بنات انا خلاص انجنيت من بنتي

[فوشيآ]

السلام عليكم
شلونكم ي امهات
انا والد صار لي 27 يوم


بنتي تعبتني نفسيا

صياحها مو طبيعي
مستحيل تقعد ساكته وتلعب


يا تبكي يانايمه

اشبعها وابدلها اسدحها ابيها تلعب بس تبكي تبي احد يشيلها
اذا احد شالها سكتت

ومرات اطنشها وهي تصيح
تقعد تفحط وصوتها يروح



طبعا نومتها اذا حطيتها بفراشها فزت وتصيح اشيلها ترجع تنام
وهذي حالتي


ومرات لا تنام من اول مره
بس اغلب شي تفز وارجع اشيلها



رحت للطبيب قال مافيها شي
وبخصوص الغازات اعطيها ادويه غازات
خروج بالحفاض الحمدلله زين


وديتها لحرمه تعالج قالت فيها خويتها
كوتها ع الخفيف وعطتني سعوط
ولانفع معاها



انا الحين عند اهلي وامي واختي يشيلونها عني واسوي اشغالي

بكرا لي رجعت بيتي شلون اصلي واروح الحمام او اخذ شاور وهي بس تصيح



احد مر بهالتجربه
تعبت نفسيا حتي زوجي مالي خلق له
ويمكن لي رجعت راح اهمله

[شمعدانه]

الف مبروك والحمد لله على سلامتك كلهم كذا انا كنت زيك حتى ما طلعت من نفاسي واناتعبانه اشتري لي من الصيدلية شاي اطفال لان هي تبكي من الغازات او يانسون دافي مع سكر نبات راح تنام طبعا اعطيها بالليل واهم شي واللي اكتشفته😂😂😂انهم بينامو ويطولو بعد شاور بمويه دافيه 😜والله يحفظها لك ويعينا على تربيتهم☺️

[حياتي توأمي]

حبيبتي
الشيء اللي تمرين فيه طبيعي
كلنا مرينا فيه. اول شهرين صعبين شوي ولازم احنا نتحمل ونصبر عليهم هذيل فلذات أكبادنا
الموضوع يباله صبر. من تكمل شهرين ان شاء الله بالتدريج راح يعتدل نومها ويطول
حبيبتي بما ان الدكتور قال مافيها شيء ليش رحتي وكويتيها عند الحرمة اللي تعالج
والله حرام
بنتك بعدها صغيره حرام ماكملت شهر تكويها
يعني بنتك مافيها. إلا العافيه
الله يهديكي بس

تقبلي مروري

[انثى تكره الظلم]

الف مبروك وحمدلله على سلامتك وسلامه بنوتتك
حبيبتى كلناا كداا انا ما كنت بعرف ادخل ال wc ههههههههههههه
اشربيهاا يانسوون دافىئ وماء غريب حلو كتير للغازات
ومعلش هدا طبيعى لازم تستحملين فتره وبتعدى
الله يديكى الصحه

[ام وليد2005]

الحمد الله على سلامتك حبيبتي والف مبرووووك البيبي

مثل ما قالو البنات إحنا كلنا مرينا بنفس التجربة ولازم تصبري


و تستحملي خصوصا في الشهرين الأولين


تقبلي مروري

[أم حمودي وعبودي]

لا والله مو كل الأطفال كذا
في أطفال ما شاء الله عليهم يبكون إذا كانوا جوعانين أو موسخين
ذكرتيني ببنت أختي لما قلتي تفحط وصوتها يروح
تصدقين صار عمرها 7 سنين وصوتها مبحوح

بنتك بحاجة للإحتضان الدافئ مثل لما كانت داخل الرحم
ممكن ينفع معاها التقميط
إذا رجعتي البيت اطلبي من زوجك المساعدة
وممكن تستخدمين حمالة الأطفال
وخلك هادئة ورايقة لأن البنت تتأثر بنفسية أمها
وتذكري أن هذه فترة وتعدي إن شاء الله على خير

[zainaby]

ماعليش هي لسه صغيره ولازم اذا تبي حضنك تعطيها عادي و كمان حمميها بماي دافي قبل النوم مثل ماقالو البنات ولين بتنام قمطيها ممكن هذا السبب اللي تقوم فيه و حطي شي من ريحتك صوبها ...

[حنين الوجدان]

يا الله يا اختي كأنك تتكلمي عني بالضبط بس انا ولد توني طلعت من الأربعين
الله يعين

[انتيكا89]

10363

اخذيلها هذا الكرسي ماركته graco اشتريته من سنتر بوينت وممكن تحصلينه بامازون يهز الطفل نقس حركه الام بيريحك كثير شوفي باليوتيوب graco swing في مقطع يوضح في انواع بس هالنوع افضل شي نفس حركه الام ويشتغل ببطاريه او عالكهربا من كثر ما احب هالكرسي مافي احد ما انصحه فيه حييييل راح يريحك

[دلوو ووعة]

حبيبتي شيء طبيعي هالشيء الصياح المتكرر ومن تكبر بتهدا بس حاولي ماتعودينها يوم تكبر عالحملها لان بتتعود بتصيح عشان تحملينها فوق بس الحين حاولي تحطينها عصدرج حاملتنها وطبطبي عظهرها ترا الغازات تلعب دور بعد وشوفي دوا اسمه انفيكول للغازات للرضع زين بعد

وعقبال ما نربي بالسلامة

[حازمة]

الله يعينك ويرزقك برها ويجعلها من الصالحات بعد عتبي عليك ليش تكوينها حرام عليك اولا اقري عليك ايات من القران المعوذات وايه الكرسي ترى مافيالطفل يتاثر بالقران ثانيا اذا صاحت كوفليها زين وحطيها جنب قلبك يعني راسها واذنها على جهة قلبك صدقيني راح تحس بالامان ولا تتركي القراءة ابدا انا ولدي كان مره صيح الل هيحفظه والحين ماشاء الله كبر وسار عمره سنتين...والله يحفظها عليك بالصبر ياختي والاحتساب والدعاء لها والله يهديها ان شاء الله .اهم شي عدم التذمر .احتسبي ترى كل شي باجرة
معليش بعض الحروف ملخبطه لاني داخله من الجوال

[مندوبه افون]

اول شئ الف مبرررررروك

وتتربى في عزك

حبيبتي هذا الشئ طبيعي

انا بنتي كانت كذا بعيد لسى صغيره

وخايفه من العالم تبغى حضنك كانت جوا بمامن

وكانت دافيه طوال الوقت ولا ازعاج ولا حاجه

وفجاة اتغير كل شئ عليها

خليك صبورة واذا كبرت حبتين كمان خلاص ترتاحي

[فديت نفسي]

الحمدلله ع سﻻمة ﻻزم تتحملي هاذي فترة وتعدي اخذي لها من الصيدلية دنتكيس للغازات وشاي ااﻻطفال
وزي ماقالوو البنات حمميها بموية دافية

[jojo 123456]

اصبري اكيد مرحلة ورح تعدي الله يعينك

[ورد القلوب]

كويتيها وماكملت شهر ... حرام بعدها صغيره ...
من تجربتي ...
اعطيها سالينال حق الغازات او ماي غريب .. وحاولي تلبسيها اشياء خفيفة .. الجو حار هالايام
والطفل بسرعة يصير جسمة حار
اني لما جبت بنتي نفس الحالة كانت دايما تصيح ...
وخصوصا بالليل وتعبتني حيل وكم مره رحت المستشفى مرضت من كثر ماهي متعبتني
والحمد لله كل ماتتقدم في الشهور بخف صياحها تدريجيا

[Yasmeen1990]

يالله نفس وضعي حاليآ انا صار لي 3 ايام في بيتي مع هالولد الصياح ومو قادره اسوي شي يصيح صياح مو طبيعي
تعبت والله الله يكون بعونج وعوني

[الحياه حلوة#]

عالبركه المولوده والله بصلحها لك لازم اول شي تعب لين ماتتعودون علا بعض انتي ام جديده وهي بعد لسه صغيره
الله يوفقك
تقبلي مروري