امس كان عندي سحب البويضات وماتوقعت الصدمه بس الحمدلله على كل حال..

[ام الحبيب]

رحت المستشفى وكنت مره مبسوطه ومفائله خير لان انا الحمد لله ماكان عندي شي من ناحيتي بس عملت اطفال الانابيب مرتين وربي ماكتب لي كنت المرات الاولى عند السحب يسبحو مني بويضات جيده الحمدلله بس اليوم مره انصدمت بعد ماسحبو البويضات لقوها فاضيه مافيها شي الحمد لله يابنات الله يخليكم ساعدوني احد سمع عن احد مثلي كذا وهل فيه لها علاج مع اني كنت ماشيه مع الدكتور وتحاليل كلها سليمه والدكتور قالي التنشبط عندك كويس

[حوريه السعوديه]

الله يعوضك خير اختي ماعندي علم بس وعسى ان تكرهوا شيئا وهو خير لكم

الله يرزقج عاجلا يارب

[رونـــق!!]

..

سبحان الله ,,

ماعندي خلفية غاليتي ,,

عسى خيره إن شاء الله ,,

وربي يعوضك خير..

[ام ارجواااااان]

الله يكتب لك اللي فيه الخير ياارب
طيب اعملي تحليل لهرمون اف سي اتش
واذا كان جيد فلا بأس عليك
باذن الله تعالى مع العلاج تكوني افضل وربي يرزقك ما تتمنيه
وايضا يوجد فحص دم يسمى amh هذا الفحص يفحص مخزون البويضات لديكي ونسبة نضوجها
الله يريح خاطرك

[besan14]

الله يعوض عليك اختي يارب

طيب ماطلبو منك تحليل e2 قبل السحب ؟؟؟؟؟

[حلمي في طفل]

الله يعوض عليك حبيبتي
وربنا كريم اسألي الدكتور عن الاسباب وايش التحاليل الازمه لمعرفة السبب
مثل ماقالو الاخوات وربنا يكتبلك الخير يارب

[غلا السنين]

اغرب مستشفى المفروض يتابع مخزون التبويض وجودة البويضات بالتحالي طوال فترة التنشيط الله يعوضك يارب ان شاء الله توفقين في المره الجايه مدري والله اول مره اسمع كذا

[دمعه]

انا صارت لي نفس حالتك سويت العمليه لاولى كلشي كويس وسويت السحب وحملت بس ما كتمل الحمل نزل بسرعه سويت العمليه مره ثانيه وكنت متفائله ونا ماعندي اله تكيس عل المبايض فقط وكانت الصدمه يوم سحب البويضات قالي دكتور انه مافي بويضات عباره عن اكياس فيها مويه فقط ونا لي هلحين سنه ونص ماسويت غيرها بصراحه خايفه يتكرر معي نفس الموضوع الحمدلله رب العالمين وبحثت في انت في منتديات ادور سبب مقنع لهاشي مافيه دخلت على دكتوره اخصائيه وقلت لها سبب وسوت لي تحليل هرمونات ومخزون المبيض قالت لي كويس مخزون المبيض hwaml9يارب يفرحني ويفرحك بمولود يجبر خواطرنا

[ملاك الليل]

اي ممكن يحصل هالشي ، بس ما أدري أذا ممكن يعرف الدكتور قبل ما يسحب البويضات

لأن وقت التنشيط هم يتابعون تطورها وحجمها بس ما يشوفون البويضه بالضبط يشوفون كيسها وممكن تكون كلها اكياس فاضيه حتى اللي حجمها كويس ، أنا خلال متابعه التنشيط دايم تذكرني الدكتورة ب هالشي ،،،

الله يساعد قلبك ويشفك ويكتب لك الخير

[ملاك الليل]

بس سؤال للي حصل معاهم هالشي ،،

أخذتوا فيتامينات لتحسين جودة البويضات وقت التنشيط ؟؟

أظن لها تأثير كبير جداً

[مسك أبيض]

حبيبتي الله يعوضك ويرزقك توأم سليم انصحك تاخذين برجنا كير او اي فيتامينات وان شاءالله ربي مايضيع لك تعب

[jojo 123456]

الله يرزقك يااارب في القريب العاااجل

[lyly]

الله يعوضك خير
تعرفي وحده أعرفها حصل معها مثل كذا وهي عندنا في أوربا وقال لها الدكتور الهرمون الي يحفز البويضة عندك خلاص ما عاد يشتغل واحتمال تقطع عليك الدورة وصارت تبكي وحالتها النفسية مرة تعبانه وشهرين إلا وهي حامل بطريقة طبيعية وكل شيء تمام عندها وجابت بنت مع أنها قبل هذا الحمل سوى طفل أنابيب ثلاث مرات والمرح الاخيره كانت البويضة فارغة ي
يارب يكرمك ويفرح قلبك ويكرم كل وحده وتصير أم

[دمعه]

لوسمحتي اختي مثل ايش الفتمينات الي ناخذها قبل العمليه ممكن تعطينه خبر عنها ونكون شاكرين لك الله يرزقني ويرزقك الذريه الصالحه

[جوادية]

انا عملتها مرتين
المرة الاولى طلعت بويضاتي ممتازة والاجنة من الدرجة الاولى لاني اهتميت بأخذ الفيتامينات واخذت العسل مع بودرة النخيل
بس ما كتب لي ربي الحمل والحمدالله
المرة الثانية كانت بويضاتي اقل جودة لاني اعتمدت بس عالمنشطات وما اهتميت كثير بالفيتامينات والعسل
وكانت الاجنة من الدرجة الثانية والثالثة
بس الحمدالله ما شاء الله ربي كتب لي الحمل ربي يبارك لي فيه ويتمم لي على خير

[ناني 2]

طلبوا منك تحليل e2 (الاسترادول) اللي يبين نسبة نضج البويضات ؟ المفروض كل 3 ايام في فترة التنشيط تطلب الطبيبة منك تسويه، لأن الأشعة ما تكفي فهي تبين عدد البويضات وأحجامها لكن هل هي ناضجة هذا عن طريق تحليل الاسترادول .

[بلادي الحبيبة]

الله يرزقك قريبا باحلى توام خلي املك بالله كبير هو الي بعطي في اي وقت يشاء

[لواحظ]

اختي الكريمة اتمنئ من الله عزوجل ان يرزقك ويرزقنا الذرية الصالحة
ويفرح قلبك يارب
فعلا ان جودة البويضات والحيونات المنوية والرحم وجودة الاجنة من اهم نجاح العملية
لكن الله يهديهم الدكاترة عندنا ما يعطوك امل ولا بيتعبو حالهم ويشرحو او يبحثو عن اسباب الفشل فلكل فشل اسبابه مثل ما النجاح له اسباب ومقومات ايضا بعد الاتكال واللجوءلرحمة الله عزوجل فهو المعطي اولا واخيرا

[ريماسة الالماس]

اهم شيء الغذاء الصحي من فيتامينات وبروتينات لانه يساعد في جودة البويضات والحيوانات المنويه
لازم تاخذي قبل التنشيط بشهرين فيتامينات كاملة واوميغا ثري , وبوقت التنشيط تركزي على البيض والحليب لان البروتين ضروري لتكون الاجنه .