سوال بعد التلقيح الصناعي اشعر باعراض هل طبيعيه

[نايومي]

مرحبا بنات
سويت تلقيح صناعي اول تجربه لي وكانت يوم الاربعاء تاريخ 28_5وبعدها بيومين ياتني الام في حملة الصدر وصارت بارزه وااايد وبعد اربع ايام صار صدري يعورني لما اضعط عليه الحين مر علي 8 ايام من التلقيح

ومرات تشنجات في الرحم ع اليمين ومره ع اليسار لكن مافي الام قويه او الام دوره لكن احس برهاق وتعب

هل هالاغراض طبيعيه في التلقيح ومالها خص بالحمل ؟

[نايومي]

ابي تفاعلكم بناات بليززز

[الجوهرية]

والله ماعرف لاني مقبله على تلقيح لاول مرة


بس ان شاءالله تكون اعراض حمل

ريحي حالك ولاتفكري بالوضوع ...

[اميرة المغربية]

يارب يا حبيبتي تكون اعراض حمل

انا عملت التلقيح مرة واحدة وحصل حمل ضعيف ونزل
وما كان عندي اعراض بالصدر
بس كان في تقلصات والالام زي الالام الدورة قبل وقتها باسبوع تقريبا
واستمر لحين نزل بعد شهر و10 ايام
ربنا يعوضنا خير يارب ويفرح قلبنا وقلب كل منتظرة للحمل يارب

[نايومي]

الجوهره ماقصرتي ع هالمرور الطيب
الله يسمع منش ويكون حمل

[نايومي]

اميره الله يعوضج خيررر وماقصرتي ع المرور والنصيحه

[jojo 123456]

الله يرزقك عااااااااااااااااااااااااااجل وتبشرينا بس ياليت تكتبي لنا تجربك مشان نستفيد انا كمان صرت افكر في الحقن المجهري بس ما بدي اتسرع بعد بكير

[نايومي]

اهلين جوجو اسعدني مرورك حبيبتي وامممممين من بؤك لباب السماء

تجربتي كانت ثاني شهر علاج لي ونصحني الدكتور الجا للتلقيح الصناعي لانه في ضعف من زوجي

في بدايه رفضت بس لما قريت عنه ارتحت واحسيت انه طبيعي ومامنه اضرار
اولآ ثاني يوم دوره وانا اخذ الابر يوم ايه ويوم لا مدة ثلاث ايام بعدين ابره يوميآ اخف نن الاولى مدة اربع ايام ورا بعض ..
بعدين خذيت ابره تفجيريه يوم الاثنين المغرب ويوم الاربعاء ساعه 12 الظهر سويت العمليه كانت العمليه مدتها يمكن خمس دقايق او عشر وبعدها ارفع رجلي مدة ربع ساعه وعمليه جدآ سهههههله لدرجه بعدها رحت الدوام ع طول ولاجنه فيني شي
الله يوفقج حبيبتي ويرزقج الحمل قريبآ يااارب

[أنثى تختصر النسااء]

اهلين حبيبيتي
ماحسيتي بعد العمليه باسبوع او خمس
أيام بألم في البطن او ناحية المبايض
اذا حسيتي فيها فهذا يدل على مرور البويضه
المخصبه في قناة فالوب وبداية انغراسها بالرحم
والله اعلم

[baligo16]

عزيزتي ارجوكي طمنينا شو اخبارك

[أم راشــد]

الله يكتب لج الحمل السليم يارب ..

وانا حاليا بأذن الله تعالى مقبلة على التلقيح