حامل وعدم الشهية في الأكل

[هنوووووفة87]

مرحبا خواتي ...


شحالكم ...


خواتي الحمدالله انا حامل بالشهر الثاني أعتقد الاسبوع الثامن

وهذا أول حمل لي الحمدالله

بس مالي شهية أكل ... وماحب لا اكل دجاج أو سمك أما لحم شويه

وممنوع علي الروبيان !

يمكن مرات أكل بالغصب بس عقب مااكل احس بالتعب

واللوعااااان والراس يكون ثقيييل خاصة الصبح وفترة الليل ...

واذا أكلت أكلة عجبتني ماحس بطعم الأكل :(

حتى استغفر الله كرهت الأكل وريحته :(

وصرت وااايد اعصب مااستحمل شي ....!


هل هالشي يأثر على الجنين لآني واااايد أحاتي هالشي



هل هالشي عادي ؟ في حد مثلي ؟ وشو سويتوا في هالحالة ؟ ومتى تنتهي هالاعراض ؟

وهل صدق اللي ماتكره الدجاج في فترة حملها يطلع جنس المولود بنت ولا

مايخصه ؟!!!

ياليييت حد يفيدني ومشكورين :)

[بيلاروسيا]

الله يتمم لك على خير و يقرّ عينك بشوفة طفلك و يرزقك ما تمنين
بالنسبة للوحم الاعراض هادي عادية و تختلف من امراة لاخرى
و انا مثلك بتغيير المزاج و بالعاده بالاغلب يعني تنتهي بنهاية الشهر الثالث
أحسن شيء بوضعك تقسمي الاكل لوجبات خفيفة خلال اليوم و اكثري
من تناول الفاكهة و بالاخص الموز و خلي طبيبك يوصفلك فيتامينات تساعد بنمو الجنين.
الله يعينا

[هنوووووفة87]

الله يتمم لك على خير و يقرّ عينك بشوفة طفلك و يرزقك ما تمنين
بالنسبة للوحم الاعراض هادي عادية و تختلف من امراة لاخرى
و انا مثلك بتغيير المزاج و بالعاده بالاغلب يعني تنتهي بنهاية الشهر الثالث
أحسن شيء بوضعك تقسمي الاكل لوجبات خفيفة خلال اليوم و اكثري
من تناول الفاكهة و بالاخص الموز و خلي طبيبك يوصفلك فيتامينات تساعد بنمو الجنين.
الله يعينا



مشكورة اختي على ردج الطيييب
وربي يعيينج ويعيينا ويعييين الجميييع :)

[Ayat121]

انا بديت اتوحم من ثلاث ايام بس
الغثيان جد ذبحني
بس للحين ماكرهت شي اكله غير البيض
يعني باقي الاكل ماتغير علي وعادي اكله

ترى الغثيان يزيد اذا جعتي لاتجوعي نفسك
انا اذا حسيت بالجوع يزيد عندي
اكل زبادي مع الخبز احسه خفيف ويبرد على معدتي
كمان البرتقال يخفف الغثيان لما اكله احس براحه
ربي يسهل عليك وعلينا

[حياتي توأمي]

حبيبتي اعراضك جداً طبيعيه

هذا وحام
ويختلف من مرأة لأخرى
لاتخافي فتره وتعدي من تدخلي شهرك الثالث يبدأ يخف الوحام
حتى ينتهي شهرج الثالث وتنتهي الأعراض ان شاء الله لاتحاتين
ببخصوص الدياي مايخصه الأكل حبيبتي بجنس المولود
انا قالولي اللي تشتهي موالح يعني ولد
وكنت اشتهيه وطلعت بنت الله يحفظها
يعني ماااااااااااااااااايخصه

[عشقت انفاسك]

الله يساعدك

مثلي لا اكل ولا شرب الا واستفرغه وانتو بكرامه تعبت من الوحام حييل

وامس حسيت بالم بمعدتي والحين الم اسفل بطني وخايفه يأثر ع البيبي

[آحساسي]

بحملي الاول نقص وزني عن الطبيعي ب٩ كيلو
والسبب شهيتي كانت معدومه جدا واكلي بالقطاره

صراحه ما يضر الجنين ( بس لا تتركي حمض الفوليك ابدا ) لانه يعوض النقص
بس حاولي تشربي مشروبات مفيده مثل عصير العنب طازج وبرتقال يعني حاولي تاكلي خضار وفواكه
ممكن تعملي زبادي مع خيار وجزر وهكذا حاولي تسوي اكل مفيد مو عشانك عشان البيبي
وعشان صحتو تكون كويسه ولاجل عيونه تكرم مدينه

واذا مره مافي فايده خبري الدكتوره تصرف لك دواء يخفف الغثيان
ممكن الغثيان يروح بعد شهر وممكن بعد الثلاث الشهور الاولى وممكن يستمر الى التاسع

والله يسهلك ويتمم لك حملك