شوفو شو صار معاي :(

[noora88]

السلام عليكم حبيباتي

انا توني داشه الشهر الثالث ولله الحمد

صار لي موقف اليوم وايد خوفي وعقبها نزل علي دم قليل

اول مره ينزل علي من حملت

تخيلو كنت امشي في ممر الشقه ولا شفت ! بريعصي !!

انا نوعيتي وايد خوافه عندي فوبيا من هالاشياء

والله من الخوف ركضت بسرعه ماحسيت بعمري وتميت ارجف واعرق وتميت اصيح

بروحي وماعندي حد و ريلي بالدوام مكانه بعيد وماني قادره اتحرك اخاف هذا الملعون ينزل عالارض ويمشي عندي
وانا خوفي هذا مب دلع يشهد الله ولا ماكان نزل علي دم

المهم من الخوف انا طلعت من البيت رحت بيت اختي ماقدرت ابقى ولا ثانيه ولاتشوفون شكلي كيف ركضت ولبست العباة

ولما وصلت بيت اختي اكرمكم الله عقب مادخلت الحمام شفت شوي دم ! بس ماحسيت بالالم ولا شي

وايد خايفه طمنوني اول مره جي يصير وياي من حملت

اكيد من البريعصي الله ياخذه :( وقلت لزوجي مابرجع دامه موجود والله خايفه عالجنين

[انثى تكره الظلم]

ههههههههههه ايه البريعصى دا يا خواافه ههههههههه
انا مصريه اعذرينى
لو الدم زاد عليكى روحى للطبيب بسرعه
ربنا يتمملك على خير

[جروح الحب]

البريعصي ايش هدا ؟؟؟؟
اهم ارتحى وروحى بسرعه ع المستشفى تعطيك مثبت

[noora88]

مادري شو يسمونه عندكم

يمكن البرص اسم ثاني له
هو من فصيلة الزواحف مثل سحليه

الحين بالليل ماظن بقدر اروح
قلت بصبر لين باجر :"( والله كريم ان شاء الله ماينزل دم

[حياتي توأمي]

ههههههه

حبيبتي مو لهذي الدرجة تخافي من البريعصي لو شايفه شيء ثاني شو بيصير خخخخخ
أمززززح

الله يتمم لج حملج على خير ياااارب

روحي تطمني بالسونار وان شاء الله امورج تمام بما انه خفيف ومافي ألم

موفقه

[إحساس إمرأة]

ما تشوفين شر ياقلبي
روحي الدكتورة و تطمنين على نفسك افضل
الله يتمم حملك على خير يالغلاا
و يرزقك الذريه الصالحه
ويفرح قلبك يارب
ربي يحفظك و يحفظ جنينك
و ييسر امورك

[إحساس إمرأة]

http://forum.hwaml.com/imgcache2/hwaml.com_1408303086_732.jpg

[إحساس إمرأة]

http://forum.hwaml.com/imgcache2/hwaml.com_1408303955_779.jpg

[noora88]

تسلمون حبيباتي ماقصرتوا

بشوف لين باجر اذا الدم مستمر بروح
حاليا الحمدلله قام يوقف بس بشوف


وبخصوص الخوف شسوي
والله والله مب بايدي

حتى اللي عندي بالبيت كلهم يتمصخرون ومنصدمين مني
بس والله هذه فوبيا :"( يعني خوف مرضي مب طبيعي الله المستعان

[noora88]

البريعصي هو الوزغ

دشيت النت وشفت بعد بالحديث مذكور

حق اللي ماتعرف البريعصي

المعفن اصلا له وايد اسامي غير

[أم حمودي وعبودي]

يا الله على فزع يوم القيامة

الدم الي نزل ممكن يكون شي سيء حصل للجنين فحاولي تروحين المستشفى فوراً

أنا ما ودي أخوفك بس أنا مرة كنت حامل وجلست من النوم ولقيت دم خفيف ولما رحت المستشفى قالوا لي توقف النبض مع إني رحت موعدي قبلها بيومين وكل شي طبيعي

[حوريه السعوديه]

اخذي ماي بنشا لحد ماتروحي للدكتور ودام وقف الدم ان شالله مافيج شي
ولاتنسي تطمنينا

[ام حره]

اصلا يخووف مالهم داعي الي يتمصخرون

قبل كم يوم شفته بلمزرعه صرخت ورحت اركض وبنتي مسكينه ضلت واقفه مكانها تصييح

لازم تروحين المستشفى حبيبتي

وطمنينا عنك

[noora88]

ام حره صح كلامج حبيبتي

ياحبيبتي ام حمودي وعبودي
فزع يوم القيامه شي ثاني نهائياً مافي مقارنه مع موضوعي
وقتها اللي تسقط واللي تخلي رضيعها مايهمها لو نزفت


بخصوص الدم اللهم لك الحمد وقف من امس
عقب مانزل دم شوي

بعدين شوي نزل بني خفيف عقب خلاص وقف


الله يحفظه ويحفظ لكل حامل جنينها


يزاكم الله خير

[أميرةك]

هههههههه سلامتك الف سلامة . لا ان شاء الله مافيك الا العافية .


اهم شي طمنينا عنك ، وعن البيبي الله يحفظكم

[noora88]

الله يسلمج حبيبتي
والحمدلله انا بخير حاليا وماينزل شي

؛*

[أم حمودي وعبودي]

الحمد لله على سلامتك وسلامة الجنين

ولعنة الله على الوزغ

حبيبتي الفزع أحياناً يسبب الإجهاض وهذا الشي منتشر في مناطق الصراعات والحروب

ومافي فزع مثل زلزلة الساعة

وانتي الله يسلمك نسيتي إنك حامل ورحتي ركض وذكرتيني بأهوال يوم القيامة الله يكفينا

حاولي تتشجعين شوي صحيح الصراصير والوزغ والفيران مرعبين بس انتي أكبر منهم وهم يخافوا منك وجنينك لازم تحافظين عليه

[noora88]

الله يسلمج حبيبتي ماقصرتي

صح كلامج

بس شو اسوي والله كان هالشي غصباً عني مب بايدي
وهو طلع بويهي مثل الجني اعوذ بالله منه
بحاول والله يعين

[jojo 123456]

هههههههههههه يا عيني علينا نحن النسوة منخاف من اي شي الا ازواجنا هههه

والله انا موووووووووت من الصرصار الكبير والبرص والفار هههه

الله يتمملك على خير عليك العااااافية روحي طمني ع جنينك مشان ترتاحي