ماء الجنين قليل بالاسبوع التاسع

[وردة صفرا]

السلام عليكم خواتي هذه اول مشاركه لي بهذا المنتدى الرائع
خواتي انا من الاسبوع السابع الدكتوره تقولي ماي الجنين قليل وشربت ماي زمزم ووصلت للاسبوع التاسع والدكتوره تقول الماي بعده قليل منو استوى لها جيه بالشهور الاولى وشو السبب هل مشكله بالجنين او المشيميه
شاكره للي بتساعدني

[افنان الحربي]

ليش الدكاترة ما يقدرون يساعدونك بذا الشي ؟؟؟

[افنان الحربي]

بحثت لكي بالنت وهذا اللي طلع معاي


هلا اختيه الله يسهل عليج ويطمنج على اللي في بطنج واتربين بالسلامه يارب
حبيبتي شوفي انا مرتين تعرضت لمثل حالتج ونصيحه منى سيري عند الدكتوره وقوليلها ابا اظرب الابره لي تخلي رئة الجنين تكتمل
انا بقولج ليش رئة الجنين تكتمل في نص الشهر الثامن واذا انتي متاكده بتعدينه لاتاخذينها واذا انتي شاكه في ولادتج قبل نص الثامن سيري خذيها نصيحه مني لج
انا ف بنتي قالولي الماي ينقص وانا 24 ساعه تصوير ومعاناه ومستشفيات المهم اخر شي قالولي بسرعه بنعطيج ابرة الرئه وبنولدج قيصريه وانا كنت في اخر السابع تخيلوا ولا قطرة ماي في الرحم مع انه الماي مانزل عليه المهم ظربت الابره الاولي وبعد 24 ساعه ظربت الابره الثانيه وبعد 24 ساعه من الابره الثانيه ولدوني في اول يوم في الثامن وبنتي تعبت وايد وحطوها في العنايه المركزه لمدة شهر وشي والحمدالله على كل حال وطلعت بالسلامه
وفي بنتي الثانيه نقص عندي الماي مره ثانيه بس الحمدالله من الشهر الخامس خذت ابرة الرئه وسويت احتياط وعقب معاناه كملت 25 يوم من الثامن وولدوني قيصريه

اتلاحقي عمرج وسيري عند دكتورتين لاتاخذين على كلام دكتوره وحده وما اباج تعانين معاناتي في حملي الاولي والله يسهل عليج

[ريمي العالي]

الله يسهل امورك ماعندي خلفيه

[وردة صفرا]

تسلمون خواتي بس انا توني بالشهر الثالث عسب جيه مستغربه ليش الماي قليل

[حياتي توأمي]

ورده صفرا

طبيعي لاتخافين

اول الشهور احياناً كثير حوامل يصير عندهم نقص بماء الجنين
يوم يكبر الجنين شوي يزيد الماي
حاولي تشربين سوائل كثيير وإلزمي الراحه
انا مثلج قالولي بشهري الثالث الماي قليل ورحت لدكتورة ثانيه وطمنتني قالتلي ماعليج من الدكتورة الأولى من تدخلين الرابع وكل مايكبر الجنين بيزيد الماي ان شاء الله
وفعلا كلامها صحيح
وولدت أحلى بنوته ربي يحفظظها

الله يتمم حملج على خير يااااارب

[وردة صفرا]

الحمدلله على كل حال خواتي نبض الجنين وقف ونزل يارب عوضني بالافضل

[إحساس إمرأة]

ربي يعوضك عنه بحمل سليم معافاه
ويفرح قلبك يالغالية
لا تزعلي ولا تكدري نفسك
الي رزقك اول مره قادر انه يعطيك بداله عشره
بس هذا اختبار من رب العالمين
والمهم يا قلبي سلامتك
ودامك حملتي بإذن الله
راح تحملين مره ومرتين وثلاثه
ويمن عليك بالذرية الصالحة و الاخوات جميعا

[إحساس إمرأة]

http://forum.hwaml.com/imgcache2/hwaml.com_1408502446_704.png

[أم أحلى بنوتهـ]

غريبه

يعني الدكتوره قالت لك ناقص ولاشرحت لك السبب !!

شي عجيب الصراحه

[5oo8a8ih]

الله يعوض عليك

انا مثلك بحملي السابق كنت بالشهر الخامس ووموية الجنين ناقصة بدون سبب ونزلوه بطلوق صناعية

الله يعوض علينا