تكيس كلية الجنين ادخلوووووو ضروري

[أم نوااااف]

السلام عليكم ..كيف حالكم ياكروشات
انا الحين حامل في الشهر السابع ومن الشهر الرابع اكتشفو ان الجنين ماعليه مويه وسويت سونار واكتشفو انو تكيس عل الكليتين وعشان كذا مايتبول وصار شح في المويه وقالولي ماراح يعيش واذا كملتي للشهر التاسع وولدتي بيولد ويموت لانه مشوه مايقدر يعيش والكليتين ماهي شغاله
حوامل فزعتكم انا عايشه في رعب من الكلام هذا وفي نفس الوقت متوكله عل الله واستودعته ..مين صار معاها نفس حالتي وكيف كانت ولادتها وهل عاش ولا توفي ..ارجوكم ردو علي انتظر ردكم لاني مررره تعبانه نفسيا من الموضوع وخايفه… .

[عشوق]

ربي يطمتك ويهدي بالك ان شالله
ماعندي فكره عن الموضوع ان شالله يفيدونا الحوامل الببقيه

[معانده]

الله المستعان
شوفي قلبي لنقص ماء الجنين عليك بمويه زمزم
اما سالفه تشوهات وكذا شوفي دكتور ثاني ولا تعلمينه بشي واطلبي سونار وشوفي وش يقول
لان احس التشخيص الخطأ كاثر واذا طلع نفس الكلام توكلي على الله واكثري الاستغفار والتصدق
كثير قالو لهم جنينك مشوه ومابيعيش وطلع العكس
وعسى ان تكرهوا شي ؤهو خير لكم
وربي يكتب لك الخير

[amo0osh]

الله يطمنك عليه يارب

[ام حمد .]

ياقلبي الله يطمن قلبك

الله قادر على كل شي عليك بموية زمزم

اذكر في وحده بالمنتدى اسمه احلى عطور نفس حالتك

ابحثي عنه

الله يتمم لك بخير ويشفيه ويخليه لك

[عشرينية]

هلا بك حبيبتي
انا ولدت قبل 6 شهور ولدي انخلق بكلية وحدة بس
فعلا نقص المويا تدل على انه الطفل مايتبول زين بس انا المويا كانت اوقات طبيعية و اوقات تنقص شوي
كملي التاسع وخليه يطلع واذا ربي كاتب له بعيشة يمكن يلاقي علاج
الله يقوي ايمانك

[أم نوااااف]

انا فعلا سويت 3سونارات وواحد رباعي وكلهم نفس التشخيص
اشكر كل اللي ردو علي ..ودعواتكم لي انا متفائله جدا وراح اخبركم
اول مااولد ايش صار ..
دعواتكم لي حبايبي ان يرزقني الطفل السليم المعافى..

[شعشوعه]

يارب فرح نظرتك بشوف جنينك متعافي ويعيش ويخليه لك يارب ..

[أم نوااااف]

ولدت والحمد لله عل كل حال ..جبت بنت بس توفت اثناء الولاده بسبب التنفس وعندها تشوهات عديده… اللهم لك الحمد…

[romanci_ms22]

الله يعوض عليكي و حمدالله علي السلامه

[sendrellaa]

الله يعوضك ياقلبي خيره فيما اختاره الله والله يقومك بالسلامه
حمدلله ع سلامتك وان شاءالله شفيعه لك طير من طيور الجنه ..

[أم أحلى بنوتهـ]

الله يعوضك ياقلبي

وصدقيني انها خيره لك ولها

والله يعطي والله ياخذ سبحانه

[Sakura fx]

لله ما أخذ وله ما أعطى


أختي حاولي تاخذي حمض الفوليك

داومي عليه من هلا بعد استشارة الطبيب

حتى إذا صار حملا مستقبلا باذن الله يساعدك على تفادي تشوه الجنين


يارب يعوضك خير ويرزقك الجنين المعافى والسليم أختي الكريمة

[أماني]

الله يعوضك كل خير آمين

[اميرة الخيال]

الله يعوضك حبيبتي

نفس التجربه هذا عشنها في بكري
لكن ماعلمت الا انا بالشهر الثامن ..انصدمت وكان الامر مؤلم والحمدالله
ولدت وكان متوفي لان الكلتين مو شغاله وصبرت واحتسبتها لربي العالمين ..
وربي عوضني براما وعزوز الحمدالله ربي يخلي لهم يارب ويحفضهم وربي يعوضك خير يارب