احترت في جنس الجنين

[Rwabi_2]

السلام عليكم حوامل

الله يسعدكم ويتمم عليكم بخير يارب
ورمضان مبارك وتقبل الله صيامكم

راح اختصر موضوعي وهو اني سويت سونار لما كنت باول الرابع تقريبا لي 14 اسبوع وقالت لي انو فيكي ولد حتى قالتها لي بسرعه حسيته بدري وسكت ومشيت على انه ولد

ولما صرت بالسابع تقريبا لي 28 اسبوع كشفت علي سونار وكانت تقولي انو الحبل السري بين رجوله وخلتني انسدح على جنبي وقالت دام انه مابين علطول اتوقع بنوته بس بتاكد وجلست تقريبا ربع ساعه تحاول تشوف وبعدها قالت لي لا بنوته اكيد ان شاء الله

فرحت ورحت كلمت زوجي قال لا يكون غلطانه وانا كنت ناويه اتقضى وحطمني لاني فرحت قلت بيصير عندي بنت وولد لان بكري ولد
انا احترت مادري اللي فيني بنت او ولد وموعدي الثاني راح يكون باخر رمضان بس الفضول ذابحني وزوجي رافض اني اروح اخذ سونار ثاني يقولي اصبري لين تدخلين الثامن

بنات هو يبين اكيد جنسه اكثر واوضح من الرابع لانو كثير قالو لي انو الرابع اوضح من السابع لانو يكون الجنين بالسابع كبير ومايبين كثير

[ام ارجواااااان]

جنس المولود يبان من الشهر الخامس
والله يرزقك ما تتمنين يارب

[Rwabi_2]

الله يسعدك يارب

امين الله يقبل مادعيتي

[Mouny]

ماقدر افيدك بشي

الدكتورة والسونار هو اللي يحدد

والله ينولك اللي في بالك

[حياتي توأمي]

الله العالم بما في الأرحام

الله يرزقك ماتتمني يارب

انا بحملي قالولي بدايه الرابع ولد

وبعدين بالخامس قالولي الحبل السري بين رجوله واكثر الاوقات مسكر رجوله وحاولت الدكتوره وقالتلي بنت
والحمد لله ولدت احلى بنت بالدنيا ربي يحفظها

[إيـمـان]

اتوقع بنت و الله اعلم
لأنه ببداية الرابع العضو الأنثوي يكون شبيه بالعضو الذكري
و الدكتوره الثانيه لو كانت ولد اكيد كان بين معها على طول و ماقالتلك انها بنت
الله يعطيكي ماتتمنين

[Rwabi_2]

حياتي تؤامي الله يخلي لك ماعطاك يارب
ايمان الله يسعدك حبيبتي مشكوره

ولد او بنت هم نعمه من ربي بس لاني ناوية اطلب توزيعات من برا ديرتي ويبليها اسابيع على ماتوصل على كذا اختار الوان محايده

مشكوره لكل اللي رد علي الله يحفظكم اجمعين

[Rwabi_2]

حياتي تؤامي الله يخلي لك ماعطاك يارب
ايمان الله يسعدك حبيبتي مشكوره

ولد او بنت هم نعمه من ربي بس لاني ناوية اطلب توزيعات من برا ديرتي ويبليها اسابيع على ماتوصل على كذا اختار الوان محايده

مشكوره لكل اللي رد علي الله يحفظكم اجمعين

[فوئة]

الله يحقق أمنياتك

[bailsan]

انا قالوا لي من الشهر الثالث ولد
ودخلت الرابع وقالوا ولد
الى الشهر السادس عملت اشعه تفصيلية رباعية قالوا ولد
لما دخلت السابع وتحديداً الاسبوع ٢٨ ويومين قالوا لي بنت !!!!!

ف استغربت بعد الاشعه الرباعيه والشهر السادس يطلع غلط

وانا عندي موعد نهاية رمضان وبتأكد واشوف لاني اشتريت كذا لبس سماوي

الله يتمم لي ولك على خير

[*SuGeR*]

انا اول الرابع يمكن بنت
واخر يوم بالرابع يمكن بنت
نص السادس ولد
اول السابع ولد
نص السابع ولد
،،،
ما ادري محتاره اعتمد ولد
ومثلك ابغى اطلب من برا ولافيه شي محايد يابنت ياولد

[Ray00m]

هالدكتتره يحيرون
ربي يرزقنا الذريه الصالحه
انا قالو لي بنت ونفسي بولد

[Rwabi_2]

هلا حبيبتي suger
انا وانتي تقريبا مع بعض ربي يهون علينا اجمعين

بالعكس لو قالو لي ولد اعتمدت انه ولد لان الولد احسه بيكون واضح اعضاءه
لما كنت حامل بابني الاول من الخامس لحد الولاده وهم يقلون ولد وجبت ولد الحمد لله الله يخليه لي

بحثت بالنت وقريت موضوع لاخصائية سونار واشعه وكانو يسالونها متى تكون اعضاء الجنين واضحه قالت لهم من الاسبوع ١٨ ومافوق اما الشهر الاخير يكون شوي صعب لانه يكون كبير يعني تقريبا يكون واضح عندهم اكثر هو بالشهر الخامس اكثر من الرابع

والله اعلم مابالارحام

ريوم انا بالعكس ماهمني هو بنت او ولد كلهم نعمه من ربي اهم شي الخلق الحسن بس كنت مخططه للتوزيعات واكيد الفضول لاعب فينا

ربي يهون علينا ويتمم علينا ويقر عيننا بشوفتهم باتم صحه وعافيه

[zainaby]

اعملي رباعي للتاكيد

[Rwabi_2]

اخباركم بنات حبيت اقولكم اني سويت سونار اخر السابع يعني باقي لي اسبوع وادخل الثامن وقالت لي انها بنت اكيد

ان شاء الله نتاكد اذا ولدت وشفته بعيني

[إيـمـان]

اخباركم بنات حبيت اقولكم اني سويت سونار اخر السابع يعني باقي لي اسبوع وادخل الثامن وقالت لي انها بنت اكيد

ان شاء الله نتاكد اذا ولدت وشفته بعيني

طلع توقعي صح
عشان لو ولد كان بين
الله يجيبها بالسلامه يارب

[dr.loly]

اختي الي اخر الشهر الرابع يتأكد جنس البيبي ميه بالميه ان شاء الله
دام بعد الرابع قالولك ولد اعتقد انه ولد والله اعلم
لان قبل ذلك تكون الاعضاء بين الجنسين متشابهه لحد مااا

[Rwabi_2]

ايمان شكرا حبيبتي نشوف بعد الولاده ونتاكد

Dr.loly
حبيبتي شكلك ماقريتي موضوعي كويس هي باول الرابع تقريبا بالاسبوع الرابع عشر قالت لي ولد وبعدها سويت سونار باول السابع تقريبا بالاسبوع الثمن والعشرين وقالت لي لا بنوته وقعدت تقريبا ربع ساعه

وبعدها سويت باخر السابع تقريبا باقي لي اسبوع وادخل الثامن قالت لي ان شاء الله بنت اكيد اللي خلاني اشك بالسونار الثاني هو انها تقول ان الحبل السري بين رجولها من شان كذا حابه اتاكد واشوف مين قد صار لها مثلي

على العموم مشكوره حبيبتي على ردك لموضوعي