ياليت ألقى جواب عندكم

[مروضة الخيل]

السلام عليكم ورحمة الله وبركاته
أخباركم جميعا
أنا عضوة جديدة عندكم
دخلت وحبيت تفيدوني
أنا متزوجه لي ثلاث سنوات ولم يكرمني الله بحمل والحمد لله على كل حال
سؤال عندي
انا استخدمت الكلوميد فتره ولا حملت وبعد كذا اخذت أبر ولا كتب الله لي الحمل
والحين رجعت للكلوميد طبعا شهر أخذه والشهر اللي بعده لا
لأن الدكتور يقول إن مفعولها يستمر للشهر اللي بعده
فمشكلتي الحين
أخذت الكلوميد شهر 7 وشهر 8 ما أخذت شي والمفروض شهر رمضان أخذ الحبه بس الدوره ماشرفت
المفروض موعدها يكون أول رمضان
ولا سويت تحليل ولا شي
ولا أحس بأي أعراض
ولا أبغى أسوي تحليل وأنصدم

ووثاني شي من صار لها مثلي وطلعت حامل
الله يعطيكم العافية

[دعاء الصابرين]

حبيبتي اهلا وسهلا بك اخت بيننا
المفروض تحللين حتى لو منزلي لان الدورة هواي متاخرة
مو شرط تظهر اعراض للحمل .
انا حملت وولدت باعراض خفيفة
ان شاء الله تكوني حامل وتبشرينا

[غفران شكران]

الله يكرمك في هذا الشهر الفضيل ومن الضروري تحللي لان هناك نساء يحتجون لمثبتات في بداية الحمل قوي قلبك حبيبتي وان شاء الله تبشرينا بخبر يسر خاطرك وخاطرنا

hwaml13hwaml13hwaml13

اختكم غفران

[عااايشة]

لازم تحللين لان مثل ماقالت الاخت يمكن تحتاجين مثبت
وغالبا اللي تحمل على العلاجات يعطونها مثبت اول
ثلاث شهور.

لاتهملين نفسج روحي والله يفرح قلبج ان شاء الله

[ريحانة الجنة]

هلا بك بيننا
ماقصروا الخوات بالافادة

ربي يبشرك بما يسرك ويقر عينك بالذرية الصالحة وكل من قالت آمين

[بحــ العيون ــــــــر]

الله يحفظك والبنااااااااااااااااات ما قصرو

[مروضة الخيل]

الله يجزى كل من ردت علي خير
وحبيت أبلغكم إن ربي ماكتب لي الحمل
وأنتظر هالشهر للعل الله أن يكرمني بالحمل بالتوأم الجميل السليم المعافى حسن الخلق والخلق عاجلا غير آجل وكل منتظرة يارب العالمين

[كنت احبك]

ربي يكتبلج الحمل المعافة ويكتبلي معاج ياارب

[الماسة26]

حبيبتي أحسن تحللي وربي يبشرك بالحمل التوئم السليم المعافي يا رب في القريب العاجل