خروج السائل المنوي في فترة التبويض !

[ريم راشد]

السلام عليكم

خواتي بغيت استفسر عن الموضوع

بعد الجماع ينزل شوي من السائل المنوي بكمية قليلة

ولكن في يوم التبويض ينزل بكمية اكبر وهذا الشي لاحظته
في كل شهر

في يوم التبويض او قبله بيوم

هل هالشي طبيعي ؟ صرت خايفه من الموضوع والافكار ادور في عقلي

مع اني اضع وسادة بعد الجماع
واظل فترة 20 -30 دقيقه واحيانا ساعة

والنتيجة وحده
ينزل كثير في يوم التبويض
وينزل شوي في الفترات الثانيه

مع العلم اني اصلي واقيم واستغفر ومحافظة على الاذكار
والحمدلله ما اشكي من اي شي عشان ممكن اقول انها عين او حسد

طمنوني خواتي

[بنوتة أمورة]

مادري حبيبتي....لكن حتى لو نزل....عادي...لانه جزء يدخل...فمافيه مشكله

[Om d7omy]

اتوقع انو اللي ينزل زائد
وبإذن الله مافي إلا كل خير

والأفضل لو تستشيري طبيبة
عشان تتطمني ��

[الله أملي ورجائي]

هذا ينزل زائد
يعني البويض تكتفي بقطره من السائل

لاتقلقي
اسال الله ان يكتب لك الحمل السليم يارب

[حوريه السعوديه]

اتوقع عادي حبيبتي هالشي

اهم شي تظلين مده على ظهرج. ورافعه رجولج والباقي زايد

لان سبحان الله سرعه الحيوان المنوي كبيره

وربي يرزقج

[ريم راشد]

مشكورات خواتي طمنتوني

والله يسمع منكم واطلع حامل هذا الشهر بإذن الله

[موكا~]

حبيبتي ريم عادي
والمخده
حطيها تحت مؤخرتك قبل ماينزل زوجك مو بعد ماينزل وخلاص
وبعدين لايخرج العضو بسرعه وضمي رجولك
وخلي الجماع يوم ايوه ويوم لا
دا كلام الممرخه رحت لها وادتني دي ألنصايح
والله يرزقك ~~

[اثير بنت ابوها]

انا كنت زيك ايام التبويض كله يطلع




بس كنت ارفع رجوولي واثنيها على بطني يعني ركبتك عند صدرك



والحمد الله ماصار يطلع

[أم حمودي وعبودي]

أنا لاحظت العكس في غير أيام التبويض ينزل أكثر

يمكن الرحم مقلوب والمفروض يصير الجماع وأنتي مثل الساجدة " عذراً للصرحة

بعدين تنامين على بطنك بعض الوقت

[فاقدة بنتها]

والله انا يطلع كثير نفس الشىء ورحت للمرخة وقالت عندي ميلان بالرحم للشق الايمن ومرختني واحس شوي خف نزول المني والحين بمترخ بعد هالشهر

[ريم راشد]

مشكورات خواتي على النصايح

انا كان عندي نزول في الرحم وتمرخت ورجع طبيعي

قبل لا اتمرخ كان ينزل دايما السائل
وبعد ما تمرخت صار احسن

ورجعت عند الممرخة وقالت انه الحين طبيعي
وما اتوقع انه مقلوب

ان شاء الله خير

[حوامل]

تمت الإجابة على إستفسارك


ملاحظة : في حال لديك إستفسار آخر لاتترددي في طرحه في القسم المناسب مع أختيار عنوان يتناسب مع محتوى الموضوع .
يغلق الموضوع للانتهاء