرة

نور وام صيصة وسوسنة واسمهان وخديجة ياك ما نسيت شي وحدة

كيديرين اش خبار البيبيهات

وقيلا انا وياك انور فالهوا سوا غير انتي راجلك مسافر وانا شدوهلي فالخدمة ومازل كاع مجا نصايص دليل هادي
وانا بوحدي مقلشة هنايا قدام هاد البيسي

خلاتها ملاتها الولف صعيب

وانا الي غنمشي نخليه سبع شهور بحديتو

اهئ اهئ

[ام الخلفاء]

جمالك بنت بلادي

وصفة لتبييض الاسنان فورية+تكبير او تصغير الصدر+تبييض ونفخ الوجه او تنحيفه

=

كل هدا في الساحرة العجيبة

الي هي زبد البحر

وغنشرح ليكوم كيفاش كتستعمل لكل حالة

طبعا هي كتكون بحال الجبص كتشرا عند لعطار كتدق وكتسف فالغربال

للتبييض الاسنان

وغتلاحضي بنفسك الفرق حكي بيها سنانك ومن بعد اكرمكم الله دفلي غدي تلقاي دفالك اصفر حيت المادة الي فزبد البحر كدوب جميع الفضلات ديال الطعام المترسبة على الاسنان وكتبيضها وحتى الملمس ديالها الى قستيها بصبعك او لسانك تلقايها ملساء نقية

بالنسبة لتكبير الصدر او تنحيفه

بعد اخد الحمام الساخن العادي يخلط زبد البحر المدقوق مع ماء دافي ويدلك به التدي

السر في كيفية التدليك

الى بغينا نضعفو ندلكو من الفوق للتحت
الى بغينا نغلضو من التحت للفوق
مجربة ادا استمريتي عليها فقط ليومين غتلاحضي الفرق

بالنسبة للتبييض الوجه ونفخه

ندلكه ايضا بدقيق زبد البحر الممزوج بماء فاتر
الى بغيتي للحنيكات كدلكي من التحت للفوق
الى بيتي تفشيهوم هههههه كدلكي من الفوق للتحت


على فكرة هاد الوصفات كلهم راني جربتهوم ومضمونين مية بالمية على حساب ختكم ام الخلفاء

وهناك المزيييييييييد بادن الله

[Om KHaled]

لهلا يخطيك علينا الزين ديالي
وصفات عجبتني بزاف وان شاء الله نجربها , بالنسبة لراجلي هاهو ناعس حدايا والحمد لله رجعلي بالسلامة والله كانت طريق طويله عليه مسكين وقلت له يا ريتك مشيتي بالطيارة حسن ... الحمد لله على سلامته , بالنسبة لغيابه فلازم نتعود عليه من دابا ولكن واخا نقولو والله هادشي صعيب عليناالله يصبرنا وصافي

تحياتي لجميع الكروشات المغربيات

[ام الخلفاء]

حتى انا راهو رجع وعاد تعشينا نيت كما قلتي الله اصبرنا

الحب صعيييييييييب ههههههههههههههه

[ام ريان و رنية]

سلام عليكم الاخوات واخيرا لقيتكم هنا كيصحابلي انا بوحدي لي مغربية في هاد المنتدى شكرا بزاف لصاحبة هاد الموضوع انا مغربية واصلي من مدينت تازة وعشت في تمارة وخدمت فيها سنتين قبل منلتحق بزوجي الى ايطاليا انا مغتربة في ايطاليا 3 سنوات وعمري 28 سنة والان انا حامل بكرية عندي 9 اسابيع يعني شهرين وسيمانة الله يكملي ولالخوات على خير بالنسبة الاخت dolce فاختي ان شاء الله ربي يعوضك عن قريب حتى انا فقدت جنيني في شهر ماي الماضي والان انا حامل الحمد لله والله يرزقك الدرية الصالحة ونتمنى نتعارفو اكتر بالنسبة الاخوات لي معرفينش شنو كتعني اسم اخت dolce فهي تتعني في ايطاليا الحلوى وتنطق دولتشي لا تنطق دولسي انا غير بغيتكم تعرفو هاد المعلومة واخت راه حلوة بحال اسمها .
انا ليوم عملت اول ايكوكرافي والحمد لله كلشي مزيان والله يفك كل وحدة على خير ويرزقنى بدرية صالحة

[amira alaoui]

السلام عليكم ورحمة الله وبركاته البنات اش خباركم مع التقل نتمنى تكونو بخير

[amira alaoui]

على سلامتك ام رايان الله يكمل مابقى على خير

[Om KHaled]

الف مرحبا بأم ريان ونية اتشرفنا بمعرفتك وان شاء الله يكمل عليك الحمل على خير وتشوفي ولدك بين يديك معافى ...
اميرة العلوي شخبارك ؟؟؟
مرحبا بالمغربيات كاملين

[amira alaoui]

لباس الحمد الله اختي نور القمر وانتي لباس

[Om KHaled]

نحمده الله ونشكره على النعمة اللي عطانا

[ام الخلفاء]

صباح الخير

مرحبا بيك ام ريان بين خواتاتك

شكرا على المعلومة

صافي البنات لقينا معلمة دالايطالية كلشي احضر اللوحة والطباشير

وانا اولهم

هههه

اش خباركم

[amira alaoui]

صباح الخير

مرحبا بيك ام ريان بين خواتاتك

شكرا على المعلومة

صافي البنات لقينا معلمة دالايطالية كلشي احضر اللوحة والطباشير

وانا اولهم

هههه

اش خباركمباش نمحي الامية ههه
صباح الخير عليكم حتا انا موجودة

[ام الخلفاء]

كديرا امورة لباس عليك

والبيبي حتى هو بخير

كين شي غدا ولا والو

[ام صيصة]

بص ششوف المغرب عمل ايه بص و شوف بنات بلادي عملين ايه هههههههه

على سلامتكم تجمعتو ليوم الحمد الله
مرحبا باخت ام ريان الله يكمل عليك بالخير و مرحبا بيك في تجمع مع اخواتك المغربيات المغتربات المسكينات الله يهون علينا غربتنا
ايوا حتا انا نزيد لغة اخرى في قموسي علاش لا الايطالية كتعجبني

[ام صيصة]

نور و ام خلفان على سلامت رجالك الله يخليكم ديما مجموعين قولو امييييييييين
امينة اشخبارك ازين و اش خبار النونو كين شي ركيلات و لا مزال الله يكمل بالخير و تقومي بالسلامة

[ام صيصة]

بسم الله الرحمن الرحيم hwaml30
الاسم المستعار------ شهر الحمل الحالي-----موعد الولادة -----نوع البيبي

1-ام صيصة ----- اول الرابع------ ان شاء الله07/04/2011---الله اعلم لو ولد يوسف ولو بنت لجين ان شاء الله
2-ismahan2000---شهر الرابع----22-03-2011 لو ولد محمد ان شاء الله
3-ام خلفان---- - شهر سابع------18-01-2011 لو ولد عمران ان شاء الله
4-نور القمر -----شهر الخامس-----
5-miss lv -----شهر الاول ----
6- سوسنة- ------ شهر السابع- -- 18-01-2011 لو ولد عمران ان شاء الله
7- amira alawi- --- شهر الثامن --- --
8-khadija85---شهر السادس----29-01-2011 ان شاء الله
9-ام ريان ورنية ------ شهرين ------

الله يكبر تجمعنا يا رب و يرج اخوانا الغايبين على خير يطمنونا عليهم
hwaml12

[ام الخلفاء]

هلا الزين ديالي ام صيصة توحشناك لباس عليك

امين ياربي

اللهم زد وبارك

[ام صيصة]

اهلا ام خلفان حتى انا توحشتكم مني مكندخلش بحال شيحاجة ناقصاني

[ام صيصة]

اشخبارك ازين و كيف دايرة مع التقل و ركيلات

[amira alaoui]

كديرا امورة لباس عليك

والبيبي حتى هو بخير

كين شي غدا ولا والو
الله اودي مرحبا اجي تغداي معيا راني بوحدي

[ام ريان و رنية]

شكرا لاخوات على ترحيب ديالكم بيا وهدي من شيمة المغاربة ترحيب بضيف جديد انا رهن ايشارة لي بغات تعلم اللغة ايطاليا وجدو غير لوحات وطباشير هههههههههههههه
انا عطاوني موعد الولادة شهر ماي 21 انشاء الله يتمم لي على خير ولجميع الاخوات ان شاء الله انا 4 سنين متزوجة وعاماين وانا محيدة الكينة حيت فلول كنت بعيدة على راجلي ديكشي علاش شربتها ومخليت فين دوزت والو محملتش كلشي كيكولي ماعندك والو غير اتار كينة باقي ومخربك ليك هرمونات وبصح مند 6 شهور لقيت هرمون حليب مرتفع وعرفت سبب وشربت دواء وحملت لكن مكملش الله وطاح الحمد لله وبقيت مدرت والو مدة 4 اشهر والحمد لله حملت في رمضان المبارك قبل الله دعائي ومتصوروش فرحتي داك نهار بقيت تنبكي تنبكي وعند طبيبة بلا منحس بستها وقلت ليها شكرا لي بشرتيني بهاد الخبر وسجدة في الارض وحمدة الله على نعمتو وتصوري كتسجدي قدام طليان مقالت والو وفرحات بزاف حيت عرفني مدة وانا تنقلب والحمد لله دعاء الاخوات ثم الدعاء واستغفار ربي ضروري يستجب العبدو غير كل دعاء تيحقولينا في وقت معين اما قريب او بعيد المهم تيستجيب لينا والله يفرح كل اخت بلي كتمنا وميحرمناش من كلمة ماما

[ismahan2000]

مبروك عليك اختي ام ريان ورنية الحمل.الله يكمل عليك نعمتو.و ان شاء الله تشوفي ريان و اخته رانية بين يديك.فعلا اللحضة اللي كتعرفي انك حاملة مكتهزكش الارض بالفرحة خصوصا الا متزوجة مدة طويلة.انا جلست عامين بالضبط و حملت يمكن كاع هزيت الحمل نهار عيد ميلاد زواجي هههههههههههههههه
خواتاتي ام الخلفان و نور مبروك عليكم رجوع زواجكم الله يخليهم ليكم يا رب

[Om KHaled]

الله يبارك فيكم , ربي يسعدكم ويفرحكم كاملين ويرزقكم الذرية الصالحة ان شاء الله

[نور ايمان]

السلام عليكم ورحمة الله وبركاته
موضوع رائع لهلا يخطيك انا مغربة على الاهل ديالي
دابا حامله عندي 2 شهورو10 ايام

[كلي ولهـ لعيونكـ]

مرحبا صبايا كيفكم ؟؟؟

اللي اعرفه عنكم ياأخواتي من المغرب شاطرين بالعنايه بالجسم ماشاء الله

فحابه استفيد منكم لو سمحتو وإن شاء الله أدعي لكم

انا بصراحه فيني سلولايت بحكم اني حامل والجلد يتمدد كيف اقدر اعالج هالموضوع ؟؟؟

مع العلم اني ارطب بطني بكريم

وسؤال ثاني إذا تسمحون لي

إيش هي الكريمات اللي ممكن استفيد منها فترة النفاس يعني تفتح اللون وتشد الجسم

لأني ماحب الخلطات ؟؟؟

ويعطيكم ربنا الف الف عافيه

[ام الخلفاء]

هلا بيكي حببتي كان ودي انفج بس انا اختصاصي خلطات طبيعية وبس

بالنسبة للجلد فالدكتورة تبعي نصحتني ان زيت اللوز الحلو اكتر فعالية من اي كريم ممكن تلاقينه فالصيدليات للنمش وتمددات الحمل

اما كان ليا عندك حتت وصفة للتبيييييييييييييييض تهبل

بس بقا نخليها المرة الجاية

شوقتك ما ههههههههه

على اي انا بنزلها انشاء الله

اهلا بيكي ويانا

[ام الخلفاء]

مرحبا بيك نور الايمان بين خواتاتك

ربي يتمم ليك على خير

ام صيصة وايسمهان ونور وامورة

ربي يخليكوم وحتى نتوما ميفرقكوم على رجالاتكوم

غنمشي نصوب شوية د petit pain

زوين وساهل وانشاء الله نحط ليكوم الوصفة ديالو

كيهنيني فالفطور وحتى الى جا شي حد على غفلة كنلقا بعدا ما نحط هههههههههه

ختكوم معكازة هههههههههه

[ismahan2000]

ايوا يا اختي ام الخلفان صيفطي ليا حقي ديال petit painراه شهيتيني فيه و انا كنتوحم.و الا كنتي نتي معكازة اش نقول انا هههههههههههههههه
غير تانجي من الخدمة كنتغدى ونضربها ليا بنعسة.مع العيا ما تيبقا لي الخاطر لا لشهيوات ولا والو

[ismahan2000]

السلام عليكم ورحمة الله وبركاته
موضوع رائع لهلا يخطيك انا مغربة على الاهل ديالي
دابا حامله عندي 2 شهورو10 ايام
وعليكم السلام ورحمة الله وبركاته
مرحبا بيك بيناتنا و الله يكمل عليك بالخيرhwaml7

[ام الخلفاء]

اهلا اسمهان الله ايكون فعوانك مع الخدمة والحبالة

حقك موجود وليني فالجنة مكرهتش احببتي تكوني حدايا تاحجا متغلا عليك
كن غير كانت شي وحدة فيكوم حدايا

اهئ اهئ

[miss LV]

السلام عليكم اخواتي العزيزات
كيداايرين اتمنى تكوونو بخير
حبيت اسلممممم عليكم
:)

[ام ريان و رنية]

سلام اخوات لباس عليكم فين وصلتو مع لحمالة ديالكم سعداتكم تتقدرو توجدو شهيوات وطيبو انا مهار لي حملت فيه تندخل لكوزينة غير بسيف اختي كرهت ريحت طياب في لوحم لي انا فيه دابة نشم ريحة لماكلة كطيب نرد كلشي اعزكم الله خصوصا الى فيها شيحاجة توابل وبصلة كتقلى ناري كنبغي نموت راجلي مسكين ولا يطيب مكلتو بوحدو انا مادا بيه نكول ديكشي لي مطيبش بحال سلطات وفواكه وسندويتش بيتزا لكن متنديرش ميونيز حيت مامزيانش لمراة لحامل فيه بيض مطايبش شكون جاها لوحم بحالي وشنو كدير لمعدة مني كضرها .
بالنسبة الاخت لي طرحت سؤال عن كريمات اختي لترهلات وخطوط بطن وتدي احسن زيت توصليه خبراء هو زيت زيتون وهو مدكور في القران وحتي لي عندها حلمت تدي صغيرة توجد راسها وهي حاملة تدهن تدي بزيت زيتون مني كتولد تتفادا اوجاع كبيرة في مص حليب طفل وشكرا لكم

[ام الخلفاء]

اهلا بام ريان ومس لف

راه حتى انا كرهت الطياب دبا نيت كنطيب ليه وكياكل بوحدو انا ضربني الله غير على الفواكه
وبزاف الليمون والتفاح

ايوا دبا حيت فالسابع خف شويه التبوحيط هههههههه ديالي
وليت ندير ليه وخا غير شي حاجة ساهلة

اما الكوزينة يادلي راه كاع الحاملات كيطلقوها بالثلات

نشوفكم على خير

[ام ريان و رنية]

ديكشي ليكاين اختي ام الخلفاء حيت لبيبي عارف طالعلينا كزينة فراس فتيعطينة وقت نرتاحو فيه ههههههه

[ام الخلفاء]

مرحبا بام ريان

ياك بعدا اوا نطلبو ربي يحفظ لببيبيهات وبواتهوم وامهاتهوم

ويفكنا على خير

كنت ديمة كنسمع امي كتقول لشي وحدة حاملة الله افكك على خير دبا يله عرفت معنيتها

ههههههههههه

[ام ريان و رنية]

ترحب بيك جنة اختي ام الخلفاء كاليك سال لمجرب لتسال طبيب حتى جربتي عاد فهمتيها الله يعطينا صورة مكمولة ومزيانة ودرية صالحة ويفكنا كاملين على خير

[Om KHaled]

السلام عليكم خوتي اشخباركم ؟

توحشتكم بزاف معلش غبت عليكم شوية البارح كنت عيانه شوية جاني الاسهال والمغص في البطن وحرقة في المعدة ختكوم بغات تموت ... مشيت للدكتور بالليل وكشف لي على البيبي والحمد لله هو بخير وفي احسن حال ,كنت بغيت نعرف جنسيته وسبحان الله لحد الان مامكتابش لي نعرف قالي الدكتور كان جامع رجليه , يمكن مامكتابش نشوفو غير الى كان معايا راجلي حيث مشيت غير مع امه , المهم انا دابا بقالي اسبوع ان شاء الله نكمل الشهر الخامس ونذخل بالشهر السادس بحول الله والوزن تحسن شوي كان اخر مرة عند الدكتور من شهر 60.5 والان 63 , الحمد لله نتمنى نزيد في الاشهر القادمة ... بخصوص الاسهال والحرقة اللي عندي عطاني الدكتور كينات نشربهم لمدة 5 ايام ونرجع له بعد اسبوع ان شاء الله ..
سمحولي الى طولت عليكم
نسيت نرحب بالاخت الجديدة مرحبا الف مرحبا ان شاء الله تستفدي منا واحنا كذالك, الله يسهل على كل وحدة الحمل والولادة ان شاء الله
متمنياتي للجميع بصحة جيدة

[ام صيصة]

صباحكم مبروك يا حلوات
اش هاد لحداكا يا ام خلفان غير شهينا راكي تدي دنوب هئهئهئهئهئهئهئه حقاش حنا معكازين و كسولين منقدرو نديرو والو في لكوزينا كتطيبو غير بسيف للرجالنا انا وحامي جاني على طياب بماطيشة منحملش نشوف صوص طوماط مع نصيب ديال لغدا ايوا غير خليها على الله كنسد نيفي مني تطلع ريحا ديالها

دابا كنفطر 3 مرات في النهار و مكرهتش نهار كلو و انا غير في وجبة الافطار هههه عاطياها غير نسكفيه بالحليب و لفروماج و البيض و الا شريت كراسون هداك نهار لكبير

[ام صيصة]

الف مرحبا بالاخت الي شرفتنا في التجمع ديالنا ربي يزيد و يبارك
ان شاء الله تكوني معانا ديما و تستفدي و نستفيد منا منك

[ام صيصة]

اختي نور الف الف سلامة عليك ان شاء الله مرة بسلام وعلى خير
خودي بالك من الاكل بتاعك يمكن كليتي شي حجا دارت ليك هادشي

[ام صيصة]

بسم الله الرحمن الرحيم hwaml30
الاسم المستعار------ شهر الحمل الحالي-----موعد الولادة -----نوع البيبي

1-ام صيصة ----- اول الرابع------ ان شاء الله07/04/2011---الله اعلم لو ولد يوسف ولو بنت لجين ان شاء الله
2-ismahan2000---شهر الرابع----22-03-2011 لو ولد محمد ان شاء الله
3-ام خلفان---- - شهر سابع------18-01-2011 لو ولد عمران ان شاء الله
4-نور القمر -----شهر الخامس-----
5-miss lv -----شهر الاول ----
6- سوسنة- ------ شهر السابع- -- 18-01-2011 لو ولد عمران ان شاء الله
7- amira alawi- --- شهر الثامن --- --
8-khadija85---شهر السادس----29-01-2011 ان شاء الله
9-ام ريان ورنية ------ شهرين ---21/05/2011 ان شاء الله
10-نور ايمان --------3 شهور
الله يكبر تجمعنا يا رب و يرج اخوانا الغايبين على خير يطمنونا عليهم
hwaml12

[ام الخلفاء]

صباح معطر بدكر الله مبعوث لاحلى خلق الله ينور دربكم انشاء الله

على سلامتك اختي نور ميكون عندك باس وبالشفاء العاجل انشاء الله


ام صيصة لالا اودي مقديت على دنوب متكتريشاي من البيض ونسكفيه راه ممزيانينش دكشي الي فراسي والله اعلم
براكة عليك بيضة وحدة فالنهار

[ام ريان و رنية]

سلام عليكم ورحمة الله وبركاته ترحب بيكم الجنة الاخوات كيمة قالت لاخت نيسكافي ممزيناش نهائيا لحامل والبيض اختي مزيان لكن متكتريش حيت تيهبط سكر في دم حاولي تنوعي حتى انا جاني لوحم منحملش لماكلة طايبة ولي فيها صوص ولاتوابل ومرق مادا بيا نكول لي مطيبش او سندويتش بيتزا فطاليان معروفة بيها لكن كنوع انا دابا كنموت على طماطم مطيشة بالمغربية سؤلت طبيبة طتلي مزيانة بزاف ماشي مشكيل حاولي اختي تفطري بحليب بوحدو او دانون ومعاه شي حاجة خرا الله يفكك على خير ويفكنا كملين على خير ويعطينة صورة مكمولة .
اخت نور الله يشفيك دازت عليا حتى انا سيمانة لي فاتت كولي روز وبنان باش تقصاح كرشك انا دابا لعكس عندي لقبض

[Om KHaled]

الله يسلمكم كاملين وينجيكم , ربي يخليكم ويجمعنا ربي دايما على خير

[سوسنة]

اهلا خواتاتي الحاملات المغتربات
كيدايرين مع الحبالة ديالكم سمحولي كنغيب عليكم كانت عندي شي ظروف وتعطلت عليكم
اختي ام الخلفاء وجدي راسك راه دخلنا المرحلة الاخيرة ديال الحمل
انا بدا هادشي عليا كيتقل عليا هههههه
نتمنى الله يسهل علينا وصافي ان شاء الله
وكنرحب بالخواتات اللي دخلوا معانا جداد

[dolce]

السلام عليكم وكيدايرين مع الحمل غير سمحوا لياا غبرت شي شوية حيت جاوا الولدين ديالي من المغرب ايوة ماتنساليش الله يستر والكروشات الجداد مرحبا بيهم وماعندي مانتسالكم ماكاين غير الوصفات تبارك الله عليكم والاخت نور لباس عليك
مرحباا بالاخت ام ريان ونتمنى نعرف باي مدينة انتى موجودة وانشاء الله نستفيد من بعض وبالنسبة للقبض كولي الفواكه بزاف وخصوصا البعويد دابا راه موجود بكثرة في ايطالياا تيسهل وانشاء الله كلكم نكونوا على خير سمحولياا طولت عليكم غير توحشتكم

[ismahan2000]

السلام البنات.كيف دايرين لاباس عليكم.اختي نور لاباس عليك و انتبهي مزيان لماكلتك وتهلاي فراسك.اما القبط راه شي حاجة طبيعية لابد منو في الحمل غير حنا يمكن نغلبو عليه شوية بالسوائل و الخضر و الفواكه و خصوصا الباربة راه بالنسبة لي انا دقة باطلة للقبط.
سوسنة و دولتشي مرحبا برجوعكم مرة اخرا.اختي دولتشي راه تعلمنا ناطقوسميتك و البركة في ام ريان و رانية.غير نتي غبرتي علينا و احنا نعطيوها للطالينية هههههههههههههه.و حمد الله على سلامة الوالدين

[dolce]

الله يسلمك ازين ايوة بصحتكم وراحتكم هههههههههه
اجي نقوليكم ختكم مشات خدات الحولي ديال العيد كي شفتوا حناا عندنا حريرة خاصة تاخديه قبل الا بغيتي يجيك نهار العيد ولكن يله تتشوفيه مرة وحدة صافي تكنجيبوه مدبوح نهار العيد وشافتوا الام ديالي اول مرة تشوفهم هناا وخاا تتجي ديماا وهي تقولياا واش حوالا هدوا ابنتي ولا نعاج حيت مافيهم لا قرون بحال النعاج نيت بيضين ههههههههههههه كاوريين او لا اوريان شريتي ولا مازال

[ام ريان و رنية]

اهلا بلاخوات وعلى سلامتك رجعتي تخلعت اخت دولتشي كايسحابلي مبقيتيش دخلي سعداتك جاو عندك ولديك وشفتيهم انا توحشتهوم بزاف وممشيتش هاد العام المغرب تنقول فراس لعام انشاء الله نمشي تكون عندي 4 شهور ونص خايفة من طيارة وانا حاملة مشيت فيها شحال من مرة لكن هاد المرة خايفة .اختي اه شريتو وانا هادي عاماين تنشري حولي بلكرون راجلي تيقلب عليه حتى يلقاه ميبردش ليه لقلب الى مشافش كرون ههههههههههه معام لاخر دبحناه في دار دبحنا 5 لحوالة انا وعمي و3 صحاب راجلي تجمعنا كاملين داز لجو زوين لعام ليفات دبحوه عند مولاه راجلي وصاحبو اشلا جزار عند مولاهم فواحد لفيرمة مكندبحوش حنا عند لجزار مكيوصلك حوليك حتى 12 ليل ديكشي علاش تبفضل راجلي يدبح هو وصحابو .
انا اختي ساكنة في مدينة البا قريبة لطورينو ب60 كيلمتر اصلا راجلي فلول كلن ساكن فطورينو وتبدلات لخدمة لالبا جينا فشمال بيمونتيزي ونتي اينا مدينة ساكنة وشحال منعام ونتي هنا

[Om KHaled]

( •_• نـُور القـمَر •_• )
( ام الخلفاء) (ام صيصة)
(ismahan2000) (ســوســنة )
(dolce) (أم خطاب 3) (amira alaoui)(miss lv )
(khadija 85)(أم ريان ورنية )(نور ايمان)(.......... ...)(...........)(........)
(......... ...) (................)(.......................)(...... ... ...) (......................)(....................)(... .........)(.................)(......... ...)
(............) (...................)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(...........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)

[ام الخلفاء]

مرحبا ببنت بلادي

الزنتوش ديالي نور كي بقات الصحيحة شوية يلاه معليك غير بالراحة ونتابهي لراسك

دولتشي هي هديك ولا غلط هههههههه والاخت ام ريان لباس عليكوم هي بلا منشير حنا لحوالا
غير نجيو واقيلا نعيدو معاكوم
نتوما عندكم كي النعاج اوا حنا هدشي مهو نعجة ما هو خروف سبحان الله قزم وطبوز ههههههههه
على سلامت والديك اختي دولتشي ولله الى حتى انا كنساين غيمتى نمشي عندهوم توحشتهوم

سوسنة حببتي التوءمة ديالي فالحمل ههههههه
العد التنازلي بدا الله اكمل لينا على خير
قريت القصة ديالك فالحمل الله اكون فعاونك وينتقم من دوك الدكاتيرة ولكين اشمن بلاد فاش كين هاد النوع ديال الطب العيادو بالله
الحمد لله ربي عوضك خير فعمران انشاء الله والاخرين الي فقدتي غتلقايهوم يساينوك فباب الجنة انشاء الله

الاخوات خديجة وامورة ومس لف فين هاد الغبور

حبيبتي ام صيييييييييييييييييصة فينك توحشناااااااااااك

[ام الخلفاء]

نري نري يوك يوك شكون نسيت

الغزال اسمهان ربي مديريهاش مني قلت الصواب راه العقل ما بقاش

كيف حالك لباس عليك وكيف حال النونو نتمنى تكوني بخير

[أم حفصة]

اوا ها واحد المغربية جات...........انا ممتغرباش.........انا بنت اسفي ومزوجة في اسفي......عبدية جدا عن اب....ههههههه......عرفتو كنت تندخل بززاف لهاد المنتدى و عجبني.......و لكن منين لقيت تجمع المغربيات فرحت و الله......المهم انا حاملة ....غدا ان شاء الله نكمل 17اسبوع يعني غدا ندخل في الخامس ان شاء الله على حساب الطبيب.........و قال لي الموعد المتوقع هو 5 في شهر 4 ان شاء الله تعالى....الله يفكنا كاملين يا رب على الف خير............

[amira alaoui]

السلام وعليكم بنات بلادي كيدايرين سمحو ليا انا عيانة شوية داكشي لاش كنغبر توحشتكوم انا قريبة نمشي لدارنا مرحبا بيك ام حفصة

[ام ريان و رنية]

سلام عليكم الاخوات كل وحدة باسمها لباس عليكم اختي ام الخلفاء مرحبابيك اجي عيدي معانا الله اودي تاحنا تنقلبو على لي يونسنا فلعيد هنا فرق كبير ماشي بحال البلاد تتحسي راه عيد جو زوين بزاف هنا مكتعرفي لعيد لا والو غير انا جيت ساكنين حدايا العرب تنحسو شوية وصافي ونتوما لي ساكنين فدول العربية كيفاش تيدوز لعيد عندكم

[ismahan2000]

نري نري يوك يوك شكون نسيت

الغزال اسمهان ربي مديريهاش مني قلت الصواب راه العقل ما بقاش

كيف حالك لباس عليك وكيف حال النونو نتمنى تكوني بخير
ياك اختي ام الخلفاء كنت غاتنسايني و انا بنت بلادك زعما.راه حتا انا مراكشية ابا عن جد واخا كبرت في الجديدة.hwaml15hwaml4 حشومة عليك غانبكي اهي اهي اهي
ايوا ماكاين باس بغيت غير نشد فيك شوية.انابخير الحمد لله نتمنى حتا نتي و جميع الاخوات يكونو بخير هما و البيبيهات ديالهم
ختي ام حفصة مرحبا بيك و الله يكمل عليك بالخير.عزفتي انا فايتاك غير باسبوع واحد انا يالاه دخلت للاسبوع 18.الله يكمل علينا كاملين يا رب
تحياتي للجميع

[ismahan2000]

اختي اميرة مايكون عندك باس راه كايبان ليا غاناكلو رفيستك نتي الاولة حينت تبارك الله قربت تولدي.راه كلما كايتزادو الشهور كايتزاد التعب ما بقا قد ما فات غير الله يصبروالله يفكنا على خير

[amira alaoui]

اختي اميرة مايكون عندك باس راه كايبان ليا غاناكلو رفيستك نتي الاولة حينت تبارك الله قربت تولدي.راه كلما كايتزادو الشهور كايتزاد التعب ما بقا قد ما فات غير الله يصبروالله يفكنا على خير
ربي يخليك اختي مرحبا بكم كاملين

[Om KHaled]

السلام عليكم خواتاتي المغربيات , يسولك عليك الخير اختي ام الخلفاء
انا بخير والحمد لله ولكن مزاله كنموت من الحرقة ...
اختي ام حفصه مرحبا بيك معانا بالتجمع ان شاء الله دوم تذخلي معانا هنا ونطمنو عليك

تهلاو في راسكم ...

[Om KHaled]

( •_• نـُور القـمَر •_• )
( ام الخلفاء) (ام صيصة)
(ismahan2000) (ســوســنة )
(dolce) (أم خطاب 3) (amira alaoui)(miss lv )
(khadija 85)(أم ريان ورنية )(نور ايمان)(أم حــــفــصة)(...........)(........)
(......... ...) (................)(.......................)(...... ... ...) (......................)(....................)(... .........)(.................)(......... ...)
(............) (...................)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(...........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)

[ام ريان و رنية]

اهلا بكم البنات كاملين لباس عليكم واهلا باخت حفصة راه غيعجبك تجمع معا هاد الحباب اختي نور الله يشافيك

[dolce]

السلام عليكم مرحباا بيك اختى ام حفصة وانشاء الله يكمل عليك بالخير
اختى ام الخلفاء الله يسلمك وبالنسبة الاخت نور قولي الطبيب يكتب لك سيرو ديال الحرقة كافيسكون ينفعك شوية وهاد المرة الا حسيتيهاا اكثر كولي خيزو خضر تيهمدهاا شوية وانشاء الله ربي يكون معاكم
اختى ام ريان انا من موديناا نواحي بولونيا وانا هنا اربع سنوات عندي طفل وانشاء الله تانتي يرزقك بلي بغيتي

[dolce]

اه نسيت الاخت نور ديك الشجيرة ماعرفت كيندير ليهاا اختك كسولة في هادشي ديال المنتديات
البنات راني جبت ليكم وصفة الي بغات تحيد الكحولة اي المناطق السودة الي تتكون بعد الولادة وصفة طبيعية جربوهاا وردوا علياا الاخبار
تتاخدواا الودعة راه دايرة بحال الكوكياجة ابيض لونهاا وتترقدوهاا في قرعة مع عصير الحامض البلدي تتولي بحال الكريماا تتبان ليكم وعاد بداو دهنوا بيهاا البلايص السودة ماديروهاش غير في وجهكم وصافي راهاا دقة ببطلة

[ام ريان و رنية]

اختي دولتشي الله يخليلك وليدك شحال فعمرو والله يرزققك ختو ان شاء الله خصارة بعيدة عليا لكن منتدى مقربنا انشاء الله كين فمدينة ليساكنة فيها شناس من عاءلت راجلي مشا عندهوم لعام ليفات انا ممشيتش بعيدا علينا شي 6 سوايع اينا بلاصة ساكنة في تمارة انا حي العبادي قريب لاسيما

[ام الخلفاء]

مرحبا بيك اختي ام حفصة بيناتنا لبنات اش هدشي فين هو لحليب والتمر

اش غتقول علينا ام حفصة بخيلات ههههههههههه

الحمد لله انكم كلشي بخير
نور راه الحررقة كتجي غير من البرد حاولي تحطي شي حاجة على المعدة ديالك تكون دافية وغتمشي ونعسي على الجنب الايمن باس المرارة متزيدش فالافرازات الي كدير الحرقة
وميكون عندك باس

ختي دلتشي راه انا ماشي فدوله عربية وماشي فاوروبا ولا حتى فميريكان انا ديمة ضد التيارهههههههه انا فجنوب افريقيا دولة الكابون
ولكين الحمد لله عطى الله هنا المغاربة واللبنانيين ولينا كتر من السكان الاصليين

تهلاو فريوسكوم ربي يحفضكم جمييييييعا ويحفض ما عز عليكوم

جمعة مباركة متنساوش الصلاة على حبيبنا محمد صلى الله عليه وسلم وسورة الكهف

وخا ولينا معكازات تا على لقراية ولكين غير طلقوها بعدة سمعو ليها

نشوفكم بخير انشاء الله

[أم حفصة]

سلام على الحبيبات............و اللي رحبت بي ترحب بيها الجنة يارب.........سمحو لي مدكرتش اسماءكن ....الله يفرحكم بكريشاتكم يا رب........و سعيدة انني معاكم في هاد المنتدى الزوين...........

[ام ريان و رنية]

نهاركم مبارك اخوات ليوم جمعة اللهم صلي وسلم على حبيبنا نبي عليه الف صلاة وسلام وكيما قالت الاخت متنساوش صورة الكهف

[dolce]

السلام عليكم اختى ام ريان ولدي عمرو سنتين وانا بنت الرباط هادي مدة باش سكنا تمارة المسيرة
واخا جينا بعاد هناياا انا وياك وانشاء الله يتمم لي ربي حملك على خير
اختى ام الخلفاء عاودي ليناا على الكابون عندي فضول نعرف كيدايرة وكيف العيشة فيهاا وشنو اكلات الي تعلمتي تماا

[سوسنة]

السلام خواتاتي المغتربات ولي بالمغرب
كيدايرين توحشتكم احنى فهاد ليام كيجيو عندنا الناس بزاف ومكنلقاش الوقت نفتح
ايوى تصوروا معايا الحبالا وتقول ديالها وضياف مالفوق
اختي ام الخلفاء كنشكرك بزاف حتى انت الله احفظلك عمران ديالك وتفرحي بيه انا راني فبيلجيك فالعاصمة بروكسيل ولكن اش غادري الى مكتابالك شيحاجة توقعلك فيما كاينة
والحمد لله على كل شيء مخصناش نقنطو من رحمة الله وصافي
انا اريد وانت تريد والله يفعل ما يريد

[أم حفصة]

ام الخلفاء....كدايرة اختي.....بارك الله فيك ....انا راني ديما تناكل التمر و الحليب و الزهر...تعجبني بالزهر......كنت بغيت نرد على البنات كاملين صبحت عيانة شوية الله ينجيكم..........يسمحوا لي و ما يدروهاش مني قلة الصواب..

[ام الخلفاء]

ميكون عندك باس اختي ام حفصة الله اطمنا عليك
من جهت لبنات كاع متهزي الهم راه تباركلاه كاملات بنات الله اعمرها ضار الحمد لله

اختي دولتشي اش غنعاود ليك على هنا انا جيت فواحد المدينة ضير بيها لبحر بحال الجزييرةههههههه مكين فين تهربي
عاد خلاص الكابون جا فخط الاستواء يعني خو الامازون من باه ومو ههه شلا غابات وسافانا وطيور بالالوان وحشرات فشي شكل زعما ختك عايشة وسط الغابه شبعنا غير مانك واناناس وجوز الهند هدوك غير طيحين فالارض

وعاد هنا الحمد لله كينة واحد النسبة دلمسلمين مبيهاش يعني كينين مساجد الحمد لله

ختي سوسنة ربي يخليك ويحفظك تنتي ويحفظ معز عليك

تحياتي احبكم في الله

[ام ريان و رنية]

اختي ام الخلفاء كلي ساكنة في جنة الله يرزقنا كاملين بها وميحرم حتى وحدا فينا من نورها
وناسها مزيانين ولا عنصريين وعيشة غالية تما ولا رخيصة عملة المغرب اغلى واحد العام راجلي شركة ديالهم بغات تشد هدمة تما ومخليتوش حيت معرفاش كيدايرة لعيشة تما وصافي مبقاوش شدو هديك الخدمة

[أم حفصة]

سلام الله عليكن يا احلى مغربيات .........كيف احوالكم ...........كدايرات مع الوحم...بغيت نسولكم واش تديرو شي رياضة مع الحمل و لا والوووووووو..........ختكم راه لاصال و لا مارش و اللي قال ليك لا تقولو ليه.....الرياضة راه مهمة في الحمل.......انا حيت ولاداتي بجوج كانو صعاااااب مع كنت غليييييييييظة بلا قياس و دبا مع ضعافيت و مع الرياضة نشوف هاد الشي واش غادي يتبدل ........نخلليكم ندور في المنتدى شوية......

[Om KHaled]

مساء الخير حبيباتي
شخباركم اليوم عساكم بخير , نشكر كل وحدة دعات معايا في المرض ديالي ونبغي نخبركم بانني بخير وعلى خير اليوم الحمد لله بقاتلي يومين ان شاء الله نمشي نشوف بيبي ديالي واش بنت ولا ولد ومنها نكمل الشهر الخامس بحول الله , الله يقوينا ويفكنا على خير ان شاء الله

[khadija85]

مرحبا وألف مرحبا بالأخت خذيجة, اتشرفت بمعرفتك وبأهل تمارة
الله يكمل ليك الحمل على خير ويسهله عليك وعلينا يا ربي, على ما اظن انتِ في الشهر السادس
على العموم الف مرحبا بيك ونتمنى تنضمي معانا للشجرة وتسجلي اسمك فيها ليبقى من الذكريات ...

في اي مدينة باسبانيا تسكنين
بارك الله فيك اختي نور القمر الشرف ليا ,انا فمدينة alicante وانتي

[khadija85]

يا هلا بناس تمارة جيرانا
انا ام صيصة من سلا مقيمة بالامارات
ربي يكمل عليك ازين و تولدي على خير ايوا نضيفك معانا في الجدول ان شاء الله تستافدي معانا في هاد التجمع حنا كلنا خوة في الله و نساعد بعض

ربي خليك اختي ام صيصة,الله يتمم بخير علينا كاملين تشرفت بمعرفتك

[khadija85]

ام الخلفاء بارك الله فيك اختي
بارك الله فيك اختي dolce منينا بلاصة فتمارة انا من مسيرة 2 حي المغرب العربي

[ام ريان و رنية]

سلام الاخوات لباس عليكم كيدايرين مع كريشات بالنسبة اخت حفصة رياضة مزيانة لكن في شهور الاخيرة ماشي في 3 شهور الاولى مرة مرة تمشاي غير شوية اما شهور الاخرا ديري رياضة لكن ماشي تكون متعبة احسن رياضة لحامل هي المشي وسباحة.
اخت خديجة مرحبابيك اختي معنا واش حتا نتي مغتربة اينا دول انتي انا في ايطاليا ولمغرب فتمارة لكن قريبة لاسيما حي العبادي

[سوسنة]

سلام الخواتات كيدايري
بغيت نسولكم وقتاش نبدا نشري الحوايج ديال البيبي
انا كنت بغيت نتسنى حتى نكمل ٧ شهور ونمشي مع راجلي نشري كلشي مرة وحدة ولكن مقدرتش نصبر حتال ديك الوقت كنحس بلي هاديك ٣ دسيمانات طويلة بزاف خخخخخ
ونتما اشبان ليكم وقتاش ايكون الوقت مناسب بس نشري
انا متحمسة بزاف

[khadija85]

سلام الاخوات لباس عليكم كيدايرين مع كريشات بالنسبة اخت حفصة رياضة مزيانة لكن في شهور الاخيرة ماشي في 3 شهور الاولى مرة مرة تمشاي غير شوية اما شهور الاخرا ديري رياضة لكن ماشي تكون متعبة احسن رياضة لحامل هي المشي وسباحة.
اخت خديجة مرحبابيك اختي معنا واش حتا نتي مغتربة اينا دول انتي انا في ايطاليا ولمغرب فتمارة لكن قريبة لاسيما حي العبادي
وعليكم السلام ورحمة الله وبركاته
بارك الله فيك اختي ..انا عايشة فاسبانيا و فالمغرب تمارة مسيرة 2 حي المغرب العربي

[ام الخلفاء]

مسا الخير عليكوم البنات كيف عاملين
نتمنى تكونو بخير

انا بحالك اختي سوسنة متحمسة نتقدى لعمرانيتو ولكين غيخصني نتسنا حتى نمشي للمغرب انشاء الله
يعني فشهر التامن انشاء الله

وانتي الى كنتي مرتاحة ومتصافري فين بداي توجدي من دبا حيت تيقولو دوك الاشهر الاخيرة كتكون متعبة شوية
الله اسهل علينا كاملين

[ام ريان و رنية]

اختي انا فنضري تبداي مني تكملي شهر سادس وتعرفي شنو عندك باش متزيريش حتى فلفلوس في شهر الاخير كلشي مع بعضياتو ناموسية ديالو وفراشو وكروصة غالية وعاد الحوايج وزيد وزيد ونيت في شهور الاخيرة لوحدة كتقال بزاف ومتيبقى عندها خاطر لضوران بلعكس الى بديتي فشهر سادس تشري بلخاطر وتنقي على خطرك انا عندي 10 سيمانات دخلت فشهر التالت ومكرهتش نشري كنشد راسي بسف حنا هنا في ايطاليا عدنا كروصة ديال بيبي غالية كتقايها 4 بيسات كروسة ولكونة ديال كروصةلي كيداريهافي شهور الاولى وكرسي طوموبيل وصاك ديال بيبي ديال لحليب وكوش الى اخره ماركة مزيانة وصحيحة كدير عدنا 5000 درهم يعني 100 الف ريال وكاين ديال 120 الف الى بغيتي حاجة مزيانة وسرير ديال بيبي بكل لوازم ديالو من زينة من كولشي توصل حتى هي ديك 140 الف ريال وعاد زيدي حوايج ولوازم بيبي ايه خاصك زبالة ديال لفلوس ديكشي علاش لواحد يقسمهوم على شهورة من سادس ونتي غادا وانتي اختي شوفي ليصلح ليك

[dolce]

السلام عليكم كيف دايرين مع الحمل شوية الاخت خديجة راه تانا نفس البلاصة الي تتقولي عليهاا راكي جارتي وخلاص
الاخت ام الخلفاء ايوة زوينة على هاد القيبال الكابون الطبيعة هيا نجي نضرب شي دويرة انشاء الله
الاخت سوسنة بالنسبة للتحضيرات انا الصراحة من الشهر السادس بديت تناخد الحوايج وشي لاخر خديتو بالشهر السابع الفراش والكروصة وعلاش تنبدل للبيبي وندوش ليه
وحاجة ثانية بالنسبة للحويجات الي تيتشراو للبيبي في الشهر الاول كاين ديال صفر شهر وكاين ديال شهر واحد انتوماا حاولوا ماتكتروش بزاف من ديال الشهرين الاولى لانو كاين الاطفال الي تيتزادو دغية وفيهم الي اصلا تيكون ضعيف او غليظ وبالتوفيق انشاء الله
ز

[sharazane]

السلام عليكم يا أحلى مغربيات نتوما مخبين عليا هنا و انا كانقلب عليكم
كنتمنى اإستمرارية لهاد تجمع المهم انا مغربية من الدار البيضاء و عايشة فبلجيكا
عندي 23 سنة و حاملة دابا ب5 أشهر و الله يسهل لينا إن شاء الله الحمل والولادة يا ربي تهلاو بزاف فراسكم و انا متبعة الجديد ديالكم تبقاو على خير

[Om KHaled]

مرحبا والف مرحبا بالاخت شهرزان
نورتِ التجمع , اتشرفنا بمعرفتك ونطمعوا في المزيد ...
انتِ في الشهرالخامس يعني عرفتِ ولد ولا بنت واش علاين تكمليه بحالي ؟؟؟ لاني يوم الثلاتاء ان شاء الله نذخل في الشهر السادس ...

[Om KHaled]

بارك الله فيك اختي نور القمر الشرف ليا ,انا فمدينة alicante وانتي



أناعايشة في مكة المكرمة تقريبا هاذي 6 شهور

[ام صيصة]

السلام عليكم
اعذرونا اخواتي على الغياب و الله على عيني
ولكن ولدي كان تعبان و مزال دعو معايا يشفيه ليا يا رب
انا فرحنا بان تجمعنا كيزيد الله يبارك
نرحب بجميع الالخوات الي دخلو جداد و ان شاء الله تكونو معانا ديما في التجمع
انا ليوم عندي زيارة للطبيب يا رب يطمني على بيبي
مني نرجع ان شاء الله ادخل اقلكم الاخبار

[ام صيصة]

عندك لحق اختي دولشي راه حوايج صفر هادو غير كيترما من بعد سيمنة و الله الالحسن تشري من شهر لتلات شهور ما شاء الله بيبي كيزيدو بسرعة يلاه شريو جوج تبديلات ديال المستشفى ديال صيفر و من بعد لبس اكبر احسن و تحضيرات احسن وقت اول السابع

الله يكمل عليكم و علينا

[ام حصة]

اهلا الغزالات انا اختكم مغربية في السعودية الله يصبرنا على الغربة توحشت مامتي بزااف الله يصبرنا و صافي وتوحشت المغرب واخا راني كل عام تنسافر شكون اللي كاينة فالسعودية منكم ما عندي حتى احد من المغرب تنعرفه

[ام حصة]

انا صديقتكم من المغرب متزوجة فالسعودية الله يصبرنا على الغربة و غادي نولد فالسعودية راجلي باغي نولد هنا و انا توحشت عائلتي و دابا هدا اول حمل لي و دابا فالشهر التاسع اش غادي نقولكم اللي حاملات فالشهور الاولى تشبع نعاااس لانه الشهور الاخيرة غير نساي النعاس هههههههه

[Om KHaled]

مرحبا بيك اختي أم حصة ربي يكون في عوانك في هاد الشهر الاخير ويقويك ويفكك على خير ... اما بخصوص العائله انا هذي غير ستة شهور ودايما كنصدع راجلي نمشي ولكن الوقت مكاينش لوكان لقيت نمشي نعيد معاهم هاد العام حيث راجلي غادي يكون مشغوول بزااف هاد الاشهر الحج , شحال هادي مامشيتي لعائلتك ؟؟؟

[Om KHaled]

أختي أم صيصة ربي يشافي ولد ان شاء الله ويديكم الصحة والعافية , كيف عاملة انتي مع الحمل ؟؟؟

[Om KHaled]

( •_• نـُور القـمَر •_• )
( ام الخلفاء) (ام صيصة)
(ismahan2000) (ســوســنة )
(dolce) (أم خطاب 3) (amira alaoui)(miss lv )
(khadija 85)(أم ريان ورنية )(نور ايمان)(أم حــــفــصة)(sharazane)(أم حصة)
(......... ...) (................)(.......................)(...... ... ...) (......................)(....................)(... .........)(.................)(......... ...)
(............) (...................)(................)(.......... ......)(............)(.............)(...........)
(.................)(...................)(......... ...) (................)(...............)(...........)
(................)(.......................)(...... ................)(.............)(.............)
(.......................)(......................)( ......................)(................)
(......................)(........................) (........................)
(....................)(.............. ......)
(...............)(................)
(............)(.............)
(............)(.............)
(..............)(...............)
(..............)(...............)
(................)(.................)
(................)(.................)
(................)(.................)
(.........)(.........)(..........)(.........)
(...........)(...........)(..........)(........... .)
(............)(...........)(.............)(....... .... ....)
(.............)(...............)(............)(... .... ..........)

[أم حفصة]

[quote=ام ريان و رنية;435775]سلام الاخوات لباس عليكم كيدايرين مع كريشات بالنسبة اخت حفصة رياضة مزيانة لكن في شهور الاخيرة ماشي في 3 شهور الاولى مرة مرة تمشاي غير شوية اما شهور الاخرا ديري رياضة لكن ماشي تكون متعبة احسن رياضة لحامل هي المشي وسباحة.
اخت خديجة مرحبابيك اختي معنا واش حتا نتي مغتربة اينا دول انتي انا في ايطاليا ولمغرب فتمارة لكن قريبة لاسيما حي العبادي[/qu


عندك الحق اختي..........فعلا مبديت نلعب الرياضة حتى فاتت 3 اشهر......تندير لاصال و المشي.........فرق كبيييير بلا رياضة و بالرياضة....لهلا يخطيك على الاهتماااااام.......

[ام الخلفاء]

مرحبا باختي شهرزاد و ختي ام حصة نتمنى تقضيو بينتنا وقت مزيان وتستافدو منا ونستافدو منكم

مع حبي

[ام الخلفاء]

اختي ام صيصة ميكون عند ولدك باس ربي يشافيه ليك ياربي

[ام الخلفاء]

اختي اسمهان ونور وخديجة وام حفصة ومس لف وسوسنة توءمتي اممممممم ياك ما نسيت شي وحدة
ام ام ريان ورانية ودلتشي يوك نسيت الايطاليات عندك تحرشو عليا هتلر

كيديرين توحشتكوم كاملين ايوا الي قربات توجد لينا الرفيسة
الله افكنا كاملين على خير

[سوسنة]

الاخوات dolce و ام الخلفاء و ام ريان ورنية كنشكركم بزاف
ان شاء الله فهاد الايام نبدا فالتجهيزات كنحس بلي ويلا تعطلت كتار راجلي لي غيشري وحدوا لحقاش انا بديت كنعيا بزاف
قبل كنت ديما كنخرج مع راجلي كنسخروا مرة دابا لا كنقولو سير بوحدك غير خليني نرتاح خخخخخخ وبالنسبة الاخت شهرزان مرحبا بك معانا والاخت ام صيصة مايكون عند ولدك بس الله يشفيه ان شاء الله والاخت ام حصة الله يصبرك على الغربة وصافي ولكن الحمد الله مبقالك والو ويجي لي غيونسك

[كلي ولهـ لعيونكـ]

مرحبا صبايا كيفكم ؟

يارب تكونون بصحه وعافيه

سبق وسألتكم عن كريمات او خلطات تعالج السلولايت بصراحه مضايقني مره

وبرضو ابغى اشياء تفتح المناطق الداكنه مثل البكيني والأبط بصراحه بعد الحمل صار عندي اسمرار


كلي امل بالله وفيكم لاتخيبون ظني بلييييييييز

[dolce]

مرحبا في الاخت ام حصة معاناا وانشاء الله تولدي على خير
ام صيصة الله يشفي ولدك وانشاء الله تطمنى على حملك وطمنيناا عليك
اما بالنسبة لللاخت كلي وله لعيونك الصراحة انا سبق حطيت وصفة للتبييض لكن بعشبة مااعرف اسمها الا بالمغربي المهم انا عندي لك وصفة ثانية انشاء الله تفيدك
الحلبة مدقوقة مع بيضة وحطيهاا ماسك على المناطق السودة لمدة نص ساعة وبعدهاا امسحيهاا بماء دافىء بس تكون على بشرة غير نقية وكمان الحمام المغربي يفيدك بزااف
اختى نور شكراا على وضع اسمي على الشجرة الله يخليك ازين

[أم حفصة]

مساء الورود يا احلى مغربيات.......كدايرات مع الحمل......الله يسهل علينا يا رب كاملين و يفرحنا بوليداتنا......

[ام ريان و رنية]

امين اخت ام حفصة راه كاين الاخوات لي قربو يولدو وكاين لي بحالي يالله بادي الحمد لله المهيم يدوز كلشي على خير ويتبت حمل الاخوات وحملي يارب

[ام الخلفاء]

مساء النور ام حفصة اكيديرين مع شي خفة
انا بعدا بديت كنتقال ههههههه

[أم حفصة]

امين اخت ام حفصة راه كاين الاخوات لي قربو يولدو وكاين لي بحالي يالله بادي الحمد لله المهيم يدوز كلشي على خير ويتبت حمل الاخوات وحملي يارب

الله يفكهم اختي على الف خير و يهون ولادتهم و الله يسهل علينا حتى حنايا الحمل و يخففو يا رب و منحسوش بثقلو و يعطينا الله تعالى ولادة كاسهل ما يكون يا رب......راه الوقت دغيا تدوز ....كالبرق ...الله يدوزو في طاعتو يا رب و نلقاو وليداتنا بين ايدينا و نفرحو بيهم يا رب..

[أم حفصة]

ااااااااااا

[ام صيصة]

السلام عليكم
اخواتي نور ام خلفان اسمهان ام ريان دولتشي ام حفصة ميس لوف سوسنة اميرة ام خطاب3 خديجة 85 نور ايمان
احبكم في الله ربي يخليكم على دعواتك الله يشافي الجميع
انا للاسف زيارة الطبيب مكنتش مزيانا حصل ليا مشكلة و انا كنتسنا دوري يمكن بالماء الي كنحبسو على ود ليكو كرافي شدني لحريق في كليتي الشمال و مشيت نموة بلحريق حتى ضربوليا ابرة مهدئة عاد تهدنت و الله حتة في ليكو مشفت لبيبي من كترت لحريق الي كان فيا و قالي عندك التهاب في البول و لازم مضاد حيوي و فوار الاملاح باش ميعطلوش على الحمل و نشرب 3 لتر ماء في اليوم كغسيل للكلى و المتانة دعو معايا يمر هاد المرضة على خير خايفة ليتاثر البيبي بهاد الالتهابات الي عندها اي معلومات عليه تقولي الله يجازيكم بالخير و يشافي كل مريض يا رب سمحولي طولت عليكم و لكن انا مخلوعة و خايفة بزاف ربي اني لا اسئلك رد القدر و انما اسئلك اللطفة فيه

[أم حفصة]

السلام عليكم
اخواتي نور ام خلفان اسمهان ام ريان دولتشي ام حفصة ميس لوف سوسنة اميرة ام خطاب3 خديجة 85 نور ايمان
احبكم في الله ربي يخليكم على دعواتك الله يشافي الجميع
انا للاسف زيارة الطبيب مكنتش مزيانا حصل ليا مشكلة و انا كنتسنا دوري يمكن بالماء الي كنحبسو على ود ليكو كرافي شدني لحريق في كليتي الشمال و مشيت نموة بلحريق حتى ضربوليا ابرة مهدئة عاد تهدنت و الله حتة في ليكو مشفت لبيبي من كترت لحريق الي كان فيا و قالي عندك التهاب في البول و لازم مضاد حيوي و فوار الاملاح باش ميعطلوش على الحمل و نشرب 3 لتر ماء في اليوم كغسيل للكلى و المتانة دعو معايا يمر هاد المرضة على خير خايفة ليتاثر البيبي بهاد الالتهابات الي عندها اي معلومات عليه تقولي الله يجازيكم بالخير و يشافي كل مريض يا رب سمحولي طولت عليكم و لكن انا مخلوعة و خايفة بزاف ربي اني لا اسئلك رد القدر و انما اسئلك اللطفة فيه

ختي ام صيصة شافاك الله و عافاك...الله لا يضرك...الله ينجيك من كل شر و سوء...و يفرحك بجنينك يا رب.........

[أم حفصة]

البنات الله يخلليكم دبا انا عندي 17 اسبوع و 3 ايام دبا واش دخلت الخامس و لا لا.....الله يخلليكم اللي تعرف تحسب تقول لي و لها جزيل الشكر.......

[سوسنة]

الاخت ام صيصة ميكون عندك باس ان شاء الله
دكشي اللي فيك عادي كيكون بزاف فالنساء الحوامل انا كنعرف ٣ من العائلة ديالي جالوم دكشي لي فيك
ويلا شربت دوا ديالك لي غيخرجلك الميكروب من المثانة راه البيبي ديالك ميتأثرش عليه دكشي اما ويلا هملتي راسك ومشربتش دوا راه يقدر امشي المكروب الجنين ديالك وعندك تنسي الماء خسك تشربي مزيان باش كيما قالك طبيب كغسيل للكلي
والله يشافيك ومديري والو فراسك راه كيما قتلك دكشي عادي بالنسبة المراة الحامل

[سوسنة]

الاخت ام حفصة دابا اسبوع و ٣ ايام بش دخلتي فالشهر الخامس
كنضن الشهر الخامس كيبدا من الاسبوع ١٧ نتمنى الافادة ديالي تكون صحيحة اما ويلا غلط كنضن الاخوات مغيبخلوش عليك بالاجابة ديالهم
والله يفرحك بالجنين ديالك

[ام ريان و رنية]

اختي ام صيصة الله يشافيك ومتخافيش راه حتى لخوف تيزيد انشاء الله ميتاترش جنين خودي دوا ديالك والماء ثم الماء ضروري انا كنشرب بزاف فنهار مزيان بزاف ولبولة اعزكم الله عمرك متحسريها تحسي بيها سيري لحمام وحنى هنا في ايطاليا بلعكس مني كنبغيو ندخلو نديرو ايكوكرافي تتكولي فرمليا سيري تبولي وعاد تندخل لعكس فلمغرب تتكوليك شربي الماء نصحك مرة اخرى غبر كولي قبل مديري ايكو باش بيبي متيتجمعش حيت الى كنتي جيعانة بيبي تيتجمع وتيقدرش على لحركة وتيعدب حتى طبيبة باش تشوفو هاكدا طرا لجارتي ولبولة عمرك تحسريها الله يشافيك اختي عن قريب

[ام ريان و رنية]

اختي ام حفصة دابة عندك 4 اشهر وسيمانة و 3 ايام يعني دخلتي في الخامس حيت 16 سيمانة هي 4 اشهر بضبط ونتي عندك 17 سيمانة الله يتبت حملك

[ام ريان و رنية]

اخوات انا باغا نمشي لمغرب فشهر 1 غتكون عندي 4 اشهر و 3 سمنات و4 ايام تقريبا 5 اشهر نكون غنكملها بعد 3 ايام وغنمشي فطيارة وخايفة نخاف فطيارة وطرالي شيحاجة لبيبي غنمشي انا وراجلي الى شوحدة مشات في طيارة وهي حامل في شهور الوسطى تنصحني افيدوني عافاكم انا ديما تنمشي فكيارة وكاين لمرة ليتنخاف فيها ولمرة لي لا على حسب طيارة وسياقة طيار كيدايرة

[ام الخلفاء]

حببتي ام صيصة ميكون عندك باس الله اشافيك ياربي وينجيك من كل شر

اجي بعدا انا غدي نوبخك شي شوية اشكون قليك تحبسي البول اعزكم الله على حساب الايكو راه لا علاقة له بها
انا فاش كنمشي عند الطبيبة كتقول ليا سيري لطواليت هو الاول عاد كنجي كدوز ليا الايكو والجنين كيبان
اما فاش كنت فالمغرب تتقليا ضروري ما تشربي باش تزيري وكنبا نشرب واحد المرا والله الى حسيت براسي غنطرتق مقدرتش نحبس مزال وشيت لطواليت ومقلت ليها والو والبيبي بان

دكشي معندو علاقة بالايكو

المهم مبقيتيش تديري هكاك وربي يشافيك لحبيبةا

[ام الخلفاء]

اختي ام حفصة مزال مدخلتيش للخامس انا غدي نحط ليك جدول الاشهر هنايا

الشهر الاول: من اول يوم في الدورة
الشهر الثاني: 4 اسابيع و4 ايام تدخلين الثاني
الشهر الثالث: 9 اسابيع تمام تدخلين الثالث
الشهر الرابع: 13 اسبوع و3 ايام تدخلين الرابع
الشهر الخامس: 17 اسبوع و6 ايام تدخلين الخامس
الشهر السادس 22 اسبوع و2 يوم تدخلين السادس
الشهر السابع: 26 اسبوع و5 ايام تدخلين السابع
الشهر الثامن: 31 اسبوع و1 يوم تدخلين الثامن
الشهر التاسع :35 اسبوع و4 ايام تدخلين التاسع

[ام الخلفاء]

الاخت ام ريان ورنية

متخفي والو الحبيبة راه انا كان عندي تقريبا اربع اشهر فاش جيت عند راجلي ونزيدك مركبتشي غير طيارة وحدة
وركبت ثلاتة طيارات دقة وحدة
وحدة من الاكادير لدار البيضا
وحدة من الدار البيضا للالعاصمة هنايا مدة الرحلة سبع ساعات
ووحدة من العاصمة للمدينة فين ساكنة انا

وانشاء الله غنركبهوم تاني فاش نرجع باش نولد غنكون داخلة فتمن شهور

توكلي على الله ومتخافي والو

ربي يحفظك

[ام الخلفاء]

نتمنى نكون افدتكم البنات الله احفظكم جميعا وبالنسبة الاخوات لخرين كنتمنى نشوفوهوم بخير ويطمنونا عليهوم

ايوا مبروك لكروب الجديد ديالنا ربي يخليك انور زينتوش ههههههه
ايوا دغية انضمو انضمو او استعدو للقتال ههههههههههههههه

اشوفكم

[ام الخلفاء]

البنات فينكوم غنقول ليكوم واحد النكتة

هدا واحد الدري مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )

ههههههههههههههههههههههههه

[أم حفصة]

سلام الله عليكن يا غاليات......اختي ام صيصة نتمنى تكوني وليت لاباس الله يحفظك يا رب......
اختي سوسنة و ام رنية و ريان و ام الخلفاء.......بارك الله فيكن على الاجابة و الله يجازيكم بالف خير .........

[ام ريان و رنية]

ضحكتيني اخت ام الخلفاء بعدا ام شكون عاد الخلفاء واش خلفاء راشدين هههههههه
كيدايرين البنات اختي ام خلفاء عطاك الله صحة ماخفتيش انا خابفة ليصيب جنيني مكروه من ركوب طائرة حيت واحد المرة ركبت فواحد طيارة خطوط المغربية عرفتي كار وصافي وديك الكار لي كيعطر على لعروبيات مخرشش والله الى كلشي لي فطيارة ماتو بلخلعة محمدن ربي حتى وصلنا وبلخلعة ناس كاملين بداو تيقولو لبعضياتهوم على سلامتنى حتىى وصلنا كون كانت ديك نهار راكبة معانا شيحاملة كزن زلدات بلخلعة ديكشي علاش مخلوعة هاد المرة مع ان مدة سفر غير 3 ساعات

[ام الخلفاء]

انشاء الله اكونو الخلفاء ديال الخلفاء الراشدين هدا فعلا ما اتمنى وهدي هي رسالتي الي انا عيشة عليها ياربي توفقني والقاك وانت راض عني
امين

راه نيت اختي ام ريان واحد الطرة نيت درت هكاك بين اكادير وكازا تقولي راكبة فزعلولة غدا وكتبوطى صافي كاع الناس كيشدو فبعضياتهوم من الخلعة حتى قالو كن غير ركبنا فالكار هههه


انتي غير توكلي على الله راه ربي مغديش اخيبنا حيت هو كيبغينا اكتر مما نتصور الحمد لله

[ام ريان و رنية]

الله ملك الحمد هادا اكيد وشكرا اختي ام خلفاء على اهتمامك بموضوعي تصبحين على خير حتى الغدا ان شاء الله

[ام صيصة]

صباح لخير عليكم
شكرا اخواتي الاعزاء على دعواتكم لهلا يخطيكم عليا راه الحمد الله تصل بيا طبيب ديالي و طمني بان التحليل البول اعزكم الله طلع مزيان مفيه والو و قالي كملي دوا ديالك
يا ربي يكمل علينا بالخير و يحفضنا من اي شر

[ام الخلفاء]

على سلامتك اختي ام صيصة امين ياربي الله يحفظ جميع الحوامل المسلمات

[سوسنة]

على سلامتك ام صيصة الله يحفظلك الجنين ديالك من كل شر ويفرحك به

[ام الخلفاء]

اهلا توءمتي لباس عليك اشخبارك اش خبار عمران كين شي ركيلات اش خبارك مع الخفة

ربي يسهل علينا ونشوفو وليداتنا بين ايدينا

تحيتي وحبي

[سوسنة]

اهلا توءمتي خخخخ ركيلات ماكاين غير هما الصراحة مكرهتش نشوفوا ونهزو بين يدي كنضن هذا افضل احساس عند الام خصوصا الولادة الاولى ديالها
اختي ام الخلفاء شحال هذي باش تزوجتي ?

[ام ضمياء]

السلام البنات كدايرين بخير خاصكوم ترحبو بيا هادي اول مشاركة ليا هنا بغيت نسول الاخت دولسي على الكيس لي حيدات واش كايكون بوحدو فالرحم وشحال ديال المدة فاش عرفتي واش عندك الكيس

[ام الخلفاء]

مرحبا بيك الاخت ام ضمياء بين خواتاتك

سوسنة راني مبطيتش فالزواج غير تزوجت حملت تبارك الله باقل من شهر حيت الطبيبة قالت لي متستعملي حتى شي مانع حمل حتى تولدي لولادة الاولى واختك ما كدبت خبر هههههه غير تزوجنا وحملت

حادكة ياك زربانه على عمري ههههههههه

[dolce]

السلام عليكم الاخت ام ضمياء الكيس هو كيس حمل تيكبر وكلشي غير هو الجنين ماكانش موجود وانتظرت الي حين الاسبوع الثامن مع فمل تحاليل هرمون الحمل الي كان تيزيد لكن بنسبة قليلة والكيس حجمه اثنا عشر مليمتر ووصلت الاسبوع التاسع نزل لحالو الحمد الله على شكل دورة بالالام دورة لانو لو ماكانش نزل انضطر لعملية تنظيف لانو الكيس كيف ماقالت ليا الدكتورة ممكن يبقى يكبر لغاية الشهر الرابع وللمعلومة هو ماشي كيس العادي لتيتكون من دورة غير منتظمة هو كيس حمل ارجو اني افدتك اختى

[ام ريان و رنية]

على سلامتك اختي ام صيصة والله يتبت حملنا كاملين اختي دولتشي لباس عليك فين غبرتي

[ام ريان و رنية]

اخت ام ضمياء مرحبابيك معنا وترحيب من شيم الاخوات كملين مني كتنضم لينا شي وحدة ممكن تعرفين براسك فين ساكنة منين نتيا عندك شيوليدات او حامل الى اخره

[سوسنة]

اختي ام الخلفاء تباركالله عليك حادجة مع راسك هههههه
حتى انا بحالك هازيت الكرش فالشهر الاول من زواج ولكن مكتبش فيها خير دابا انا كتر من عامين بش تزوجت على دكشي راني فرحانة بهاد الحمل ومتشوقة بش نشوف البيبي ديالي حيت جا بعد انتضار طويل
الله يحفظلينا الحمل ديالنا ويرزقنا بطفل سليم معافى ويرزق كل محرومة ان شاء الله